Сюткин, Пётр Иванович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Сюткин.
Пётр Иванович Сюткин
Sjutkin PIv.jpg
Вордӥськем дырыз 31-тӥ толсуре 1915(1915-12-31)
Вордӥськем интыез Армяниново гурт, Калтасы ёрос, Башкирия
Кулэм дырыз 14-тӥ гудырикошконэ 1954(1954-08-14) (38 арес)
Кулэм интыез Холодный Ключ гурт, Калтасы ёрос, Башкир АССР
Кунмуртлыкез СССРFlag of the Soviet Union.svg СССР
Кыӵе войскоез бронетанковой
Служить карон аръёсыз 1941—1954
Званиез
Майор
Ожмаськонъёс/ожъёс Быдӟым Атыкай ож
Данъетъёсыз
Совето Союзлэн Героез
орден Ленина орден Отечественной войны I степени медаль «За победу над Германией в Великой Отечественной войне 1941—1945 гг.»

Пётр Иванович Сю́ткин (1915—1954) — гвардиысь лейтенант, танкист, Совето Союзысь Герой (1946).

Улон сюресэз

Вордӥськиз 1915-тӥ арын 31-тӥ толсуре Башкириысь Калтасы ёросысь Армяниново гуртын. Семьяяз вить нылпиос пӧлысь бадӟымез вал. 7 классэз быдтыса, Сарапулысь лесомеханической техникуме пыриз. Войналэсь азьло Калтасы ёросысь Кутерем школаын дышетӥсь луыса ужаз, экстерн амалъя Краснокамскысь педучилищеез йылпумъяз[1].

Горд армие басьтэмын 1941-тӥ арын Янаул ёрос военкомат пыр, нырысь дышетскон ортчиз танковой училищеын[1]. 1942-тӥ арын коммунистической партие пыриз, нош фронтэ сюриз 1944-тӥ арын куарусёнэ. Пыриськиз Украинаез, Закарпатьеез, Румыниез, Венгриез но Чехословакиез мозмытонэ[2][3].

2-тӥ Украин фронтысь 41-тӥ гвардейской танковой бригадаысь танковой взводлэн командирез, гвардиысь лейтенант Пётр Сюткин висъяськиз 1945-тӥ арын 17-тӥ-18-тӥ оштолэзе ортчем ожъёсын.

1945-тӥ арын 17-тӥ оштолэзе Брнолэн лымшор-шундыпуксён палаз интыяськем Войковице черкогуртэ нырысетӥосыз пӧлын пыриз. Бӧрысь П. И. Сюткинлэн взводэз Свитива шур вамен ортчон переправаез киултӥз но валтӥсь кужымъёс вуытозь возиз, тушмонлэсь кӧня ке контратаказэ палэнтыса. Ӵуказеяз взвод Босоноги гурт дорысь сюрес вожез киултӥз, озьы тушмонлэсь Брноысь чигнан сюрессэ ворсаз[4].

СССР-ысь Вылӥ Кенешлэн президиумезлэн 1946-тӥ арын 15-тӥ куартолэзе поттэм косэтэзъя командованилэсь ожгар заданиоссэ адӟем карымон быдэстэмез но ассэ геройлыко возьматэмез понна гвардиысь лейтенант Пётр Иванович Сюткин «Зарни Кизили» (№ 6329) медален но Совето Союзысь Герой нимын пусъемын[4][3].

Ож бере П. И. Сюткин Ставропольысь суворов училищеын офицер-воспитатель луыса служить кариз.

1946-тӥ арын семьяеныз Москвае улыны выжиз, отысь суворов училищеын, собере Противотанковой войскоослэн академиязы дышетӥз. 1953-тӥ арын В. И. Ленин нимо ожгар-политикая академиез йылпумъяз[1][2].

1954-тӥ арын гудырикошконэ Пётр Ивановичлэн атаезлэн юртэз ӝуаз. Пиез со нуналэ ик бертыны потӥз. 13-тӥ гудырикошконэ со машинаен шудтэм учыре сюриз, Янаулысь эмъюртэ вуттэмын вал, кытын 14-тӥ гудырикошконэ кулӥз. Ватэмын Калтасы ёросысь Холодный Ключ гуртын[2].

Семьяез

Сарапулысь техникумез йылпумъямез бере Пётр Сюткин кышнояськиз Сарапул педучилищеез йылпумъям, Янаул ёросысь Чераул черкогуртын вордӥськем Анна Килиналы. Соослэн куинь нылпиоссы вордскизы — Владимир, Виталий но Наталья[1][2].

Данъетъёсыз

  • Совето Союзысь Геройлэн «Зарни Кизили» медалез (15.05.1946)[4];
  • Ленин орден (15.05.1946);
  • Отечественной ожлэн 2-тӥ степенё орденэз (16.05.1945)[5][1].

Буре ваён

  • Башкириысь Калтасы ёросысь Калегино гуртын Геройлы синпелет пуктэмын[1].
  • Солэн бюстэз Калтасы черкогуртысь Геройёслэн мемориалазы сылэ[1].
  • 2024-тӥ арын Калтасы ёросысь Кутерем черкогуртысь П. И. Сюткин нимо шор ёзо школа борды П. Сюткинлы сӥзем буре ваён пул шуккизы[6][3].
  • П. И. Сюткинлэсь нимзэ нулло Калтасы но Краснохолмский черкогуртъёсысь урамъёс[1].

Валэктонъёс

  1. ↑ 1 2 3 4 5 6 7 8 Сюткин Петр Иванович Союз поискового движения ПФО «Никто не забыт»
  2. ↑ 1 2 3 4 Герой из хутора Холодный Ключ Сюткин Петр Иванович Муниципальный район Калтасинский район Республики Башкортостан
  3. ↑ 1 2 3 К 100-летию Героя Калтасинский районный историко-краеведческий музей
  4. ↑ 1 2 3 Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 46. Л. 424, 425)..
  5. ↑ Наградные документы в электронном банке документов «Подвиг народа» (архивные материалы ЦАМО. Ф. 33. Оп. 690306. Д. 2394. Л. 2, 40, 41)..
  6. ↑ В селе Кутерем открыта мемориальная доска Герою Советского Союза Петру Сюткину Ветеран Башкортостана

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Чӧлсконъёс

«https://udm.ruwiki.ru/w/index.php?title=Сюткин,_Пётр_Иванович&oldid=485199»-ысь басьтэмын