Сидоров, Вениамин Андреевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Сидоров.
Вениамин Андреевич Сидоров
Вениамин Сидоров, Герой СССР.jpg
Вордӥськем дырыз 12-тӥ гудырикошконэ 1924(1924-08-12)
Вордӥськем интыез Кез ёрос
Кулэм дырыз 17-тӥ гудырикошконэ 1943(1943-08-17) (19 арес)
Кулэм интыез Харьков улос
Кунмуртлыкез СССРFlag of the Soviet Union.svg СССР
Кыӵе войскоез артиллерия
Служить карон аръёсыз 1942—1943
Званиез
Старший сержант
Ожмаськонъёс/ожъёс
Данъетъёсыз
Логотип РУВИКИ.Медиа Медиафайлъёс РувикиМедиа пушкын

Вениами́н Андре́евич Си́доров (1924—1943) — старшой сержант, Быдӟым Атыкай оже пыриськем мурт, Совето Союзлэн Героез (1943).

Улон сюресэз

Вордӥськиз 1924-тӥ арын 12-тӥ гудырикошконэ Изошур гуртын (али Кез ёросын) удмурт крестьян семьяын. Гыяысь 7 классъем школаез йылпумъяса, колхозын ужаз. Нырысь огшоры колхозник вал, собере бригадир луиз[1][2].

1942-тӥ арын гудырикошконэ Сидоровез Кулига ёрос военкомат пыр Горд армие басьтӥзы. 1943-тӥ арын толшорысен — Быдӟым Атыкай ожысь Дон, собере Воронеж фронтъёсын[1].

Подвигез

1943-тӥ арын гудырикошкон толэзьлы Вениамин Сидоров старшой сержант Воронеж фронтысь 6-тӥ гвардейской армилэн 496-тӥ истребительно-противотанковой артиллерийской полказ орудиен кивалтӥз. Висъяськиз Курск ожмаськон дыръя. 1943-тӥ арын 17-тӥ гудырикошконэ Украин ССР-ысь Харьков улосысь Краснокутск ёросысь (али Богодухов ёрос) Качаловка гурт дорын ожмаськонын Сидоровлэн расчётэз тушмонлэсь кык танксэ быдтӥз. Расчётысьтыз огназ улэп кыльыса, сӧсырмыса но, Сидоров ыбылӥськонзэ азьланьтӥз, эшшо огзэ танкез мертчиз, но ньылетӥ танклэн ыбемез сое вииз. Оглом ожмаськонъёсын ожгарчи 13 немец танкъёсты быдтӥз яке метчиз[3][2][1].

Вениамин Сидоровез Качаловкаысь вынлыко шайгуэ ватӥзы, со вылэ синпелет пуктӥзы[1][3].

Данъетъёсыз

СССР-ысь Вылӥ Кенешлэн президиумезлэн 1943-тӥ арын 21-тӥ куарусёнэ поттэм косэтэзъя командованилэсь ожгар заданиоссэ адӟем карымон быдэстэмез но ассэ геройлыко но сэзь возьматэмез понна старшой сержант Вениамин Сидоров кулэмез бере Совето Союзлэн Героез вылӥ нимын пусъемын. Озьы ик сое данъязы Ленин но Атыкай ожлэн 1-тӥ степенё кык орденъёсыныз[1][3].

Буре ваён

  • В. А. Сидоровлэсь нимзэ Кезысь одӥгез ульча нуллэ, нош Вуж Гыя гуртын солы обелиск пуктэмын[1].
  • Харьков улосысь Краснокутск черкогуртын солы буре ваён пус пуктӥзы[1].
  • Геройлэн нимыз Ижысь Ялан ӝуась тыл дорысь Буре ваён стела вылын гожтэмын.

Валэктонъёс

  1. ↑ 1 2 3 4 5 6 7 Вениамин Андреевич Сидоров [ӟуч] «Герои страны» сайт.
  2. ↑ 1 2 Сидоров Вениамин Андреевич Герои Отечества.
  3. ↑ 1 2 3 Герои нашей войны: подвиг в Курской битве ценой жизни, Регнум (16.05.2021). Эскеремын: 26 тулыспалэ 2025 арын.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • ГСС, ГРФ, ПКОС — наши земляки. — Ижевск, 1995. — С. 154.
  • Кулёмин И. Г. Героев наших имена. — Ижевск, 1975.
  • Кузнецов Н. С. Сидоров Вениамин Андреевич // Великой славы светлая память / Н. С. Кузнецов. — Ижевск, 2012. — С. 322.
  • Письма огненных лет, 1941—1945. — Устинов, 1985. — С. 139—141.
  • Русских Б. И. Вениамин Андреевич Сидоров // Кезский район: страницы биогр. / Б. И. Русских. — Ижевск, 1999. — С. 82-83.

Чӧлсконъёс

«https://udm.ruwiki.ru/w/index.php?title=Сидоров,_Вениамин_Андреевич&oldid=485774»-ысь басьтэмын