Фионин, Сергей Семёнович
| Сергей Семёнович Фионин | |
|---|---|
 | |
| Вордӥськем дырыз | 18-тӥ пӧсьтолэзе 1921 |
| Вордӥськем интыез | Удмуртия |
| Кулэм дырыз | 13-тӥ куартолэзе 1978 (56 арес) |
| Кулэм интыез | Ижевск |
| Кунмуртлыкез |
 СССР |
| Званиез | Сержант |
| Ожмаськонъёс/ожъёс | Великая Отечественная война |
Сергей Семёнович Фионин (18.07.1921 — 13.05.1978) — Шор фронтысь 13-тӥ армиысь 74-тӥ стрелковой дивизиысь артиллеристъёслэн 6-тӥ полказы орудилэн командирез, сержант. Совето Союзысь Герой.
Улон сюресэз
Вордӥськиз 1921-тӥ арын 18-тӥ пӧсьтолэзе Петропавлово гуртын (али Удмуртиысь Ува ёросэ пыре) УАССР-ысь Вылӥ Кенешысь кык ӧтчамысьтыз депутатлэн Семён Иванович Фионинлэн семьяяз.
Сергей Фионин 7 классэз йылпумъяз но колхозын ужаз.
Горд армиын 1940-тӥ арысен. Фронтын 1942-тӥ арын пӧсьтолэзьысен. Коммунистической партилэн ёзчиез 1943-тӥ арысен.
6-тӥ артиллерийской полкысь орудилэн командирез сержант Сергей Фионин 1943-тӥ арын 11-тӥ пӧсьтолэзе, Орёл улосысь Малоархангельск кар пала матэктыкузы, батареялэсь ожын бырем командирзэ воштӥз. Со ожмаськонын артиллеристъёс С. С. Фионин кивалтэм улсын тушмонлэсь ньыль танксэ быдтӥзы.
1943-тӥ арын 16-тӥ куарусёнэ Украинаысь Чернигов улосысь Короп кар дорын Фионин сержант лушкемен орудизэ Десна шур дуре нуиз но тушмонлэсь вить ыбылӥськон интыоссэ быдтӥз, со понна совето ожгарчиос Десна шур вамен потыны но тушмонлэсь Украинаысь Чернигов улосысь Короп ёросысь Оболонье гуртысь опорной интызэ басьтыны быгатӥзы.
СССР-ысь Вылӥ Кенешлэн президиумезлэн 1943-тӥ арын 16-тӥ коньывуонэ поттэм косэтэзъя быгатыса кивалтэмез но ассэ сэзь но геройлыко возьматэмез понна сержантлы Сергей Семёнович Фионинлы Совето Союзысь Герой ним, Ленин орден но «Зарни Кизили» медаль сётэмын.
Ож бере С. С. Фионин демобилизоваться кариз. Улӥз Удмуртилэн шоркараз, Ижын. «Сельхозтехникаын» мастер луыса ужаз. Улонысь кошкиз 1978-тӥ арын 13-тӥ куартолэзе.
Данъямын Ленин орденэн, Отечественной ожлэн I степенё орденэныз, медальёсын.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Кулёмин И. Г. Героев наших имена. Ижевск, 1975.
- Кулёмин И. Г. и др. Герои Советского Союза — наши земляки. Устинов, 1985.
- Письма огненных лет, 1941-1945. Устинов, 1985.
Чӧлсконъёс
Сергей Семёнович Фионин [ӟуч] «Герои страны» сайт. Эскеремын 2014-07-05 арын