Лаптев, Виктор Петрович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Лаптев.
Виктор Петрович Лаптев
Laptev viktor petrovich.jpg
Вордӥськем дырыз 24-тӥ толсуре 1925(1925-12-24)
Вордӥськем интыез Решоты черкогурт, Кан округ, Сибирь шаер яке Воткинск, Сарапул округ, Урал улосвыл, СССР
Кулэм дырыз 7-тӥ южтолэзе 1974(1974-03-07) (48 арес)
Кулэм интыез Североморск, Мурманск улос, СССР
Кунмуртлыкез СССРFlag of the Soviet Union.svg СССР
Кыӵе войскоез пехота
Ожгар-зарезь флот (ВМФ)
Служить карон аръёсыз 1943—1974
Званиез кыкетӥ рангъем капитан
Частез 75-тӥ гвардейской стрелковой дивизилэн 241-тӥ стрелковой полкез
Ожмаськонъёс/ожъёс Быдӟым Атыкай ож
Данъетъёсыз
Совето Союзлэн Героез
Ленин нимо орден Медаль «За отвагу» (СССР) «1941-тӥ—1945-тӥ аръёсы Быдӟым Атыкай ожын Германиез вормем понна» медаль
Логотип РУВИКИ.Медиа Медиафайлъёс РувикиМедиа пушкын

Виктор Петрович Лаптев (1925-тӥ арын 24-тӥ толсуре — 1974-тӥ арын 7-тӥ южтолэзе) — Быдӟым Атыкай оже пыриськем мурт, Шор фронтысь 60-тӥ армилэн 30-тӥ стрелковой корпуслэн 75-тӥ гвардейской стрелковой дивизилэн 241-тӥ стрелковой полклэн стрелокез. Совето Союзлэн Героез (1943)[1][2] , берло — кыкетӥ рангъем капитан.

Улон сюресэз

Вордӥськиз 1925-тӥ арын 24-тӥ толсуре Решоты черкогуртын[3][4] (Красноярск улос Нижний Ингаш ёрос). Мукет тодэтъёсъя, вордӥськиз Вотка завод каргуртын (Удмуртия)[5][6] собере улӥз Канск карын но Решоты черкогуртын[7].

Быдӟым Атыкай ож

1943-тӥ арын толшоре Лаптевез Горд Армие басьтӥзы. Отысь Ачинск каре (Красноярск шаер) пехотной училищее келязы. Со арын ик гудырикошкон толэзе, фронтын секыт югдур кылдэмен, училищеысь курсантъёсты рядовой званиен фронтэ келязы. Гвардиысь горд армеец Лаптев 75-тӥ гвардейской стрелковой дивизилэн 241-тӥ гвардейской стрелковой полклэн 2-тӥ стрелковой батальонэзлэн стрелокез луиз.

1943-тӥ арын 23-тӥ куарусёнэ полкеныз валче В. П. Лаптев ожмаськыса Днепр вамен выжиз, Киевлэсь 35 иськемлы уйпалагес, Глебовка но Ясногородка черкугуртъёс котырын (Киев улос Вышгород ёрос). Связной чотын ротаез взводъёсыныз герӟась связез вис карытэк возиз, со вакыт ик дыраз боеприпасъёс вуттылӥз[8]. Полклэн косэтэзъя «За отвагу» медален пусъемын.

23-тӥ —25-тӥ куарусёнэ, дивизилэн валтӥсь кужымъёсыз вуытозь, плацдармез возён понна, лек ожмаськонъёсы пыриськиз. Гвардиысь подполковник Бударин Н. П. Лаптевлэн наградной листаз сэзь ожмаськемез но подвигъёсыз сярысь пусйиз. 24-тӥ куарусёнэ полклэн 2-тӥ батальонэзлэн 5 стрелокез ваньмызлэсь азьпал Днепрез выжизы но тушмон котретэ шедизы. Лаптев командованиез ас вылаз басьтоно луиз. 6 час ӵоже сэзь ожгарчиос 40-лэсь ятыр немецъёс солдатъёсын нюръяськизы, тушмонлэсь 7 контратаказэ пазьгыны быгатӥзы. Ачиз Лаптев со ожын 15-сэ погыртӥз. Собере, боецъёссэ ӝутыса, гранатаосын тушмон котретэз пазьгиз но ас полкеныз огазеяськиз.[9]. 25-тӥ куарусёнэ, уйин разведкае потакуз, тушмонлэсь станковой пулемётсэ но солэсь расчётсэ гранатаосын пушкытӥз, тушмонлэн огневой точкаосызлэн интыяськемзы сярысь кулэ ивортодэтъёс вайиз.

СССР-ысь Вылӥ Кенешлэн Президиумезлэн 1943-тӥ арын 17-тӥ коньывуонэ Днепр понна геройлыко ожмаськемез, плацдармез киултэмез но утемез понна горд армеец Лаптев Виктор Петрович Совето Союзлэн Героез дано нимын пусъемын, Ленин орденэн но «Зарни Кизили» медален данъетамын[10] .

1944-тӥ арын инвожое Лаптевез Пермьысь Молотов нимо Военно-морской авиационно-технической училищее (ВМАТУ) дышетскыны ыстӥзы.

Тылож бере

1945-тӥ арын дышетсконзэ «Авиационной механик» ӧнерен но «ст. сержант» званиен йылпумъяз. Собере флотын службазэ азьланьтӥз. 1950-тӥ арын Киевысь вылӥ военно-морской политической училищее (КВВМПУ) дышетскыны пыриз. Сое йылпумъямез бере, 1953-тӥ арысен «лейтенант» званиен Севастопольысь «Новороссийск» линкорын служить кариз. 1955-тӥ арын, шуэрес учыр кылдыса, линкор ву улэ кошкиз[11]. Соберелапртевез Севастопольысь торпедной катеръёслэн бригадаязывыжтӥзы. Северодвинскын, Полярнойын, Феодосиын, Мурманск улосысь Роста каргуртын ожгар-зарезь соединениосын, но вуул лодкаосын служить кариз. 1960-тӥ арын В. И. Ленин нимо Военно-политической академиез йылпумъяз. Кыкетӥ рангъем капитан.

1974-тӥ арын 7-тӥ южтолэзе, сюрес вылын шуккиськыса, Мурманск улосысь Североморск госпитальын кулӥз. Ватэмын Севастопольын.

Данъетъёсыз

  • Совето Союзлэн Героезлэн «Зарни Кизили» медалез (1561-тӥ номер) (1943-тӥ ар 17-тӥ коньывуон);
  • Ленин орденэз.
  • медальёсыз.

Буре ваён

  • Севастопольысь Геройёслы сӥзем шайвылын Геройлы синпелет пуктэмын.
  • Виктор Лаптевлэн нимыз Нижний Ингаш каргуртысь шор площадьын 1941-тӥ—1945-тӥ аръёсы Быдӟым Атыкай оже пыриськем муртъёслы сӥзем буре ваён мемориал вылын пыртэмын.
  • Красноярск улосысь Нижний Ингаш ёросысь Решоты каргуртын одӥгезлы ульчалы Геройлэн нимыз сётэмын[12].
  • Украинаысь Ожгар Кужымъёслэн Сухопутной войскоосызлэн «Десна» дышетон центраз Геройлэн бюстэз пуктэмын.
  • 2015-тӥ арын Решоты черкогуртысь 1-тӥ номеро шоръёзо школалы Совето Союзлэн Героезлэн В. П. Лаптевлэн нимыз сётэмын.

Валэктонъёс

  1. ↑ Архивы Удмуртии. Лаптев Виктор Петрович
  2. ↑ Должность и воинское звание приведены на дату совершения подвига.
  3. ↑ Герои Советского Союза: Краткий биографический словарь в двух томах. — Москва: Воениздат, 1987. — Т. 1. — С. 844.
  4. ↑ Лаптев Виктор Петрович. Записи из военкоматов [ӟуч]
  5. ↑ Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 435. — 768 с. — 2200 экз. — ISBN 978-5-7659-0486-2.
  6. ↑ Лаптев Виктор Петрович. Документы о награждении [ӟуч] (ЦАМО, Картотека награждений, шкаф 50, ящик 14.)
  7. ↑ Лаптев Виктор Петрович [ӟуч] Национальная библиотека Удмуртской Республики.
  8. ↑ ЦАМО, ф. 33, оп. 686044, д. 2728, запись 20184341, стр. 1.
  9. ↑ ЦАМО, ф. 33, оп. 793756, д. 27, запись 150018798, стр. 136.
  10. ↑ ЦАМО, ф. 33, оп. 682525, д. 48, запись 12057300.
  11. ↑ Линкор «Новороссийск». Эскеремын 2011-07-04 арын
  12. ↑ Красноярский край. Официальный портал. Лаптев Виктор Петрович

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Днепр — река героев. — 2-е изд., доп. — Киев: Изд. полит. лит Украины, 1988. — ISBN 5-319-00085-5.
  • Половников А. Красноярцы — герои Отечественной войны. — Красноярск: Красноярское книжное изд-во, 1959.

Чӧлсконъёс

«https://udm.ruwiki.ru/w/index.php?title=Лаптев,_Виктор_Петрович&oldid=493984»-ысь басьтэмын