Россия но Украина куспын вачевераськонъёс

Википедиысь материал
Россия но Украина куспын вачевераськонъёс
Российско-украинские переговоры в Стамбуле 16-05-2025.jpg
Ар нуналыз 2025-тӥ арын 16-тӥ куартолэзе
Интыез Стамбул, Долмабахче

Россия но Украина куспын вачевераськонъёс (ӟуч: Перегово́ры Росси́и и Украи́ны)— Украинаын кылдэм вачевуонэз сэрттон-пертчон пумысь меӵак вераськонъёс. Россилэн Президентэз Владимир Путин вераськонъёсты 2025-тӥ арын 15-тӥ куартолэзе Стамбулын ортчытыны ӵектиз[1]. Россиысь делегация вачевераськонъёслы 15-тӥ куартолэзе ӵукна ик дась ни вал, но Украинаысь ыстэм муртъёс пумиськонэ ӧз лыктэ. Турцилэн юрттэмез улсын вераськонъёс ӵуказеяз, 16-тӥ куартолэзе, Долмабахче дворецын ортчизы[2]. Кык час ӵоже кыстӥськем вераськонъёсты но собере ик Путинлэсь но Трамплэсь телефон пыр вераськонзэс мукет политикъёс но политологъёс огкыл шедьтонын шоро-куспо азинскон шуыса дунъязы.

2025-тӥ арын 28-тӥ куартолэзе кунсьӧр ужъёсъя министр Сергей Лавров ивортӥз, РФ но Украина куспын вачевераськонъёслэн кыкетӥ люкетэз 2-тӥ инвожое Стамбулын ик ортчоз[3].

Историез

2025-тӥ арын 11-тӥ куартолэзе Россилэн Президентэз Владимир Путин журналистъёсты Бадӟым Кремль дворецлэн Малахит фойеяз люказ но Быдӟым Вормонлы 80 ар тырмонэз пусъёнэ Муское лыктэм мукет кунъёслэн азьветлӥсьёсынызы ортчытэм пумиськонъёслы йылпумъянъёс лэсьтӥз[4]

Россилэн президентэз тодэ вайытӥз, Украина энергетикая объектъёсты пушкытъянлэсь алӥсь 30 нуналъем мораторийез ӧз чакла шуыса, со 18-тӥ южтолэзьысен 17-тӥ оштолэзёзь юнматэмын вал. Озьы ик Киев ог 50 сюрс пол тӥяз Паска азьын юнматэм перемириез. Вормон нуналэ Россиен ӵектэм перемирилы  [ӟуч] (удм. пумит Украина 524 БПЛА но 45 экипажтэм катеръёс лэзиз .

Со учыръёсты лыдэ басьтытэк, Россия Киевысь кивалтэтлы вачевераськонъёсты 2025-тӥ арын 15-тӥ куартолэзе Стамбулын выльысь кутскыны ӵектӥз. 2022-тӥ ар пумын соос нокыӵе азьвыл верам мугъёстэк дугдытэмын вал[5].

2025-тӥ арын 11-тӥ куартолэзе Путин но Турцилэн президентэз Реджеп Тайип Эрдоган куспын вераськонъёс ортчизы, соку ик Эрдоган Москва но Киев куспын вачевераськонъёсты выльдон сярысь кичӧлтонэз умоен лыдъяз но Стамбулын ортчытыны дэмлаз, озьы ик быгатэмезъя юрттыны мылкыд кариз[6].


Владимир Зеленский Х мерлыко вотэсын гожтӥз: «Мон Путинэз возьмало Турциын покчиярняе [2025-тӥ арын 15-тӥ куартолэзе] »[7]. Озьы ке но, Турцилэн президентэзлэн администрацияз ивортӥзы, Зеленскийлэн 15-тӥ куартолэзе Турцие лыктыны малпанъёсыз сярысь нокыӵе ивор ӧз вуылы[8]. Росси президентлэн пресс-секретарезлэн Д. Песковлэн верамезъя, Путинлэн 15-тӥ куартолэзе Москваын мукет пумиськонъёсыз чакламын вал, Турциын вачевераськонъёсы пыриськон чакламын ӧй вал; Россиысь дипломатъёслэн малпамзыя, кунъёслэн азьмуртъёссы куспын вачевераськонлы нырысь ик кема но лад-лад дасяськыны кулэ[9].

2025-тӥ арын 13-тӥ куартолэзе Дональд Трамп , Стамбулын ортчоно вачевераськонъёсы США-лэн кун серкретарез Марко Рубио но Америкаысь мукет ужоскето муртъёс лыктозы шуыса ивортӥз[10].

2025-тӥ арын 14-тӥ куартолэзе Путин Украинаен вачевераськонъёслы дасяськон пумысен кенешон ортчытӥз. Кун тӧролэн косэмезъя, Россиысь переговорной командалэн пусъем ёзчиосыз сяна, люкаськемъёс пӧлын вал: кунгожсьӧр ужъёсъя министр Сергей Лавров, обороная министр Андрей Белоусов, Россиысь йӧскалык гвардилэн кивалтӥсез Виктор Золотов, Кышкыттэмлыкъя кенешлэн секретарез Сергей Шойгу, Генеральной штаблэн кивалтӥсез Валерий Герасимов, ФСБ-лэн кивалтӥсез Александр Бортников но специальной военной операцииысь вань группировкаослэн кивалтӥсьёссы[11].

15-тӥ куартолэзе выжон уе Россиысь кивалтӥсьёсты нуон-ваёнэн вырись «Россия» специальной лётной отрядлэн самолётэз Стамбулэ лобиз. Авиационной службаос Росси делегация Ататюрк нимо аэропортэ вазь ӵукна вуиз шуыса ивортӥзы[12]. Нырысь ик делегациослэн пумиськонзы Москвая 10 чассын Долмабахче дворецын чакламын вал, озьы ке но, украин делегация вуымтэен, вачевераськонъёсты мукет нуналэ выжтӥзы[13].

15-тӥ куартолэзе Росси Федерацилэн Стамбулысь Генконсульствояз прессалы вазиськоназ Владимир Мединский пусйиз, али ортчоно вачевераськонъёсты Россиысь делегация 2022-тӥ арын куспетӥ карем тупаса улонэз азьланьтонэн лыдъя, со понна солэн вань кулэ луись компетенциосыз но луонлыкъёсыз вань[14]. Меӵак вераськонлэн ужпумез — вачевуонлэсь мугъёссэ палэнтыса, кема кыстӥськись тупаса улон кылдытон[15].

Со нуналэ ик Турцилэн кунсьӧр ужъёсъя министрез Хакан Фидан росси делегациен кенешон ортчытӥз[16].

15-тӥ куартолэзе ӝыт ТАСС ивортӥз, Россия но Украина куспын вераськонъёс кутскозы 16-тӥ куартолэзе Стамбулын[2]. Зеленскийлэн коммуникациосъя советникез Дмитрий Литвин, украин делегация Стамбулэ 15-тӥ куартолэзе бер ӝыт вуоз шуыса ивортӥз[17].

The Guardian-лэн ивортэмезъя, США палась Стамбулысь вачевераськонъёсы пыриськиз Госдеплэсь политиказэ чакланъя директор Майкл Антон[18].

16-тӥ куартолэзе пӧртэм пумо пумиськонъёс ортчизы: Россия, Украина но Турция куспын куиньпалъем вераськон, озьы ик США — Украина — Турция куспын куиньпалъем вераськон[19], отчы пыриськизы США-лэн кун секретарез Рубио но Украиная нимысьтыз ыстэм мурт Кит Келлог. Украиналэсь пыриськизы президентлэн офисэзлэн тӧроез Андрей Ермак но кунсьӧр ужъёсъя министр Андрей Сибига. Турцилэсь — кунсьӧр ужъёсъя министр Фидан[20].

16-тӥ куартолэзе Россия но Украина куспын вераськонъёс кутскемлэсь азьпал Владимир Мединский США-ысь вуэм муртъёсын пумиськон ортчытӥз[21].

2025-тӥ арын 28-тӥ куартолэзе кунсьӧр ужъёсъя министр Сергей Лавров ивортӥз, РФ но Украина куспын кыкетӥез пумиськон ортчоз Стамбулын 2-тӥ инвожое[3].

29-тӥ куартолэзе РФ МИД-лэн официальной представителез Мария Захарова ивортӥз, 2-тӥ инвожое ортчоно вачевераськонъёсы пыриськозы 16-тӥ куартолэзе пыриськем муртъёс ик[22].

Вераськонъёс дыръя

2025-тӥ арын 16-тӥ куартолэзе Стамбулын Россиысь, Турциысь но Украинаысь делегациос куспын вачевераськонъёс ортчизы. Вераськонэз кутскемлэсь азьпал Турцилэн кунсьӧр ужъёсъя министрез Хакан Фидан ужрадэ лыктэмъёслы пумитан кылъёсын вазиськиз[23]:

2022-тӥ арын южтолэзьысен кунъёс куспын таиз нырысетӥез пумиськон. Милемлы та луонлыкез одно ик эскерыны кулэ. Ӝегаммы нуналлы быдэ куашкатонъёсты золгес но тросгес кароз. Та тыложез дугдытыны кулэ. Азьпал вамышъёсты асьмеос ӵошен эскером. Та пумиськон кунъёслэн азьветлӥсьёссы куспын вуонозэ вераськонэз чаклалоз[24].

Вераськонъёс кутскемлэсь азьпал Турцилэн кунсьӧр ужъёсъя министрез Хакан Фидан лыктэмъёслы вазиськиз

Россия но Украина куспын вераськонъёс кык час пала кыстӥськизы[25], прессалэсь лушкем[26].

Вераськонъёс бере

Вачевераськонъёс йылпумъяськем бере, Мединский ивортӥз, вераськонъёс умоен ортчизы но Россия дась вераськонъёсты азьланьтыны [27], со сяна:

  • Россия но Украина ожмаськонэз дугдытон сярысь малпанзэс азьланяз пыр-поч эскерыны огкылэ вуизы[28];
  • Украинаысь делегация меӵак вераськонъёсты кунъёслэн азьветлӥсьёссы куспын ортчытыны куриз, Россия со куронэз лыдэ басьтӥз[29];
  • Матысь дыре Россия но Украина пленэ басьтэмъёсты сюрссэ сюрсэн воштон форматэн ортчытоз шуыса кенешизы[30].

2025-тӥ арын 17-тӥ куартолэзе США-лэн кун секретарез Марко Рубио телефон пыр вераськон дыръя Россилэн кунгожсьӧр ужъёсъя министрез Сергей Лавров Россиен Украинаен огкыл шедьтон бордын США-ен ӵош ужаны дась луэмзэ юнматӥз. Со озьы ик пусйиз США-лэсь вачераськонъёсты Стамбулын ортчытыны Киевез соглаш кариськытэмзэ. Рубио озьы ик украин кконфликтэз дугдытон амал утчан пумысь Вашингтонлэн дась луэмез сярысь ивортӥз[31]. Берлогес кун секретарь Путинлэсь но Трамплэсь 19-тӥ куартолэзе телефон пыр вераськыны но матысь дыре пумиськыны дасяськемзы сярысь ивортӥз[32].

2025-тӥ арын 23-тӥ куартолэзе Россиысь Обороная министерство пленнойёсын воштӥськон сярысь ивортӥз. Ведомстволэн ивортэмезъя, Стамбулын 16-тӥ куартолэзе огкылэ вуэм улсын, Киев 270 росси военнослужащейёсты но Курск улосысь пленэ басьтэм 120 огшоры муртэ берыктӥз. Со понна Россия ВСУ-лэсь 270 военнопленнойзэ но 120 огшоры муртэ лэзиз[33].

2025-тӥ арын 24-тӥ куартолэзе 307 росси военнослужащей гуртаз берытскиз, сомында ик ВСУ-лэн ожгарчиез ас дораз бертӥз [34].

2025-тӥ арын 25-тӥ куартолэзе Россиысь Обороная министерство ивортӥз, эшшо Россиысь 303 мурт ВСУ-лэнъёсыныз воштэмын[35]. Озьы сюсэз сюрсэн воштон ужпум азинлыко быдэстэмын вал.

Росси делегация

14-тӥ куартолэзе ӝыт Владимир Путин Стамбулэ вачевераськонъёсы мынӥсь росси делегацилэсь составзэ юнматӥз. Сое йыръяз РФ президентэзлэн юрттӥсез Владимир Мединский  [ӟуч] (удм.[36]. Со ик 2022-тӥ арын но вачевераськонъёсы пыриськись делегациез йыръяз вал[37]. Озьы ик делегацие пыризы:

  • РФ кунсьӧр ужъёсъяя министрлэн воштӥсез Михаил Галузин,
  • РФ ВС Генштаблэн кивалтӥсезлэн воштӥсез Игорь Костюков,
  • Обороная министрлэн воштӥсез[38].
Россилэн делегациез (2025-тӥ арын 16-тӥ куартолэзе ортчись вачевераськонъёсын)

Делегацилэн валтӥсь ёзчиосыз сяна, делегацие ньыль эксперт быръемын вал:

  • Генштабысь иворъёсъя управленилэн кивалтӥсезлэн нырысетӥ воштӥсез Александр Зорин,
  • РФ президентэзлэн Кун политикая управлениысьтыз гуманитари удысъя кивалтӥсьлэн воштӥсез Елена Подобреевская,
  • Россилэн Кунсьӧр ужъёсъя министерствоезлэн СНГ кунъёсъя кыкетӥ департаментэзлэн директорез Алексей Полищук,
  • Россиысь Обороная министерстволэн калыккуспо ожгар кусыпъёсъя валтӥсь управленилэн кивалтӥсезлэн воштӥсез Виктор Шевцов[39].

Украин делегация

15-тӥ куартолэзе ӝыт Владимир Зеленскийлэн офисаз Стамбулын ортчись вераськонъёсы мынӥсь делегацилэн составез сярысь косэт шараямын вал[40]. Сое йыръяз обороная министр Рустем Умеров.

Украиналэн делегациез (2025-тӥ арын 16-тӥ куартолэзе ортчись вачевераськонъёсын)

Делегацие озьы ик пыризы:

  • кунсьӧр ужъёсъя министрлэн нырысетӥ воштӥсез Сергей Кислица,
  • Украинаысь кышкыттэмлыкъя службалэн тӧроезлэн воштӥсез Александр Поклад,
  • кунсьӧр разведкалэн тӧроезлэн нырысетӥ воштӥсез Олег Луговский,
  • Украинаысь ожгар кужымъёслэн генеральной штабзылэн кивалтӥсезлэн воштӥсез Алексей Шевченко,
  • Валтӥсь разведкалэн кивалтӥсезлэн воштӥсез Вадим Скибицкий,
  • Воздушной войскоослэн командованизылэн штабезлэн кивалтӥсезлэн воштӥсез Евгений Шинкарёв,
  • Военно-морской войскоослэн командованизылэн штабезлэн кивалтӥсезлэн воштӥсез Александр Дьяков,
  • Украинаысь вооруженной кужымъёслэн генеральной штабзылэн центральной правовой департаментысьтыз калыккуспо но оперативной правоя кафедралэн кивалтӥсез Алексей Маловацкий,
  • Украинаысь вооруженной кужымъёслэн валтӥсь штабзылэн валтӥсь оперативной управлениезлэн старшой офицерез Александр Шерихов,
  • Украинаысь вооруженной кужымъёслэн валтӥсь командующийлэн обеспечения аппаратэзлэн протокол офицерез Георгий Кузьмичев,
  • Украиналэн президентэзлэн офисэныз кивалтӥсьлэн советникез Александр Бевз[41].

Стамбулын вераськонъёс мыныку, Украин делегацилэн кыкез ёзчиез пегӟиз. Вылӥ Кенешлэн азьвыл депутатэз Спиридон Килинкаров верамъя, кылысь кылэ берыктӥсь Головко но секретарьлэн юрттӥсез Самойленко мобилизацилэсь мозмытскыны луонлыкен пайдаяськыса, Киеве ӧз ни берытске[42].

Реакция

2025-тӥ арын 17-тӥ куартолэзе Россилэн президентэзлэн пресс-секретарез Дмитрий Песков ивортӥз: Владимир Путинлэн но Владимир Зеленскийлэн вуоноез пумиськонзы луоз шуыса лыдъя Кремль[43].

США-лэн президентэз Дональд Трамп Владимир Путинлэсь Украинаен вачевераськонъёсты выльдыны мылкыд каремзэ умоен лыдъя[44]:

Оло, та нунал Россия но Украина понна тужгес быдӟымез луоз. Малпаське, оло сю сюрсэз улон утемын луоз, та пумтэм-йылтэм «вир кисьтон ож» йылпумъяськиз ке. — Truth Social

Трамп озьы ик Украинаез Стамбулэ вачевераськонъёсы лыктыны «ӝегатэк соглаш кариськыны» куриз[45] но пумиськонэз одно ик ортчытыны кулэ шуыса вераз. Ачиз но Стамбулэ лыктон сярысь малпаське шуыса ватсаз[46].

Мынам малпамея, отын кыксы но азьмуртъёс луыны кулэ (Россилэн но Украиналэн — ред.). Мон но малпай вал отчы вуыны. Али уг тодӥськы, кытын мон луо покчиарняе, мынам сомында пумиськонъёс чакламын, но зэмзэ но малпасько отчы вуыны. Малпасько, сыӵе луонлык вань[47].

Азьвыл американ разведчик но ООН-лэн инспекторез Скотт Риттер Путинлэсь дэмланзэ « туж усто манёвр» шуыса пусйиз[48]:

Меӵак вераськонъёс сярысь ӵектон 30 нуналъем перемирие сярысь ужпумез повесткаысь куштэ. Мынам малпамея, со Владимир Путинлэн туж усто манёврез. Озьы со кичӧлтонэз Россилы берыктэ, нош со кичӧлтон украинско-европейско-американской блок азе куронъёс пуктыны луонлык сётэ. Али дыре со блок ачиз сыӵе вамыш лэсьтыны дась ӧвӧл, уз но быгаты.

Путин но Трамп куспын вераськон

2025-тӥ арын 19-тӥ куартолэзе 17.00 часын (Мск дыръя) Владимир Путин Дональд Трампен 16-тӥ куартолэзе росси президентлэн кичӧлтэмезъя Стамбулын ортчем вачевераськонъёс пумысен телефон пыр кенешиз[49]. Американ паллэн ивортэмезъя, украин конфликт сяна, вераськон мынӥз кык кунъёслэн экономика ласянь кусыпъёссы сярысь но. РФ президентэныз вераськемез бере, Трамп Украиналэн политика класянь кивалтэтэныз но НАТО-е пырись кунъёслэн азьмуртъёсыны вераськыны чакла шуыса вераз[50].  Россилэн но США-лэн азьмуртъёссы телефон пыр кык часлэсь кема вераськизы. Путин со вераськонэз «конструктивной» шуиз. Озьы ик, Москва но Киев мирной договор пумысен меморандум бордын ужалозы шуыса пусйиз[51].

Валэктонъёс

  1. ↑ Путин предложил прямые переговоры с Киевом 15 мая в Стамбуле, РБК (11.05.2025). Эскеремын: 11 куартолэзе 2025 арын.
  2. ↑ 1 2 ТАСС: переговоры РФ и Украины в Стамбуле стартуют 16 мая, TACC (15 куартолэзе 2025). Эскеремын: 15 куартолэзе 2025 арын.
  3. ↑ 1 2 Лавров анонсировал второй раунд переговоров между РФ и Украиной в Стамбуле, Известия (28 куартолэзе 2025). Эскеремын: 29 куартолэзе 2025 арын.
  4. ↑ Прямые переговоры без промедления и условий в Стамбуле. Главные заявления Путина, TACC (11.05.2025). Эскеремын: 11 куартолэзе 2025 арын.
  5. ↑ Заявление Президента России для СМИ, Президент России (11.05.2025). Эскеремын: 11 куартолэзе 2025 арын.
  6. ↑ Путин обсудил с Эрдоганом свою инициативу возобновления переговоров с Киевом, TACC (11 куартолэзе 2025). Эскеремын: 11 куартолэзе 2025 арын.
  7. ↑ Зеленский заявил, что будет ждать Путина в Турции, РИА Новости (11 куартолэзе 2025). Эскеремын: 11 куартолэзе 2025 арын.
  8. ↑ В Турции заявили, что не знают о планах Зеленского посетить страну, РИА Новости (11 куартолэзе 2025). Эскеремын: 11 куартолэзе 2025 арын.
  9. ↑ От Владимира Путина ждут участия. Как идет подготовка к встрече РФ и Украины в Стамбуле, Коммерсантъ (17 куартолэзе 2025). Эскеремын: 13 куартолэзе 2025 арын.
  10. ↑ Трамп: Рубио и другие эмиссары США полетят на встречу по Украине в Стамбуле, TACC. Эскеремын: 13 куартолэзе 2025 арын.
  11. ↑ Песков рассказал о совещании у Путина по переговорам с Украиной, РБК (15 куартолэзе 2025). Эскеремын: 15 куартолэзе 2025 арын.
  12. ↑ Стали известны время и место переговоров России и Украины в Стамбуле, РБК (15 куартолэзе 2025). Эскеремын: 15 куартолэзе 2025 арын.
  13. ↑ Начало переговоров в Стамбуле запланировано на 10 утра - Российская газета, Российская газета (15 куартолэзе 2025). Эскеремын: 15 куартолэзе 2025 арын.
  14. ↑ Мединский высказался о делегации России в Стамбуле, РИА Новости (15 куартолэзе 2025). Эскеремын: 15 куартолэзе 2025 арын.
  15. ↑ Мединский назвал цель прямых контактов с Украиной, TACC (15 куартолэзе 2025). Эскеремын: 15 куартолэзе 2025 арын.
  16. ↑ ТАСС: в Стамбуле началась встреча главы МИД Турции с российской делегацией, TACC (15 куартолэзе 2025). Эскеремын: 15 куартолэзе 2025 арын.
  17. ↑ Украинская делегация приедет в четверг вечером, заявил советник Зеленского, РИА Новости (15 куартолэзе 2025). Эскеремын: 15 куартолэзе 2025 арын.
  18. ↑ The Guardian узнала имя представителя США на переговорах России и Украины, РБК. Эскеремын: 16 куартолэзе 2025 арын.
  19. ↑ ТАСС: 16 мая в Стамбуле намечена трехсторонняя встреча Турции, России и Украины, TACC (15 куартолэзе 2025). Эскеремын: 15 куартолэзе 2025 арын.
  20. ↑ ТАСС: в Стамбуле завершилась встреча представителей Турции, США и Украины, TACC (16 куартолэзе 2025). Эскеремын: 16 куартолэзе 2025 арын.
  21. ↑ Мединский встретился с представителями США в Стамбуле, Коммерсантъ (16 куартолэзе 2025). Эскеремын: 16 куартолэзе 2025 арын.
  22. ↑ МИД рассказал о составе российской делегации на переговорах 2 июня, РИА Новости (29.05.2025). Эскеремын: 29 куартолэзе 2025 арын.
  23. ↑ Встреча представителей России, Украины и Турции началась в Стамбуле
  24. ↑ Полная расшифровка слов главы МИД Турции перед переговорами, РБК (16 куартолэзе 2025). Эскеремын: 16 куартолэзе 2025 арын.
  25. ↑ Встреча российской и украинской делегаций в Стамбуле завершилась, РИА Новости (16 куартолэзе 2025). Эскеремын: 16 куартолэзе 2025 арын.
  26. ↑ Переговоры России и Украины проходят без прессы, РИА Новости (16 куартолэзе 2025). Эскеремын: 16 куартолэзе 2025 арын.
  27. ↑ Мединский: РФ удовлетворена результатом переговоров и готова продолжать контакты, Коммерсантъ (16 куартолэзе 2025). Эскеремын: 16 куартолэзе 2025 арын.
  28. ↑ Мединский: РФ и Украина представят свое видение возможного прекращения огня, TACC (16 куартолэзе 2025). Эскеремын: 16 куартолэзе 2025 арын.
  29. ↑ Мединский: Украина запросила прямые переговоры между Зеленским и Путиным, Коммерсантъ (16 куартолэзе 2025). Эскеремын: 16 куартолэзе 2025 арын.
  30. ↑ Мединский подтвердил подготовку крупнейшего обмена пленными с Украиной, РБК (16 куартолэзе 2025). Эскеремын: 16 куартолэзе 2025 арын.
  31. ↑ Лавров и Рубио обсудили итоги переговоров в Стамбуле, РИА Новости (17 куартолэзе 2025). Эскеремын: 17 куартолэзе 2025 арын.
  32. ↑ Рубио заявил о желании Трампа встретиться с Путиным как можно скорее, РБК (17 куартолэзе 2025). Эскеремын: 17 куартолэзе 2025 арын.
  33. ↑ Россия вернула из плена 270 военных и 120 гражданских, TACC (23 куартолэзе 2025). Эскеремын: 23 куартолэзе 2025 арын.
  34. ↑ Россия и Украина обменялись пленными по стамбульской договоренности, РБК. Эскеремын: 24 куартолэзе 2025 арын.
  35. ↑ Россия и Украина завершили обмен пленными по формуле 1000 на 1000, РИА Новости (25.05.2025). Эскеремын: 25 куартолэзе 2025 арын.
  36. ↑ Путин утвердил состав делегации России на переговорах с Украиной, TACC (14..05.2025). Эскеремын: 15 куартолэзе 2025 арын.
  37. ↑ Путин утвердил состав российской делегации на переговорах в Стамбуле, РБК (14.05.2025). Эскеремын: 15 куартолэзе 2025 арын.
  38. ↑ Путин утвердил состав делегации для переговоров с Украиной в Стамбуле, Известия (14 куартолэзе 2025). Эскеремын: 15 куартолэзе 2025 арын.
  39. ↑ Кто вошел в переговорную группу России в Стамбуле. Инфографика, РБК (14.05.2025). Эскеремын: 15 куартолэзе 2025 арын.
  40. ↑ Зеленский утвердил состав делегации для переговоров с РФ в Стамбуле, Известия (15 куартолэзе 2025). Эскеремын: 15 куартолэзе 2025 арын.
  41. ↑ Состав делегации Украины для участия в переговорном процессе с РФ в Стамбуле, TACC (15 куартолэзе 2025). Эскеремын: 15 куартолэзе 2025 арын.
  42. ↑ Килинкаров: члены украинской делегации сбежали в Стамбуле от мобилизации, AiF (19.05.2025). Эскеремын: 20 куартолэзе 2025 арын.
  43. ↑ В Кремле назвали условие для встречи Путина и Зеленского, РИА Новости (17 куартолэзе 2025). Эскеремын: 17 куартолэзе 2025 арын.
  44. ↑ Трамп приветствовал предложение Путина возобновить прямые переговоры с Украиной, TACC (11.05.2025). Эскеремын: 11 куартолэзе 2025 арын.
  45. ↑ Трамп потребовал от Украины немедленно согласиться на переговоры с Россией, РИА Новости (11 куартолэзе 2025). Эскеремын: 11 куартолэзе 2025 арын.
  46. ↑ Трамп допустил свой визит в Стамбул во время встречи делегаций России и Украины - Газета.Ru | Новости, Газета.Ru (12 куартолэзе 2025). Эскеремын: 12 куартолэзе 2025 арын.
  47. ↑ Трамп допустил поездку в Стамбул в четверг, РИА Новости (12 куартолэзе 2025). Эскеремын: 12 куартолэзе 2025 арын.
  48. ↑ В США назвали предложенные Путиным прямые переговоры Киеву блестящим маневром, Известия (11 куартолэзе 2025). Эскеремын: 11 куартолэзе 2025 арын.
  49. ↑ Мир по телефону, Коммерсантъ (18 куартолэзе 2025). Эскеремын: 19 куартолэзе 2025 арын.
  50. ↑ Песков подтвердил, что телефонный разговор Путина с Трампом готовится, TACC (17.05.2025). Эскеремын: 19 куартолэзе 2025 арын.
  51. ↑ Заявление Путина после разговора с Трампом. Текст, РБК. Эскеремын: 19 куартолэзе 2025 арын.
«https://udm.ruwiki.ru/w/index.php?title=Россия_но_Украина_куспын_вачевераськонъёс&oldid=506719»-ысь басьтэмын