Щипакин, Иван Алексеевич

Иван Алексеевич Щипакин
Иван Алексеевич Щипакин
Вордӥськем дырыз	20-тӥ толсуре 1923
Вордӥськем интыез	Курмачкасы[d], Ардатовский уезд[d], Симбирск губерния[d], СССР;
Кулэм дырыз	17-тӥ тулыспалэ 2016 (92 года)
Кулэм интыез	Ставрополь, Россия;
Кыӵе войскоез	войска связи[d]
Званиез	Майор[d]
Ожмаськонъёс/ожъёс	Быдӟым Атыкай ож;
Данъетъёсыз	;

Иван Алексеевич Щипакин (1923 – 2016) – ожгарчи. Быдӟым Атыкай ож дыръя 2-тӥ Украин фронтысь герӟетъя 167-тӥ гвардейской батальонлэн дружинаезлэн командирез вал. Майор. Совето Союзысь Герой.

Улон сюресэз

Вордскиз 1923-тӥ арын 20-тӥ толсуре Курмачкасы гуртын (али Мордовиысь Ромоданово ёросэ пыре) крестьян семьяын. Вазь анай-атайтэк кылиз. Школаын дышетскыкуз, винтовкаен ыбылӥськиз но «Юный ворошиловский стрелок» значок басьтӥз. Собере Саранскысь гурт удысъя техникумез йылпумъяз. Теплоэлектростанцие ужаны интыяськиз, отын ик электросварщиклы дышетскиз. 1941-тӥ арын толсуре солэсь бригадазэ Киров улосысь Вятские Поляны каре шундыпуксён палась эвакуировать карем ожгар заводъёсты выльдыны-улӟытыны келязы^[1]^[2].

Быдӟым Атыкай ож

1942-тӥ арын куартолэзе Иван Щипакинэз Удмурт АССР-ысь Глазов военкомат пыр Горд армие басьтӥзы. 1942-тӥ арын куарусёнысен ожмаськиз Кавказсьӧр фронтын, 1944-тӥ арын куарусёнысен – 2-тӥ Украин фронтын. Пыриськиз Ставрополь, Уйпал Кавказ, Кубань понна ожъёсы, мозмытӥз Украинаез, Молдавиез, Румыниез, Венгриез^[3]. Вормонэз Австриын пумитаз^[4].

Подвигез

2-тӥ Украин фронтысь 167-тӥ гвардейской батальонысь гвардилэн вылӥ сержантэз Щипакин 1944-тӥ арын 5-тӥ толсуре уйин, Венгриысь Эрчи город дортӥ Днепр шурез выжыкуз, пыжен тушмонэн киултэм плацдарме потӥз. Кыкетӥез пыж, кудаз телефонистъёс лыкто вал, пуштытэмлэсь берыктӥськиз, командирзы сӧсырмыны шедиз. Связистъёс уяса ярдуре вуизы но десантлы дивизилэн штабеныз герӟет кыскытӥзы. Но ӝоген проводзы тӥямын вал но шур кузя уяса кошкиз. Кыкетӥзэ герӟет кыскыкузы, кабельзы катерлэн винтэз борды биниськиз. Щипакин, йӧ вуэ тэтчыса, кабелез сэрттӥз но герӟетэз выльдӥз^[3].

СССР-ысь Вылӥ Кенешлэн президиумезлэн 1945-тӥ арын 24-тӥ южтолэзе поттэм косэтэзъя Щипакин Иван Алексеевичлы Совето Союзысь Герой ним, Ленинлэн орденэз но «Зарни Кизили» медаль (№ 4889) сётэмын^[3]^[5].

Ож бере

Ож бере Щипакин армиын службазэ азьланьтӥз, нош 1971-тӥ арын майор званиен запасэ потӥз. Йылпумъяз Ставропольысь пединститутэз, партийной но административной ужъёсын выриз. Уно пол бырйиськиз Ставрополь улосысь депутатъёслэн кенешазы. Ставропольысь Ленин ёрос исполкомлэн йырыз но нырысетӥ секретарез, Железноводскысь горкомлэн нырысетӥ секретарез луыса тыршиз^[3].

2005-тӥ арын Мускоын ортчем Вормон нуналлы сӥзем парадэ пыриськиз^[3].

Улонысь кошкиз Ставропольын 2016-тӥ арын 17-тӥ тулыспалэ^[3].

Данъетъёсыз

«Зарни Кизили» медаль (24.03.1945)^[6]^[5];
Ленин орден (24.03.1945);
Отечественной ожлэн I степенё орденэз (11.03.1985);
«Знак Почёта» кык орденэз;
«За отвагу» медаль (28.07.1943);
«За оборону Кавказа» медаль^[3]^[1];
Ставропольлэн дано муртэз.

Буре ваён

Геройлэн бюстъёсыз сыло Ставропольын но Ромоданово посёлокын^[4].
Курмачкасыын буре ваён пул юнматэмын.
Ставропольысь одӥгез урам Иван Щипакинлэсь нимзэ нуллэ^[7]^[4].

Валэктонъёс

↑ ¹ ² Последний герой Ставропольское краевое отделение политической партии "Коммунистическая партия Российской Федерации"
↑ Щипакин Иван Алексеевич Национальная библиотека им. А. С. Пушкина Республики Мордовия
↑ ¹ ² ³ ⁴ ⁵ ⁶ ⁷ Щипакин Иван Алексеевич "Герои страны" вотэсбам
↑ ¹ ² ³ О подвиге Героя Советского Союза рассказал Михаил Миненков Вести.Ставрополье.
↑ ¹ ² Указ Президиума Верховного Совета СССР в электронном банке документов «Подвиг народа» (архивные материалы ЦАМО. Ф. 33. Оп. 686046. Д. 28. Л. 12)..
↑ Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 56. Л. 104, 105)..
↑ Улицы в Ставрополе называют именами героев Эскеремын 2019-08-16 арын

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

[:1-1] ¹ ² Последний герой Ставропольское краевое отделение политической партии "Коммунистическая партия Российской Федерации"

[2] Щипакин Иван Алексеевич Национальная библиотека им. А. С. Пушкина Республики Мордовия

[:0-3] ¹ ² ³ ⁴ ⁵ ⁶ ⁷ Щипакин Иван Алексеевич "Герои страны" вотэсбам

[:2-4] ¹ ² ³ О подвиге Героя Советского Союза рассказал Михаил Миненков Вести.Ставрополье.

[ГСС-5] ¹ ² Указ Президиума Верховного Совета СССР в электронном банке документов «Подвиг народа» (архивные материалы ЦАМО. Ф. 33. Оп. 686046. Д. 28. Л. 12)..

[нлГСС-6] Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 56. Л. 104, 105)..

[7] Улицы в Ставрополе называют именами героев Эскеремын 2019-08-16 арын

[1]

[2]

[3]

[4]

[5]

[6]

[7]