Архипов, Трофим Архипович

Трофим Архипович Архипов
Вордӥськем дырыз	26-тӥ пӧсьтолэзе 1908({{padleft:1908|4|0}}-{{padleft:7|2|0}}-{{padleft:26|2|0}})
Вордӥськем интыез	Выль Бия[d], Алабго утем, Ватка губерния, Росси империя[d]
Кулон дырыз	9-тӥ толшоре 1994({{padleft:1994|4|0}}-{{padleft:1|2|0}}-{{padleft:9|2|0}}) (85 лет)
Кулэмын	Иж, Россия
Кунмуртлыкез (подданство)	Росси империя[d]  СССР  Россия
Ужудысэз	гожъяськись, редактор, прозаик
Ужан аръёсыз	1928-тӥ арысен
Данъетъёсыз	Удмурт АССР-ысь калык гожъяськись

Трофим Архипович Архипов (26-тӥ пӧсьтолэзе 1908, Выль Бия^[d], Ватка губерния — 9-тӥ толшоре 1994, Иж) — удмурт прозаик, валтӥсь редактор. УАССР-ысь калык гожъяськись (1960). СССР-ысь гожъяськисьёслэн огазеяськонзылэн ёзчиез (1943). Одӥгез тужгес тодмо «Лудӟи шур дурын» удмурт романлэн авторез.

Улон сюресэз

Вордӥськиз Выль Бия гуртын (али — Удмуртиысь Можга ёрос) крестьянлэн семьяяз. Граждан ож но Поволжьеын сютэм вакыт аръёсы (1921—1922) вань ӵыжы-выжыоссэ ыштӥз но нылпи юртын будӥз. 1923-тӥ—1927-тӥ аръёсы Можгаысь педагогикая техникумын дышетскиз, 1927-тӥ—1928-тӥ аръёсы — Удмурт областной партшколаын. 1939-тӥ арын ВКП(б)-е пыриз.

1928-тӥ арысен «Гудыри» газетлэн редакцияз ужаз, 1930-тӥ аръёслэн кутсконазы «Дась лу!» газетлэн нырысетӥ редакторез луиз, 1935-тӥ—1941-тӥ аръёсы «Удмурт коммуна» газетын тыршиз. ож аръёсы «Советской Удмуртия» газетын ужаз. 1955-тӥ—1976-тӥ аръёсы — «Молот» журналлэн редакцияз, 1956-тӥ—1966-тӥ аръёсы солэн валтӥсь редакторез вал.

УАССР-ысь Вылӥ Кенешлэн куинь ӧтчамаз депутатэ бырйиськылӥз.

Берло аръёсаз профессионально амалэн литератураен выриз.

1994-тӥ арын улонысь кошкиз.

Творчествоез

«Осконлык бордысь» нырысетӥ вероссэ (ӟуч: Из-за веры в бога) «Гудыри» газетын 1928-тӥ арын печатлаз. Нырысетӥ бадӟымесь публикациосыз — «Кык ваче тулкымъёс» верос (ӟуч: Две волны напротив; 1930) но «Межаос гырисько» очерк (ӟуч: Межи распахиваются; 1931, А. Мироновен валче). 1945-тӥ арын «Советская Удмуртия» газетын «Бальзагуртъёс» (ӟуч: Бальзагуртцы) повестьсэ печатлаз, солэн инъетэз вылын отӥяз «Лудӟи шур дурын» дилогизэ (ӟуч: У реки Лудзинки кылдытӥз; 1949, 1958, 1974, 1986). 1963-тӥ арын «Адямилэн чеберез» романзэ (ӟуч: Красота человека) поттӥз, 1973-тӥ арын — «Ортчеменыз пумиськон» повестьсэ, кудӥз понна 1975-тӥ арын Удмурт АССР-лэсь Кун премизэ басьтӥз). 1984-тӥ арын — «Вормы астэ ачид» повестьсэ (ӟуч: Одолей себя; 1984) печатлаз. Архиповлэн творчествоез, кудӥзлэн валтӥсь темаез — удмурт гуртэз выльдон вал, историысь учыръёсты выльысь улӟытон бордысен кутскыса, персонажъёслэсь психологизэс чеберлыко эскерон но философской шугъяськонъёсты пуктон пала кыстӥськиз.

Сочинениосыз

• Т. А. Архипов. У реки Лудзинки / пер. с удмурт. Н. П. Кралиной. — Устинов: Удмуртия, 1986. — 400 с. — 50 000 экз.
• Т. А. Архипов. Лудӟи шур дурын. — Устинов, 1985. — 521 с. — 5000 экз.
• Т. А. Архипов. Стремнина / пер. с удм. З. Янтовского. — Ижевск: Удмуртия, 1968. — 275 с. — 30 000 экз.
• Т. А. Архипов. Ортчеменыз пумиськон. — Ижевск: Удмуртия, 2005. — 279 с. — 4300 экз.
• Т. А. Архипов. Встреча с прошлым. — Ижевск: Удмуртия, 1975. — 206 с. — 30 000 экз.
• Т. А. Архипов. Адямилэн чеберез. — Ижевск: Удмурт книжной издательство, 1963. — 287 с. — 5000 экз.
• Т. А. Архипов. Вся красота твоя / пер. с удм. С. Никитина. — Ижевск: Удмурт книжной издательство, 1983. — 237 с. — 50 000 экз.
• Т. А. Архипов. Вамышъёс, вамышъёс.... — Ижевск: Удмуртия, 1978. — 208 с. — 2000 экз.
• Т. А. Архипов. Вормы астэ ачид. — Ижевск: Удмуртия, 1984. — 274 с. — 3000 экз.
• Т. А. Архипов. Если у тебя есть друг. — Ижевск: Удмуртия, 1980. — 213 с. — 30 000 экз.

Цитатаос

Т. Архипов, вашкала но туала выжы калыкъёслэн йылолъёссы вылэ пыкиськыса, история пыр кыдам йӧскалык сямъёсты кылдытъяз, со сямъёсын адскылӥз кызьы улонысь, ожысь кышкыт югдуръёс маке но выльзэ пырто, котькуд адямилэн лулпушсэ выльдо-шараяло, солэсь психологизэ вошто.

Гожъяськисьлэсь «Лудӟи шур дурын», «Адямилэн чеберез», «Ортчеменыз пумиськон» куинь валтӥсь книгаоссэ выльысь лыдӟимы ке, Архипов выль сямен усьтӥськоз, туж туала йӧтоз, малы ке шуоно син шорын луоз — адями, солэн секыт адӟонэз, озьы шараяськоз повествованиысь валтӥсь но, кыкетӥ интыысь герой но. Гожъяськись аслаз геройёсызлэсь вордскем дырысенызы улонысьтызы валтӥсь гурезьёссы дорозь сюрессэс чакла, «выжыоссэ» эскере — воршудзэ, мерлыкозэ, историен герӟаськемзэ.

— литературовед З. А. Богомолова

Данъетъёсыз

• Ужысь Горд Знамя нимо орденэн (1968), медальёсын сӥлы каремын — Удмуртиысь литературалы но Россиысь йӧскалык литературалы трос лэсьтэмез понна;
• «Знак Почёта» орденэн пусъемын;
• УАССР-ысь Вылӥ Кенешлэн Президиумезлэн Данъян грамотаосыныз пусъемын;
• «Удмурт АССР-ысь калык гожъяськись» дано нимын сӥлы каремын (1960);
• Удмурт АССР-ысь Кун премилэн лауреатэз (1975) — «Ортчеменыз пумиськон» повестез (ӟуч: Встреча с прошлым) понна;
• Архиповлэн нимтулыз пыртэмын УАССР-ысь уж данлыкъя но героизмъя данъян книгае (1975).

Буре ваён

• Архиповлэн Выль Бия вордскем гуртысьтыз ульча солы сӥземын;
• Гурт шорын гожъяськисьлы 90 ар тырмонэн валче 1998-тӥ арын 31-тӥ пӧсьтолэзе синпелет юнматэмын;
• «Лудӟи шур дурын» литературной маршрут кылдытэмын — со удмурт прозаиклэн улэм интыосыныз но творчествоеныз тодматэ;
• 2022-тӥ арын 1-тӥ тулыспалэ «Лудӟи шур дурын» ӵектос улонэ пыӵаны ӧдъяз — Президентлэн грантъёсъя фондэзлэн нырысетӥ конкурсаз вормись. Ӵектос Удмуртиысь калык гожъяськисьлы Трофим Архиповлы сӥзем Выль Бия гуртысь синпелетлэсь интывылзэ утялтон-умоятон но Можга ёросысь школаосысь йӧскалык классъёсын дышетскисьёс понна экскурсиос ортчытон вылысь радъяське.

Валэктонъёс

Литература

• Очерки удмуртской советской литературы / редкол.: А. И. Писарев, Н. П. Кралина, П. М. Яшин. — Ижевск: Удмуртское книжное издательство, 1957. — 181 с.
• Тюнькин К. И. Краткая литературная энциклопедия. — М.: Советская энциклопедия, 1962. — С. 334. — 1087 с.
• Ермаков Ф. К. Трофим Архипов: Улэмез но творчествоез сярысь. — Ижевск: Удмуртия, 1971. — 40 с.
• Удмуртская Республика: Энциклопедия / гл. ред. В. В. Туганаев. — Ижевск: Удмуртия, 2008. — С. 189. — 768 с. — 2200 экз. — ISBN 978-5-7659-0486-2.