Гондыргурт (Алнаш ёрос)
| Гурт | |
| Гондыргурт | |
|---|---|
 | |
| 56°07′17″ с. ш. 52°15′04″ в. д.GЯO | |
| Кун | |
| Улӥсез | |
| Улӥсез | |
| Цифровой идентификаторъёс | |
| Телефон кодэз | 34150 |
| Почта индекс | 427882 |
|
|
|
Гондыргурт яке Удмурт Гондыр (ӟуч: Удмуртское Гондырево, пор Одо Маскиял) — Алнаш ёросысь удмурт гурт, пыре Вуж Утчан муниципал кылдытэтэ. Интыяськемын 16 иськемын Алнашлэсь но 100 иськемын Ижкарлэсь.
Улӥсьёсыз 2008-тӥ арын 1-тӥ толшорлы — 276 мурт, 2020-тӥ арын — 220 мурт.
Историез
Мадёсъя гуртэз 1744-тӥ арозь Казакгуртысь лыктэмъёс кылдытӥзы. Нырысьсэ Гондыргуртлэн нимыз пумиське 1762-тӥ—1768-тӥ ортчем лыдъян-чотанын. Соку ини отын 77 улӥсез вылэм[2].
1852-тӥ арын Новогорское черкогуртын Илья Пророклэн черкез усьтӥськем, со приходэ кӧня ке гуртъёсыз гожтӥзы, соос пӧлын Вотское Гондырево но[3]. 10-тӥ ревизиын (1859) пусъемын, Ватка губерниысь Алабго утемысь Вотское Гондырево гуртын 31 азбар, отын 133 пиосмуртъёс но 143 нылкышноос уло шуыса. Вуко ужа вылэм[4]. 1897-тӥ арын оглом 490 улӥсез вылэм[5].
1921-тӥ арын, Вотской автоном улос кылдэмен валче, гурт Можга утеме пыриз. 1924-тӥ арын Новогорской волостьысь Алнаш волосте выжиз. Вотско-Гондыревской сельсовет кылдытэмын вал, со пушкы 7 гуртъёс пыризы. 1929-тӥ арын уездъёс быдтэмын вал, сельсоветэз Алнаш ёросэ пыртӥзы[6]. 1931-тӥ арын Гондыргуртын «Гондыр» колхоз кылдӥз, нош 1939-тӥ арын солэн нимыз воштӥськиз, «Коммунар» луиз[7].
1932-тӥ арын Вотской автоном улос Удмурт автоном улос луиз, соин вань гуртъёс, кудъёсызлэн нимаз «Вотской» кылэз вал, нимзэс воштӥзы. Вотское Гондырево интые Удмуртское Гондырево луиз. 1950-тӥ арын кӧня ке бускель гуртъёсысь колхозъёсты огазеязы, соос ваньзы пыризы Гондыргуртысь «Коммунаре». 1963-тӥ арын Удмурт Гондыр сельсовет быдтэмын вал, гуртэз Вуж Утчан сельсоветэ выжтӥзы[7][6].
2004-тӥ арын 16-тӥ шуркынмонэ Вуж Утчан сельсовет Вуж Утчан муниципал кылдытэтлы пӧрмытэмын.
Инфраструктура
- Удмурт Гондыр инъет ёзо школа — 2008-тӥ арын отын 60 дышетскисез вал. 2009-тӥ арын пулэсь пуктэм вуж школа интые вылез усьтӥськиз. Юрт, вань туала куронъёсты чакласа, лэсьтэмын: отын вань дышетскон классъёсыз, эм кабинет, библиотека, мастерской, сиськон инты но спортзал[8].
- Удмурт Гондыр нылпи сад
Туризм
Гондыргуртын Пыдын ветлон туризмъя «Четкер» центр ужа, со 6 маршрут кылдытӥз:
- Гондургурт (гуртэн тодматӥсь экскурсия, кузьдалаез 3-5 иськем);
- «Возжай шур кузя» (Гондыргурт — Варали — 15 иськем);
- «Азвесь ошмесъёсы мынам» (экологияя маршрут — 15 иськем);
- «Кокшан завод» (историяя маршрут — 25 иськем);
- «Булда вӧсь» (вӧсяськон гурезь — 20 иськем);
- «Баба Яга доры куное» (Гондыргурт — Котловка — 50 иськем)[9].
Тодмо адямиос
Виноградов Александр Федотович — вордскиз Гондыргуртын, Слава орденлэн кавалерез[10].
Панков Афанасий Егорович — вордскиз Гондыргуртын. 1941-тӥ арын пӧсьтолэзе Алнаш военкомат пыр армие басьтэмын, шуркынмонысен фронтын. Горд Кизили орденэн но Отечественной ожлэн II степенё орденэныз 2 пол пусъемын, озьы ик трос медальёсын[10].
Шулаков Георгий Михайлович — Гондыргуртын вордскемын. 1941-тӥ арын куартолэзе Можга военкомат пыр армие басьтэмын, пӧсьтолэзьысен фронтын. Лазо нимо партизан отрядын дыръяз (Муско дорын), 1942-тӥ арын южтолэзе, Фёдоровка гурт понна ожмаськыкузы, вием пулемётчикез воштӥз но матысен 30 фашистъёсты ыбылӥз. Горд Кизили орденэн пусъемын[10].
.png){kind=small}
Валэктонъёс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Удмуртское Гондырево | Родная Вятка [ӟуч]
- ↑ Составители: И. Н. Зайцева, Г. И. Самарцева. Православные храмы Удмуртии: Справочник-указатель / Науч. ред. А. А. Тронин. — Ижевск: Удмуртия, 2000. — С. 195-196. — 480 с. — 1100 экз. — ISBN 5-7659-0011-9.
- ↑ Списки населенных мест Российской империи. Список населенных мест по сведениям 1859—1873 годов. — Т. X Вятская губерния. — С. 185.
- ↑ Населённые места Российской империи в 500 и более жителей с указанием всего наличного в них населения и числа жителей преобладающих вероисповеданий по данным первой всеобщей переписи населения 1897 года / Н. А. Тройницкий. — С.Петербург: Типография "Общественная польза", 1905. — С. 39.
- ↑ 1 2 Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.
- ↑ 1 2 Фонд Р-94, Сельскохозяйственная артель (колхоз) «Коммунар» Староутчанского сельского Совета Алнашского района Удмуртской Республики
- ↑ Светлана Охотникова Судьба школы — встречать, учить и снова расставаться…. [ӟуч] Алнашский колхозник.
- ↑ Центр пешеходного туризма «Четкер» [ӟуч] visitudmurtia.org.
- ↑ 1 2 3 Н.С.Кузнецов. Воинская слава Удмуртии / Научный консультант: генерал-майор в отставке Г.И.Сабуров, Рецензент: полковник в отставке В.В.Голубев. — Ижевск: Удмуртия, 2009. — С. 58-59. — 416 с. — 1200 экз. — ISBN 978-5-7659-0521-0.