Франциск (Римской Папа)

Википедиысь материал
Та кыллэн мукет валатонъёсыз вань, учке Франциск.
Дун-чылкыт Римской Папа
Франциск
лат. Franciscus
Франциск
Франциск Папа 2021-тӥ арын
Coat of arms of Franciscus.svg
Флаг
266-тӥез Римской Папа
2013-тӥ арын 13-тӥ южтолэзе — 2025-тӥ арын 21-тӥ оштолэзе
Быръён 2013-тӥ арын 13-тӥ южтолэзе
Интронизация 2013-тӥ арын 19-тӥ южтолэзе
Черк Римско-католической черк
Азьпалчиез Бенедикт XVI
Флаг
 Буэнос-Айресысь архиепископ но Аргентинаысь примас
1998-тӥ арын 28-тӥ тулыспалэ — 2013-тӥ арын 13-тӥ южтолэзе
Азьпалчиез Антонио Кваррасино
Бӧрысьчиез Марио Аурелио Поли
Учёной степенез Богословияя доктор
Вордӥськыкуз сётэм нимыз Хорхе Марио Бергольо
Нимызлэн оригиналэз Jorge Mario Bergoglio
Вордӥськемез 17-тӥ толсуре 1936({{padleft:1936|4|0}}-{{padleft:12|2|0}}-{{padleft:17|2|0}})[1][2][…]
Кулэмез 2025-тӥ арын 21-тӥ оштолэзе
Атаез Марио Хосе Бергольо[d]
Анаез Реджина Мария Сивори[d]
Пресвитерской хиротония 1969-тӥ арын 13-тӥ толсуре
Монашествое пыремез 1973-тӥ арын 22-тӥ оштолэзе[4]
Епископской хиротония 27-тӥ инвожое 1992-тӥ арын
Кардинал 21-тӥ тулыспалэ 2001-тӥ арын
Кинюртэмез Изображение автографа
Данъетъёсыз
Логотип РУВИКИ.Медиа Медиафайлъёс РувикиМедиа пушкын

Франци́ск (лат. Franciscus, итал. Francesco), быръемзылэсь азьвыл — Хо́рхе Ма́рио Берго́льо (исп. Jorge Mario Bergoglio; 1936-тӥ арын 17-тӥ толсуре Буэнос-Айресын — 2025-тӥ арын 21-тӥ оштолэзе Ватиканын) — 266-тӥез[5] Римской Папа[ru]. 2013-тӥ арын 13-тӥ южтолэзе быръемын. Выль вакытлэн историысьтыз нырысетӥез Папа, озьы ик 1 сюрс 200 ар ӵоже нырысетӥез Европаысь луисьтэм Папа (731-тӥ—741-тӥ аръёсы кивалтэм сириец Григорий III бере быръемын)[6]. Нырысетӥез иезуит луись Папа. Григорий XVI (1831—1846) кивалтэм бӧрсьы нырысетӥез монах луись Папа[7].

2025-тӥ арын 21-тӥ оштолэзе улонысь кошкиз[8].

Улон сюресэз

Хорхе Марио Бергольо 2-тӥ радын паллянысен 4-тӥез, 1948-тӥ ар

Хорхе Марио Бергольо 1936-тӥ арын 17-тӥ толсуре Буэнос-Айресын Италиысь эмигрантъёслэн, чугун сюрес вылын ужасьёслэн Марио Джузеппе Бергольо но Реджина Мария Сивори кузпалъёслэн семьяязы вордӥськиз.

Вить пинал пӧлысь со бадӟымез[9]. Римской Папа Франциск вералля вал, анай-атаезлы юрттон вылысь бадӟым классъёсын уй клубын югдурез эскерылӥз, озьы ик утялскисьын но лаборантын ужалляз шуыса[10]. Озьы ке но умой дышетскиз. Школа бере Иполито Иригоен нимо техникая школаез йылпумъяз, химик-технологлэсь дипломзэ басьтӥз.

Бератаз вералля вал, огпол черке пыриз, исповеде сюриз но сюлэмыз вырӟиз, священник луэмез потэ шуыса, шӧдӥз. Озьы ик кариз: Буэнос-Айресысь Вилья-Девотолэн семинарияз дышетскиз. Пневмониен юн курадӟеменыз сэрен пал тызэ басьтӥзы ке но, тазалыксэ тупатыны но дышетсконзэ йылпумъяны пӧрмытӥз.

1958-тӥ арын 11-тӥ южтолэзе иезуитъёслэн орденазы пыриз[11]. Послушничество дыръяз орденлэн куинь эскеронъёсыз пыр потӥз. Нырысь ик, больницаын, приютын но хосписын ужаз. Кыкетӥез, паломничествое ветлӥз, кураськиз. Куинетӥез, толэзь ӵоже нылпиосты нодъяз. Отӥяз Буэнос-Айресысь Дун-чылкыт Иосифлэн колледжаз тодон-валанзэ муромытӥз, философияя тодосчи луиз.

Буэнос-Айресысь куинь католической колледжъёсын литератураез, философиез но теологиез валэктӥз. Испан кылын сяна, итальян но немец кылъёсын вольыт вераськиз.

Иезуит

1969-тӥ арын 13-тӥ толсуре Бергольо священник луиз. Аргентиналэн шоркараз Сан-Мигель нимо колледжысь теологияя факультетын профессор вал. 1970-тӥ арын Аргентинаысь иезуит орденын пӧртэм удысъёсын ужаз.

Иезуит орденлэн кивалтӥсьёсыз, Хорхе Мариолэсь калыкен ужаны быгатонлыкъёссэ, кышкасьтэм луэмзэ адӟыса, Бергольоез ӝутыны но сӥлы карыны ӧдъязы. 1980-тӥ арын сое Дун-чылкын Иосифлэн семинарияз ректоре юнматӥзы. 1986-тӥ арозь кивалтӥз. Отӥяз Германиын доктор диссертацизэ утӥз но вордскем палъёсаз Кордовской архиепископилэн исповедникез но духовной директорез луыса берытскиз.

Епископ

Хорхе Марио Бергольо кардинал Аргентиналэн Кристина Фернандес де Киршнер президентэныз пумиськонын, 2010-тӥ ар

1992-тӥ арын 20-тӥ куартолэзе Бергольоез Буэнос-Айресысь юрттӥсь епископе юнматӥзы, Аукиысь титулярной епископез луиз. 1992-тӥ арын 27-тӥ инвожое Буэнос-Айресысь Антонио Кваррасино кардинал сое кафедральной соборысь епископе юнматӥз. Епископ луэмез бере Иезуитъёслэсь орденысьтызы потыны кулэ вал, нош со аслаз кунпусэз вылэ иезуитъёслэсь тодмо IHS (лат. Jesus Hominum Salvator) логотипсэс-аббревиатуразэс суредатӥз.

Кваррасино кардинал удыссэ ӝоген мозмытоз шуыса шараяськем бере, 1997-тӥ арын 3-тӥ инвожое Бергольоез коадъюторе юнматӥзы, отӥяз епархиез кияз кутыны но валтыны мед быгатоз шуыса.

1998-тӥ арын 28-тӥ тулыспалэ, Кваррасино кардинал кулэм бере, Бергольо Буэнос-Айреслэн выль архиепископез луиз. 6-тӥ шуркынмонэ Аргентинаысь шундыӝужан йылолъёсты чаклась католикъёслэн ординарийзы луиз, таос пӧлы ӟуч католикъёс но пыризы[12][13][14].

Кардинал

Х. М. Бергольо кардиналлэн кунпусэз

2001-тӥ арын 21-тӥ тулыспалэ Римской Папа Иоанн Павел II Бергольоез Ватиканысь кардиналозь ӝутӥз, Сан-Роберто-Беллармино черклэсь титулзэ сётӥз.

Кардинал сямен Бергольо соку ик Римской куриялэн администарцияз кӧня ке удысъёсты валтыны кутскиз. Со духовенствоен герӟаськем ужъёсъя конгреацизэ чакласа возиз, озьы ик службаос ортчытон, апостолъёслэсь улэмзэс эскерон удысъёсты нуиз. Бергольо Латин Америкаысь но семья ужпумъёсъя Папской Кенешысь комиссилэн ёзчиез луиз.

Бергольо кардинал востэм, калыкез валась но жалясь, дауръёсын утем йылолъёсты азинтӥсь вал. Туж огшоры улӥз, та понна ик калык сое гажалляз но. Квартираез пичи гинэ вал, лимузинлэсь но шофёрлэсь куштӥськиз, калык транспортэн ветлылӥз, аслыз ачиз сиён пӧралляз.

2005-тӥ арын 15-тӥ оштолэзе адямилэсь правооссэ утьыны оскем адвокат Бергольо вылэ уголовной уж ӝутӥз, 1976-тӥ арын Аргентинаын бугыръяськонъёсы пыриськиз, военнойёсын огкылысь кык иезуит священникъёсты вораз шуыса[15]. 2013-тӥ арын 17-тӥ южтолэзе ужез эскерись Аргентинаысь судья Херман Кастелли La Nación газетлы интервьюаз шуиз: «Хорхе Бергольо Римской Папа священникъёсты вузаз шуыса веран — со зэмос пӧяськон. Югдурез рос-прос эскерим но таӵе йылпумъянэ вуим: со йыруже пырисьёсын валче ӧз ужа. Озьы луысал ке, ивортысалмы»[16][17][18].

Папабиль

Бергольо Епископ,
2008-тӥ ар

Иоанн Павел II Римской Папа кулэм бере Бергольоез Ватиканэ ӧтизы, 2005-тӥ арын бырйиськыны медӥсь кардиналъёслэн кенешазы (Конклав) пыриськыны мед быгатоз шуыса. Римской Папалы кандидатэ Бергольоез чаклаллязы ке но, Кенеш Йозеф Ратцингер кардиналэз Папае юнматӥз. Кенеше пыриськем огез кардиналлэн печатлам дневникезъя, Бергольолэн вормыны вань луонлыкъёсыз вал, со огез кужмоез кандидат вал[19]. Со документъя Бергольо куинетӥ быръёнъёсын 40 куара люказ, нош ньылетӥяз — 26 кура гинэ, ӵапак таиз ик куар сётон валтӥсез луиз.

2005-тӥ арын епископъёслэн Синодзы дыръя Бергольоез постсинодальной кенешлы ёзчие бырйизы. 2005-тӥ арын 8-тӥ шуркынмонысен Аргентинаысь епископъёслэсь конференцизэс куинь ар ӵоже валтӥз.

2013-тӥ арын Бенедикт XVI Римской Папаысь кошкем бере, Бергольо кардиналъёслэн кенешазы Папалы кандидатэ пыриськиз но вормиз[20].

Римской Папае быръён

2013-тӥ арын 13-тӥ южтолэзе Римской Папае бырйизы. Аслыз Франциск (лат. Franciscus) ним басьтӥз, дун-чылкыт Франциск Ассизскиез сӥлы карыса[21]. Папстволэн историяз та нимез нырысьсэ кутӥзы, озьы ке но Франциск I номерез ӧз басьты. Сыӵе номер солы сётӥськоз, Папаос пӧлын кыкетӥез Франциск кылдэм бере.

Быръёнъёс ортчем бере со калыклы вазиськиз: оскисько, пе, Инмар тӥледыз та ужез лэсьтэмды понна простить кароз. 19 час 6 минутэ Сикстинской капеллалэн гумыысьтыз тӧдьы чын вӧлскиз, оскисьёслэсь мылкыдзэс ӝутӥз.

Франциск — нырысетӥез иезуит луись Папа, озьы ик Выль вакытлэн историысьтыз нырысетӥез Папа.

Франциск Россилэн Президентэныз
Владимир Путинэн, 2015-тӥ арын 10-тӥ инвожое

2013-тӥ арын 19-тӥ южтолэзе Францискез папаос пӧлы сӥё-дано пыртӥзы. Аслыз кунпусаз девизлы бырйиз дун-чылкыт Матфейлэсь Евангелиысьтыз 9-тӥ Главаысь чурез (Мф. 9:9-13): «Miserando atque eligendo» (рус. [с] милосердной любовью или рус. помилован и потому избран). Озьы ик Беда Достопочтеннойлэсь 21-тӥ Проповедьзэ сӥлы кариз, озьыен, музъем вылысь аслыз пайда гинэ уз утча, калыклы кулэ луыны тыршоз, чидась луоз шуыса, возьматыны выриз.

Понтификат

Франциск мерлыко вотэсъёсын аслэсьтыз аккаунтсэ ӧз кылдытъя, кардиналъёс кышкатскизы угось, лек кылъёсын шораз вазиськисез лачак луоз шуыса. Но 2019-тӥ арын 21-тӥ толшоре Римской Папа Франциск ялӥз, Папаен молитваос чирдонъя «Зӥб но вӧсяськы» (Click to pray) нимысьтыз сайт усьтӥське шуыса. Телефонъёслы тупась нимысьтыз ватсэтъёс кылдытэмын вал. Понтифик ачиз огаз проповедьын планшетаз ма со сыӵе возьматӥз[22].

2014-тӥ арын 19-тӥ гудырикошконэ Франциск журналистъёслы ивортӥз, солэсь азьвыл Папа сямен ик, со но тазалыкеныз йырин престоллэсь куштӥськыны быгатоз шуыса.

2015-тӥ арын куарусёнэ Гаванаын понтифик 89 аресъем Фидель Кастролэн резиденцияз вуылӥз, берло дыре таиз калык пӧлы ӧзгес возьматъяськылы ни вал[23].

2015-тӥ арын со сюлмаськемен семья ужпумъёсъя реформа ортчиз. 2016-тӥ арын 8-тӥ оштолэзе Францисклэн Amoris laetitia (лат. Яратонлэн шумпотонэз) апостол нодъямез печатламын вал, со туала улонын семьяын кылдэм ужпумъёс но семьялэн интыез юанъёслы сӥземын[24][25].

2013-тӥ арын коньывуонэ Религия ужпумъёсъя институт (Ватиканлэн Банкез) коррупциен нюръяськон вылысь ортчытэм реформая нырысьсэ арлы йылпумъянъёс лэсьтӥз. 2015-тӥ арын толсуре Франциск Ватиканлэсь коньдон ужпумъёсъя ужзэ чаклан вылысь нырысьсэ палэнысь эскерисьёсты ӧтиз, та ужен PricewaterhouseCoopers аудит компания выриз.

2016-тӥ арын 12-тӥ тулыспалэ Гаванаын Франциск Мускоысь но быдэс Русьысь Кирилл Патриархен[ru] пумиськылӥз. Ӟуч православной но Католической черкъёслэн историязы та нырысьсэ вал.

2018-тӥ арын гудырикошконэ Франциск адямиосты тюрьмаосын кужмысь быдтонлы пумит вераськиз. Солэсь адӟем карыса, Нью-Йорк штатлэн губернаторез Эндрю Куомо та толэзе ик штатын адямиез быдтонлы пумит законлэсь проектсэ кутыны сӥзиз[26].

Франциск Быдӟым тылож дыръя Пия XII Римской Папа кивалтон вакытысь лушкем документъёсты шараяз[27][28].

2022-тӥ арын южтолэзе, Украинаын ожмаськыса бугыръяськонъёс кылдэмен, Дун-чылкыт Престол бордын ужась Россилэн посольствояз вуылӥз, талы уноез абдразы[29]. Франциск Украиналэн президентэзлы Зеленскийлы жингыртӥз, куректэмзэ ивортӥз, Ватикан огкылысь улонъя кенешонэз ортчытыны инты утча шуыса, вераз [30]. «Дуннеын огсыр улон понна Дун-чылкыт Престол ваньзэ лэсьтыны дась», — шуиз Папа[31]. Южтолэзь кутсконын кык кардиналъёсты Украиналы юрттыны келялоз шуыса, ялӥз[32].

2022-тӥ арын пӧсьтолэзе Канадае вуылэмез бере Франциск ялӥз: «Та сюрес курадӟон кадь сётӥськиз... Со зэм, таӵе тазалыкен но мылкыдын дуннеез котыръяны уг яра». Тазалыкез куашкамен йырин, престоллэсь куштӥськоно луоз, вылды, шуыса но шараяз. Артрозэн йырин Римской Папа креслоен ветлэ ни вал[33].

2025-тӥ арын 14-тӥ тулыспалэ, шокан ёзвиосаз инфекция сюремен, Римысь Джемелли клиникае вуттэмын. 2025-тӥ арын 6-тӥ южтолэзе Ватиканалэн пресс-службаез ивортӥз, понтификлэн тазалыкез тупатске шуыса[34].

Папа Франциск шугектэмез бере Джемелли больницалэн балконаз калык азе нырысьсэ потӥз. Больница азе соку ог 3 сюрс адями люкаськиз. Ваньзэсты капчи мылкыдын пумитаз, бакельзэ сётӥз, бадӟым пӧлызэ выллань ӝутӥз. Собере Санта-Мария-Маджорелэн базиликаяз Роландас Макрицкас кардиналэн, Папской базиликаысь коадъютором-архиепископен, пумиськылӥз, утемез понна Salus Populi Romani Мариялэн мудорез азе сяська поныны косӥз[35].

Кулэмез но ватӥськон

Франциск Римской Папа 2025-тӥ арын 21-тӥ оштолэзе Ватиканысь резиденцияз вазь ӵукна улонысь кошкиз. Солы 88 арес вал. Ватиканлэн ивортэмезъя, сое пери шуккиз. Кулэмезлэсь одӥг нунал азьвыл Паскаен валче понтифик оскисьёс азе поталляз, Ватиканысь дун-чылкыт Пётрлэн базиликаысьтыз балконысен бакельзэ сётӥз[36]. Озьы ик 20-тӥ оштолэзе Франциск Римской Папа США-лэн вице-президентэныз Джей Ди Вэнсэн пумиськылӥз, ог-огзэс праздникен ӟечкылазы[37].

Ватон ужрад сяме пырем йылолъёслэсь висъяськиз. Францисклэсь куронъёссэ лыдэ басьтыса, йылолэз огшоры лэсьтӥзы. Мугорзэ келяськыны ӧз поттэ, коросэз пытсан йылолэз ӧз лэсьтэ, коросэз но пулэсь гинэ вал. Мукет понтификъёсты Ватиканысь гротэ ватыло ке но, Франциск аслаз завещанияз куриз вал, Санта-Мария-Маджораысь базиликае мед ватозы шуыса (татчы вуылыны яратылӥз) [38][39].

США-лэн Президентэз Дональд Трамп 26-тӥ оштолэзе Франциск Римской Папаез ватонэ пыриськемез потэ шуыса, ивортылӥз[40][41].

Ӟуч православной черклэн нимыныз Мускоысь патриархатысь ёзэн кивалтӥсь, митрополит Антоний ватӥськонэ вуылоз[42].

Адямилыко ужпумъёсъя учконэз

Франциск, 2013-тӥ ар
Франциск месса дыръя, 2014-тӥ ар

Эволюцияя теория

2014-тӥ арын 29-тӥ коньывуонэ, Понтификальной академиын вераськыкуз, Римской Папа Франциск шуиз: «Бытие сярысь книгаез лыдӟыкумы, Инмарез котьма быгатӥсь, дуннез ог шонскемен кылдытӥсь волшебникез сямен син азе пуктыны быгатӥськом. Но со озьы ӧвӧл».

Мозмытсконъя теория

Бергольо — богословиез ӟеч валась мурт, егит вакытысеныз «мозмытсконъя теологилэсь[ru]» палэнскемын. Тодосчиос чакламъя, со Comunione e Liberazione консервативной светской движенилы матэгес луэ.

Аборт но эвтаназия

Кардинал Бергольо быдэс духовенствоез но вань калыкез абортъёслы но эвтаназилы пумит ӝутъялляз[43].

Гомосексуальность

Аргентинаысь правительство 2010-тӥ арын нылъёсты нылъёсын, пиосты пиосын улыны но паръяськыны лэзиз. Франциск Папа талы нырысь-валысь туж пумит вал.

2016-тӥ арын инвожое Франциск Папа шуиз: «Римско-католической черк но огшоры христианъёс гейёслэсь прощение курыны кулэ азьвыл лекъяськыса шоразы учкемзы понна». Солэн малпамезъя, гомосексуалистъёсты но гажаны кулэ[44][45].

2023-тӥ арын 18-тӥ толсуре Франциск Папа «куронъёслы тупасьтэм» паръёслы бакель сётонъя Fiducia Supplicans нимо декларацилы дурбасьтӥз[46]. Нылкышноос нылкышноосын, пиос пиосын кузпалъяськыны медо ке, католической священникъёс пумит луыны кулэ ӧвӧл, шуиз[47].

Улонысь зэмлык

Бергольо ёрмыса улӥсьёслы быгатэмъя юрттон пумысен вазиськылӥз. Но со дыре ик улонын кылдэм шуг-секытъёслы, зэмлыклы бадӟым саклык ӧз висъялля шуыса, куд-ог адямиос ӝожомылӥзы. Экономикаысь политика пумысен малпанзэ чурыт ӧз вералля ке но, сюлэмын но лулын чылкыт луон сярысь мадьылӥз, озьы луиз ке, начар улӥсьёс шоры но калык мукет синмын учкыны кутскоз, жалялоз шуыса. Озьы ке но со дурбасьтылӥз социальной программаослы, эрико рыночной экономикаын ваньмызлы огкадь зэмлыкез луоз меда шуыса, сюлмаськылӥз.

2014-тӥ арын шуркынмонэ Франциск Папа Ватикан шоры, Дун-чылкыт Пётрлэн карлудаз, юрттэк кылем но пыласькыны мылкыд карисьёслы дунтэк ужась куинь кабинкаос юнматыны лэзиз. Озьы ик Франциск ӵектэмъя, пыласькон кабинкаос Римысь вань черк приходъёсы пуктылэмын вал[48].

Семьяын вордскымтэ нылпиос сярысь

Семьяын вордскымтэ нылпиосты пылатыны пумит луись священникъёсты курлалляз. Кардинал Бергольо шуылӥз: бызьымтэ нылкышноос туж шонер лэсьтӥзы, пиналзылы улон сётыса, Черк соослэсь куштӥськыны кулэ ӧвӧл[49][50].

Католической традиционализм

Ас вакытаз Бенедикт XVI ас мылкыд каремезъя латин йылолъёсты ортчытон пумысен нимысьтыз документ Summorum Pontificum юнматӥз вал. Кардинал Бергольо дуннеысь епископъёс пӧлын соя нырысь ик Буэнос-Айресын латин месса радъяны ӧдъяз, со йылолэ пыриз.

Россия шоры учконэз

Москваысь но быдэс Русьысь Кирилл Патриархен пумиськылэм сяна, Франциск ялӥз, Римско-католической и Ӟуч православной черк кусыпъёслэн азинскемзылы бадӟым дунъет сётэ шуыса[51].

Франциск Украинаын кылдэм югдур пумысен туж сюлмаськылӥз. Дун-чылкыт Престоллэсь дипломатической миссизэ но ысъялляз, кивалтӥз соиз кардинал Дзуппи. 2024-тӥ арын Киевлы но вазиськылӥз, келянзэ шара вераны дӥсьтӥсь, тӧдьы флагез ӝутӥсь но кенешыны мынӥсь кужмогес луэ шуыса. Украин католикъёслэн талы йырзы кур луиз. Санкт-Петербургын ортчем Россиысь егит каталикъёслэн пумиськоназы Папа видеосвязь пыр пыриськиз, пинал калыкез Быдӟым Россилэн наследникъёсыныз нимаз[52].

Папа Франциск Россилэн Президентэныз Владимир Путинэн куинь пол пумиськылӥз: 2013-тӥ, 2015-тӥ но 2019-тӥ аръёсы, телефон пыр но ӵемысь кусып возизы[53]. Папа кулэм пумысен мур куректэмзэ веракуз, Путин пусйиз, Франциск, Римской Папа луытозяз, Ӟуч православной но Римско-католической черкъёслэсь кусыпсэс умоятон но азинтон бордын тыршиз шуыса[54].

Франциск Филиппиные вуылыкуз, 2015-тӥ ар
Картаын возьматэмын Римской Папа сямен Францисклэн кунъёсы вуылэмез
Азербайджанлэн почта маркаез сӥземын Францисклэн 2016-тӥ арын 2-тӥ коньывуонэ Бакуэ вуылэмезлы
Франциск Папа Азербайджанын

Энцикликъёс

  • Evangelii gaudium (2013) — туала улонын Евангелиялэн интыез сярысь
  • Lumen Fidei (2013) — оскон сярысь (Бенедикт XVI Папаен валче)
  • Laudato si’ (2015) — экология но инкуазез утён сярысь
  • Fratelli tutti (2020) — валче улон но эшъяськон сярысь

Данъетъёсыз

Forbes журнал лыдъямъя, дуннеысь тужгес дано муртъёс пӧлы пыре. 2018-тӥ арын Франциск Папа рейтингъя 6-тӥ интыын вал, нош 2014-тӥ но 2015-тӥ аръёсы 4-тӥ интыын возиськиз[55].

Ас улонэз

  • Дано футболистэн Альфредо Ди Стефаноен одӥг школаын дышетскиз[59] (1926—2014).
  • «Сан-Лоренсо» аргентин футбол клублы Буэнос-Айресысь синмаськисез луэ[9][60]. 2008-тӥ арын командалэн «висисьёсыз» пӧлы пыриз, клублы дун-чылкыт Лаврентийлэсь нимзэ сётӥзы, сое 1908-тӥ арын Лоренсо Масса священник юрттэмъя кылдытӥзы.
  • 1990-тӥ арысен телевизор учкемысь дугдӥз, дун-чылкыт Кармель Инмар Анай азьын кыл сётыса[61].

Документальной киноос

  • 2017 — Франциск, папа бедных, Ватикан богатых / François, pape des pauvres, Vatican des riches (реж. Энтони Форестье / Anthony Forestier) — из цикла «Портреты / Grands portraits»
  • 2018 — Папа Франциск. Человек слова / Pope Francis: A Man of His Word (реж. Вим Вендерс)
  • 2021 — Франческо (реж. Евгений Афинеевский)

Художественной киноос

  • «Два Папы» (2019) — фильм режиссёра Фернанду Мейреллиша.

Валэктонъёс

  1. ↑ Franciskus // Nationalencyklopedin (швед) — 1999.
  2. ↑ Francis I pope // Encyclopædia Britannica (англ.)
  3. ↑ 1 2 Чешская национальная авторитетная база данных
  4. ↑ Pope Francis Jorge Mario Bergoglio, S.J. [англи]
  5. ↑ Francis
  6. ↑ Rachel Donadio The New Pope: Bergoglio of Argentina [англи] Эскеремын 2023-01-09 арын
  7. ↑ Roma {Rome} (Latin (or Roman) Diocese) [англи] Catholic-Hierarchy. Эскеремын 2019-04-08 арын
  8. ↑ Умер папа римский, РБК. Эскеремын: 21 оштолэзе 2025 арын.
  9. ↑ 1 2 Папа Франциск: аскет, иезуит и страстный поклонник футбола [ӟуч] РБК. Эскеремын 2019-04-08 арын
  10. ↑ Папа Римский: раньше я работал вышибалой в ночном клубе [ӟуч] Газета.Ru. Эскеремын 2019-04-08 арын
  11. ↑ Новым папой римским избран Хорхе Марио Бергольо Коммерсантъ.
  12. ↑ Ordinariato para los fieles de ritos orientales desprovistos de Ordinario del propio rito/Agencia Informativa Católica Argentina (AICA) [испан]
  13. ↑ [1] Архивная копия от 2 шуркынмонэ 2019 на Wayback MachineКолупаев В. Е. АРГЕНТИНА: Южная Америка // Католические общины византийского обряда и русская диаспора
  14. ↑ Папа Бергольо, восточные католики и русские в Аргентине Эскеремын 2013-04-05 арын
  15. ↑ Argentine Cardinal Named in Kidnap Lawsuit [англи], Los Angeles Times (17 April 2005). Архивировано 3 оштолэзе 2019 года. Эскеремын: 9 оштолэзе 2019 арын.
  16. ↑ Ведомости Аргентинский судья заявил о непричастности папы к преступлениям хунты [ӟуч] Эскеремын 2019-04-09 арын
  17. ↑ Аргентинский судья опроверг слухи о причастности Папы к преступлениям хунты [ӟуч] Взгляд. Эскеремын 2019-04-09 арын
  18. ↑ Папа непричастен к преступлениям хунты - аргентинский судья [ӟуч] www.aif.ru. Эскеремын 2019-04-09 арын
  19. ↑ Cardinal breaks conclave vow of secrecy [англи] CNN. Эскеремын 2013-03-13 арын
  20. ↑ Michael Brendan Dougherty One Of These Men Will Be The Next Pope [англи] Business Insider. Эскеремын 2023-01-09 арын
  21. ↑ Радио Ватикана Папа рассказал СМИ, почему он выбрал себе имя Франциск, и объяснил, кто главный в Церкви Эскеремын 2013-03-16 арын
  22. ↑ "Кликни и молись". Папа Римский Франциск объявил о запуске сайта и приложений для молитв [ӟуч] ТАСС. Эскеремын 2019-04-09 арын
  23. ↑ Папа Римский Франциск во время визита на Кубу встретился с Фиделем Кастро Архивная копия от 25 куарусёнэ 2015 на Wayback Machine // Первый канал. 21 сентября 2015
  24. ↑ Pope Francis' Apostolic Exhortation on The Joy of Love [англи] Vatican Radio. Эскеремын 2016-04-17 арын
  25. ↑ Увещание папы Франциска по проблемам семьи представлено в Ватикане [ӟуч] РИА Новости. Эскеремын 2016-04-17 арын
  26. ↑ Le Gouverneur Cuomo présentera un projet de loi visant à supprimer la peine de mort de la législation de l'État en solidarité avec le Pape François [фр.]
  27. ↑ Пушкарская Е. «Церковь не боится истории» // Огонек. — 2020. — № 10 (5602). — С. 22.
  28. ↑ Пушкарская Е. «Церковь не боится истории» // Огонек. — 2020. — № 10 (5602). — С. 22 — 23.
  29. ↑ Pullella, Philip. Departing from protocol, pope goes to Russian embassy over Ukraine, Reuters (25 тулыспалэ 2022). Архивировано 28 тулыспалэ 2022 года. Эскеремын: 13 оштолэзе 2022 арын.
  30. ↑ Pope Francis calls Ukraine's President Zelensky to express 'sorrow' amid war [англи]
  31. ↑ Pullella, Philip. Pope Francis says 'rivers of blood' flowing in Ukraine war, Reuters (6 южтолэзе 2022). Архивировано 12 оштолэзе 2022 года. Эскеремын: 13 оштолэзе 2022 арын.
  32. ↑ Украина: миссия кардиналов Краевского и Черни [ӟуч]
  33. ↑ СМИ: папа римский допустил возможность отречения из-за проблем со здоровьем, Радио Sputnik (30 пӧсьтолэзе 2022). Архивировано 30 пӧсьтолэзе 2022 года. Эскеремын: 30 пӧсьтолэзе 2022 арын.
  34. ↑ В Ватикане сообщили об улучшении состояния папы римского, РБК (8 южтолэзе 2025). Эскеремын: 9 южтолэзе 2025 арын.
  35. ↑ Pope Francis makes first public greeting and blessing from hospital - Vatican News (23 южтолэзе 2025). Эскеремын: 23 южтолэзе 2025 арын.
  36. ↑ Умер папа римский, РБК. Эскеремын: 21 оштолэзе 2025 арын.
  37. ↑ Вэнс и папа римский Франциск провели частную встречу, Interfax.ru (20 оштолэзе 2025). Эскеремын: 21 оштолэзе 2025 арын.
  38. ↑ Ватикан назвал причину смерти папы римского Франциска, РБК (21 оштолэзе 2025). Эскеремын: 21 оштолэзе 2025 арын.
  39. ↑ Похороны папы римского пройдут с изменениями традиционного ритуала, РБК. Эскеремын: 22 оштолэзе 2025 арын.
  40. ↑ Трамп намерен посетить похороны папы римского Франциска в Риме, Известия (21 оштолэзе 2025). Эскеремын: 22 оштолэзе 2025 арын.
  41. ↑ Похороны Папы Римского Франциска состоятся 26 апреля, tass.ru (22 оштолэзе 2025). Эскеремын: 22 оштолэзе 2025 арын.
  42. ↑ РПЦ на похоронах папы римского Франциска будет представлять митрополит Антоний, Interfax.ru (21 оштолэзе 2025). Эскеремын: 22 оштолэзе 2025 арын.
  43. ↑ Le cardinal Bergoglio invite à défendre la culture de la vie avec ardeur [фр.] Эскеремын 2011-09-20 арын
  44. ↑ Кто мы, чтобы судить: Папа Римский призвал просить прощения у геев [ӟуч] Московский комсомолец. Эскеремын 2019-04-09 арын
  45. ↑ Папа Франциск призвал просить прощения у геев [ӟуч] Взгляд. Эскеремын 2019-04-09 арын
  46. ↑ Doctrinal declaration opens possibility to bless couples in irregular situations
  47. ↑ Папа Римский разрешил священникам благословлять однополые пары РБК.
  48. ↑ Italy’s homeless to get showers at the Vatican [англи] The Local.
  49. ↑ Fox News. Francis is first pope from the Americas. Архивировано 21 куартолэзе 2013 года. Эскеремын: 8 инвожое 2013 арын.
  50. ↑ ABC News. Francis Becomes First Latin American Pope. Архивировано 16 южтолэзе 2013 года. Эскеремын: 8 инвожое 2013 арын.
  51. ↑ Папа Римский высказал свое доверие к России и ее народу [ӟуч], Российская газета (12 мая 2017). Архивировано 25 коньывуонэ 2017 года. Эскеремын: 24 коньывуонэ 2017 арын.
  52. ↑ Reuters сообщил о недовольстве части украинцев папой римским Франциском, РБК (22 оштолэзе 2025). Эскеремын: 22 оштолэзе 2025 арын.
  53. ↑ Песков рассказал об отношениях Путина и папы Римского. Песков: Путин и папа Римский с большим уважением относились друг к другу, Gazeta.ru (21 оштолэзе 2025). Эскеремын: 21 оштолэзе 2025 арын.
  54. ↑ Путин выразил соболезнования в связи со смертью Папы Римского Франциска, ТАСС (21 оштолэзе 2025). Эскеремын: 21 оштолэзе 2025 арын.
  55. ↑ Самые влиятельные люди мира 2018 Форбс [ӟуч] Эскеремын 2019-04-09 арын
  56. ↑ Presidente Evo Morales distingue con el Cóndor de Los Andes al Papa Francisco [испан] Эскеремын 2015-07-10 арын
  57. ↑ https://web.archive.org/web/20150709162549/http://www.presidencia.gob.bo/fuente/noticia.php?cod=3363#contenido
  58. ↑ Pope Francis receives Order of the Smile [ӟуч]
  59. ↑ Ди Стефано заявил, что, возможно, играл в футбол с новым Папой Римским [ӟуч] Р-Спорт. Эскеремын 2013-03-18 арын
  60. ↑ Нового Папу отличают строгость и любовь к футболу — помощник Бергольо [ӟуч] РИА Новости. Эскеремын 2013-03-14 арын
  61. ↑ Папа римский Франциск 25 лет назад дал обет об отказе от телевизора [ӟуч]

Чӧлсконъёс

«https://udm.ruwiki.ru/w/index.php?title=Франциск_(Римской_Папа)&oldid=485794»-ысь басьтэмын