Фефилов, Яков Корнилович

Википедиысь материал
Яков Корнилович Фефилов
Фефилов Яков.jpg
Вордӥськем дырыз 6-тӥ толсуре 1913(1913-12-06)
Вордӥськем интыез
Кулэм дырыз 30-тӥ инвожое 1961(1961-06-30) (47 арес)
Кулэм интыез
Кунмуртлыкез СССРFlag of the Soviet Union.svg СССР
Кыӵе войскоез пехота[d]
Званиез Старшой сержант
Ожмаськонъёс/ожъёс
Данъетъёсыз

Яков Корнилович Фефилов (1913–1961) – Дон фронтысь 64-тӥ армиысь 106-тӥ стрелковой полкысь 29-тӥ стрелковой дивизиысь роталэн командирезлэн связноез, старшой сержант. Совето Союзысь Герой (1943).

Улон сюресэз

Вордскиз 1913-тӥ арын 6-тӥ толсуре Сухарево гуртын (али Удмуртиысь Сюмси ёросэ пыре) удмурт крестьян семьяын. 7 классэз йылпумъяз. Ужаз колхозын, нюлэс хозяйствоын, собере улӥз но ужаз Куйбышевын (али Самара)[1].

Горд армиын 1942-тӥ арын толшорысен. Фронтын 1942-тӥ арын пӧсьтолэзьысен. Ожмаськиз Дон фронтысь 64-тӥ армиысь 106-тӥ стрелковой полкын.

Яков Фефилов старшой сержант висъяськиз Сталинград дорын ожын автоматчикъёслэн ротазылэн командирезлэн связноез чотын[1].

Сталинградлэн шор люкетаз ӟырдыт ожмаськонъёс дыръя Фефилов старшой сержант автоматчикъёслэн ёзэнызы утиз совето ожгарчиослэсь опорной пунктсэс[1].

1943-тӥ арын 18-тӥ толшоре Стародубовка но Песчанка гуртъёс понна ожмаськонъёс кутскизы. 1943-тӥ арын 23-тӥ толшоре Стародубовка хутор (али Волгоград улосысь Городище ёросын) понна ожын взводэн кивалтонэз ас вылаз басьтӥз. Взводысь ожгарчиос Фефилов старшой сержант кивалтэм улсын тушмонэз Стародубовкаысь уллязы, ог 40 гитлеровецъёсты быдтӥзы но сюзэ пленэ басьтӥзы. Ожмаськон дыръя соос тушмонлэсь вить секыт но куать капчи пулемётъёссэ но кык орудизэ киултӥзы[1][2].

1943-тӥ арын 25-тӥ толшоре Яков Фефилов старшой сержант роталэсь бырем командирзэ воштӥз но ожгарчиосын Песчанка гуртэ пыриз. Тушмонлэсь дотъёссэ синйылтыса, Яков Фефилов мышкысенызы быдтӥз отчы ватскем тушмонъёсты[1]. Оглом 40 пала фашистъёс быдтэмын но 200-эз пленэ басьтэмын вал[2].

СССР-ысь Вылӥ Кенешлэн президиумезлэн 1943-тӥ арын 27-тӥ гудырикошконэ поттэм косэтэзъя ожын ассэ сэзь но геройлыко возьматэмез понна старшой сержант Яков Корнилович Фефилов Совето Союзлэн Героез вылӥ нимын, Ленин орденэн но «Зарни Кизили» (№ 1240) медален пусъемын[2]. Яков Фефилов но соин ӵош данъям Владимир Михеев асьсэ дивизиязы нырысетӥ Совето Союзлэн Геройёсыз луизы[1].

29-тӥ стрелковой дивизиысь но 106-тӥ стрелковой полкысь ожгарчиослэн но командиръёслэн сэзь луэмзы но батырлыксы понна та ожгар частьёсты 72-тӥ гвардейской стрелковой дивизилы но 222-тӥ гвардейской стрелковой полклы пӧрмытӥзы[1].

Ож бере Фефилов старшой лейтенант запасэ потӥз. Днепропетровск улосысь Кривой Рог каре интыяськиз. Улонысь кошкиз 1961-тӥ арын 30-тӥ инвожое.

Данъетъёсыз

  • Совето Союзысь Герой
  • Ленин орден
  • «Зарни Кизили» (№ 1240) медаль
  • Мукет медальёс

Валэктонъёс

  1. ↑ 1 2 3 4 5 6 7 Сайт «Герои страны».
  2. ↑ 1 2 3 Герои нашей войны: подвиг в Сталинграде Регнум

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Иду на таран. — Волгоград: Нижне-Волж. кн. изд., 1978.
  • Кулёмин И. Г. и др. Герои Советского Союза — наши земляки. — Устинов, 1985.
  • Фефилов Яков Корнилович // Удмуртская республика: Энциклопедия / гл. ред. В. В. Туганаев. — Ижевск: Удмуртия, 2000. — С. 719. — 800 с. — 20 000 экз. — ISBN 5-7659-0732-6.
  • Фефилов Яков Корнилович // Наши земляки: Герои Советского Союза, Герои Российской Федерации, Полные кавалеры ордена Славы / [Совет Министров Удмурт. Респ.; сост.: Кулемин И. Г. и др.]. — Ижевск: Удмуртия, 1995. — 272 с. — С. 186—187. ISBN 5-7659-0639-7.

Чӧлсконъёс

«https://udm.ruwiki.ru/w/index.php?title=Фефилов,_Яков_Корнилович&oldid=486209»-ысь басьтэмын