Шкляев, Александр Григорьевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Шкляев.
Александр Григорьевич Шкляев
Александр Григорьевич шкляев.jpg
Вордӥськем нуналыз 4-тӥ тулыспалэ 1944(1944-02-04) (82 арес)
Вордӥськем интыез Якшур-Бӧдья ёросысь Якшур гурт, Удмурт АССР, СССР
Ужудысэз литературовед, литературая критик, писатель, журналист
Данъетъёсыз

Александр Григорьевич Шкляев (ворд. 1944-тӥ арын 4-тӥ тулыспалэ Якшур-Бӧдья ёросысь Якшур гуртын, Удмурт АССР, РСФСР, СССР) — удмурт писатель, литературовед, критик, журналист.

Удмурт Элькунысь наука удысысь дано ужась (1994), Удмурт Элькунысь лулчеберет удысысь дано ужась (1996), Россиысь Журналистъёслэн огазеяськонысьтызы ёзчиез (1977), Россиысь Писательёслэн огазеяськонысьтызы ёзчиез (1979), Удмурт Элькунысь Кун премилэн лауреатэз (2007), «Знак Почёта» орденэн пусъемын (1984), кылосбур наукаосъя кандидат (1977), К. Герд нимо йӧскалык премилэн лауреатэз[1]

Улон сюресэз

Александр Григорьевич 1944-тӥ арын 4-тӥ тулыспалэ Удмурт АССР-ысь Якшур-Бӧдья ёросысь Якшур гуртын крестьян семьяын вордӥськиз. Дас пинал пӧлысь со покчиез вал. Якшур-Бӧдья педучилище бордын ужась школаын тодон-валанзэ муромытӥз, татын вань предметъёсты удмурт кылын валэктылӥзы. Отӥяз Якшур-Бӧдьялась шор ёзо школае выжиз, татын ни вань предметъёсты ӟуч кылын валэктылӥзы. Школаын дышетскыкуз ик, литературной кружоке ветлӥз, занятиосын дыръяз веросъёс но кылбуръёс гожъянэн тунсыкъяськыны ӧдъяз. Нырысетӥ кылбур бичетэз дунне вылэ 15 аресказ потӥз[2].

1967-тӥ арын Мускоысь М. В. Ломоносов нимо кун университетысь  [ӟуч] (удм. журналистикая факультетэз йылпумъяз. 1968-тӥ арысен татын ик аспирантураын дышетскиз, 1971-тӥ арын кандидат диссертацизэ утӥз. Со экономикая, историяя, кылъя но литературая Удмурт научно-исследовательской институтлэн литературая но фольклоръя сектораз бадӟымез наукая ужась луыса тыршиз[1].

1967-тӥ арысен «Комсомолец Удмуртии» газетлэн редакцияз журналист сямен ассэ эскериз но возьматӥз, татын со 1978-тӥ арозь ужаз. 1978-тӥ арысен 1982-тӥ арозь «Молот» журналлэн валтӥсь редакторез вал. 1981-тӥ арын Удмурт АССР-ысь Писательёслэн огазеяськонзылы тӧроез бырйизы, огазеяськонэз со 1984-тӥ арозь валтӥз.

1985-тӥ арысен Удмурт кун университетын ужаны кутскиз, татысь удмурт литературая но СССР-ысь калык литературая кафедраен кивалтыны ӧдъяз. Отӥяз Удмурт кун университетын журналистикая специальностез, кафедраез, бератаз факультетэз кылдытӥсьёс пӧлысь огез луиз[3]. 1998-тӥ арысен 2015-тӥ арозь историяя но журналистикая теорияя кафедраен кивалтӥз. Али Александр Григорьевич Удмурт кун университетысь студентъёслы «Отечественной журналистикалэн историез», «СМИ-ез право ласянь радъян», «Журналистлэн литературая ужез», «Журналистлэн логикая культураез», «Медиакритика», «Калыккуспо гуманитарной право но СМИ», «Россиысь но артысь кунгож сьӧрысь кунъёсысь калыкъёслэн литературазы» но мукет курсъёсъя лекциос лыдӟе.[4]

Литературая ужез

А. Г. Шкляев литературая ужзэ кылбурчи но прозаик сямен мытӥз. Школаын дышетскыкуз ик, кылбуръёсыз но веросъёсыз газет-журналъёсын печатласькизы. Нырысетӥ кылбуръёсыз 1959-тӥ арын «Удмуртиысь комсомолец», «Советской Удмуртия» (али «Удмурт дунне») газетъёсын, «Молот» (али «Кенеш») журналын потӥзы.

1971-тӥ арысен со литературовед но критик сямен ассэ возьматэ. XX даурысь литератураез эскерыса, таӵе статьяослэн авторзы луэ: «Времена литературы — времена жизни» (1982), «Араны егит муртъёс лыктозы» (1986), «Ӵашъем нимъёс» (1995), «Вапумысь вапуме» (2002) но мукет.

А. Г. Шкляев озьы ик Удмуртиысь 20-тӥ—30-тӥ аръёсысь литератураез но литератураысь югдурез эскериз («На подступах к реализму: Удмуртская литература, литературное движение и критика в 1917—1934 гг.», 1979). Удмурт литературоведение ӵапак со таӵе валатонъёсты пыӵатӥз: «флорвасильевский стих», «батыриада» (удмурт батыръёслы сӥзем произведениосын цикл), «беглоиада» (беглойёс сярысь произведениосын цикл).

Таӵе трос пумо альманахъёслэсь нырысетӥ томзэс кылдытӥз, гожтӥз но радъяз: «Между Волгой и Уралом» (1977), «Горизонт» (1980), «Край родниковый» (1984) бичетъёс, Кузебай Гердлэн «Гажан эше!» кылбур бичетъёсыз (1978), «Ступени» (М., 1985) но мукет.

Озьы ик эпиграммаос, шаржъёс, пародиос, вакчи веросъёс («Эшъёс-юлтошъёс» — «Друзья-товарищи», 1995) гожъялляз.

Александр Шкляев 2004-тӥ арын нылпиослы кылбуръёсын «Уйвӧт» — «Сон» книга поттӥз. Озьы ик со 2007-тӥ арын школаосысь 8-тӥ классъёсын дышетскисьёслы «Удмурт литература» учебник-хрестоматилэн авторез но гожтӥсез луиз.

В. Гусев, В. Дементьев  [ӟуч] (удм., А. Турков  [ӟуч] (удм. кадь дано критикъёслэн семинаръёссы пыр потӥз, Хельсинкиысь но Туркуысь университетъёсын стажировка ортчиз, Маастрихт карын (Голландия) журналистикалы дышетонъя курсъёсы вуылӥз. Сое Оулу карысь (Финляндия) университетэ но лекциоссэ лыдӟыны ӧтчаллязы.

Александр Григорьевичлэн статьяосыз «Вопросы литературы», «Литературное обозрение», «Октябрь», «Волга», «Elias», «Opuskulum» (Финляндия), «Nationalities Papers» (Великобритания — США), «Кенеш» журналъёсын, «Молодые о молодых», «Сверстники» но Мускоысь мукет бичетъёсын печатласькиз[1].

Валтӥсь публикациосыз

  1. Времена года и времена жизни: О творчестве Флора Васильева // Сверстники. — М., 1979. — С. 207-219.
  2. Времена литературы — времена жизни. — Ижевск: Удмуртия, 1992. — 207 с.
  3. Край родниковый / Сост. П. Ф. Куляшов, А. Г. Шкляев. — М.: Современник, 1984. — 462 с.
  4. Кузебай Герд. Гажан эше! / Люказ но примеч. гожтйз А.Г. Шкляев. — Ижевск, 1978. — 251 с.
  5. Кузебай Герд. Ступени: Стихотв. и поэмы / Сост. А.Г. Шкляев. — М.: Современник, 1985. — 164 с.
  6. Между Волгой и Уралом: Произведения писателей автоном. республик Поволжья и Урала: Поэзия. Проза / Сост., предисл. и коммент. А.Г. Шкляева. — Ижевск, 1977. — 460 с.
  7. Удмуртская литература и газетно-журнальная критика в 1917-1934 гг.//Авт. реф. дис. на соиск. уч. ст. канд. фил. наук. М.: МГУ, 1977. — 21 с.
  8. Убиенные имена = Ӵашъем нимъёс. — Об удмурт. писателях, репрессированных в. 20-50-е гг. Их стихи, рассказы, пьесы, ст. — Ижевск: Удмуртия, 1995. — 448 с.; ISBN 5-7659-0528-5
  9. Удмуртская фольклорно-эпическая поэзия: Поэмы о батырах//Эпические традиции в удмуртской литературе и фольклора. — Устинов, 1986. — С. 73-81.
  10. Уйвӧт: Нылпиослы кылбуръёс. — Ижевск, 2004. — 16 с.
  11. Эшъёс — юлтошъёс: Ӟечкыланъёс, рекламкылбуръёс, автографъёс, шаржъёс, памфлетъёс, фельетонъёс, басняос, куктуаськонъёс. — Ижевск, 2004. — 80с.

но мукет.

Валэктонъёс

Чӧлсконъёс

«https://udm.ruwiki.ru/w/index.php?title=Шкляев,_Александр_Григорьевич&oldid=506773»-ысь басьтэмын