Россиысь кыз базаръёс

Кустодиев «Кыз базар»

Кыз базар ӟуч Ёлочный базар — кызъёсын но мукет выль ар арбериосын вузкарыны огдырлы чаклам инты. Россиысь кыз базар — сямлы пӧрмем ужрад. Радъяське Выль ар азьын праздниклы чаклам арбериосын вузкарон понна^[1]

Россиысь кыз базаръёслэн историзы

Выль ар сямъёс[Тупатыны | вики-текстэз тупатыны]

Выль арез 1-тӥ толшоре пумитан сям 1700-тӥ арысь вуэмын, Пётр I дырез выль сямен лыдъян сярысь Косэт поттон дырысен. Со Косэтъя, 1-тӥ толшорысен быдэс арнязэ шулдыръяськыны, ог-огед доры куное ветлыны, коркаосты кыз, пужым, сусыпу вайёсын чеберманы косэмын вал. Кызэз праздник писпуэн лыдъян сям Россиын соку ик ӧз пыӵа, Николай I вакытэ гинэ юнмаз, кузпалызлэн Александра Фёдоровналэн кичӧлтэмезъя. Быдӟым княгиня Александра Фёдоровна ( ныл дыръяз принцесса Фридерика Луиза Шарлотта Вильгельмина Прусская нем. Friederike Luise Charlotte Wilhelmine von Preußen) нырысьсэ ёлка бай семьяосысь нылпиослы ортчытӥз. Нош Толсур азелы кызъёсты чеберман сям нырысьсэ кылдӥз 1830—1840-тӥ аръёсы узыр коркаосын. 1852-тӥ арын одӥгаз петербург вокзалын нырысьсэ пӧртэм пумо басма юдэсъёсын чебермам «калык» ёлка^[2] пуктэмын вал. Праздник азелы кыз чеберман сям нырысь дворян семьяос пӧлын кылдӥз собере купец семьяосы вӧлмиз. Крестьян но ужась калык пӧлын выль ар кызъёсты 30-тӥ арозь ӧз пуктылэ.

Россиысь кыз базаръёс[Тупатыны | вики-текстэз тупатыны]

Россиын кыз базаръёс кылдӥзы XIX даурлэн шораз — нырысь ик Санкт-Петербургын, Екатерининской садысь Аничков дворецлэн азбараз.

Нырысьсэ выль ар кызъёсты вузаны кутскизы ӟучомем кунсьӧрчиос — немецъёс но швейцарецъёс. Москваын нырысетӥ кыз базаръёс усьтэмын вал XIX даурлэн пумаз, Бадӟым театр вӧзысь Театральной площадьын^[3] Тужгес тодмоез базар интыяськиз Охотной рядын.

Совето Россиысь кыз базаръёс[Тупатыны | вики-текстэз тупатыны]

1920-тӥ аръёслэн кыкетӥ ӝыныяз выль ар кызэз пуктон сям алэмын вал. Совето власть со сямез вашкала буржуази шӧмо шуыса лыдъяз. Со сярысь шара вераськонъёс ӧй вал ке но, писпуосты утёно, нюлэсъёсты корано ӧвӧл шуыса рос-прос индылонъёс нуиськизы. Кызъёсын вузкарон 1930-тӥ аръёслэн пумазгес выльдӥськиз^[4] Кызъёслы дун кун ачиз юнматылӥз. Кылсярысь, 1945-тӥ арын Мускоын одӥг метръем кызлэн дуныз вить манет вал, кык метръемезлэн ― дас одӥг манет, нош укмысысен дас метръемез 650 манет сылӥз^[5]

Европаысь кыз базар[Тупатыны | вики-текстэз тупатыны]

Европа кунъёсын кыз базарлы Толсур базар укшатэмын — Германись, Польшаысь, Австриысь, Чехиысь, Словакиысь, Венгриысь но мукет кунъёсысь каръёсын та вакытэ Толсур праздниклы дасяськон вакыт. Толсур базар каръёсысь тужгес калыко интыосын, шор площадьёсын интыяське. Россиысь Выль ар базаръёсын ӵошатыса, выль ар писпуос татын уг вузасько, со понна татысь шедьтыны луоно пӧртэм пӧраськемъёс, сиён-юонъёс, кылсярысь, глинтвейн но пунш, озьы ик пӧсь сиёнъёс но мукет выль ар арбериос.

Генрих Манизер «Кыз базар»

Туала Россиысь кыз базаръёс

XXI дауре Россиысь кыз базаръёс мукет сяменгес радъяськыло. Тужгес сӥлы каро луло писпуосты. Соослы ӝуждалазыя, макем пуштрес луэмзыя но кытысь ваемъя дун пукто. Берло дыре луло писпуослы кулэяськон синӥз ке но, сикын будэм кызэз басьтӥсьёс шедё^[6].

Каръёсын но каргуртъёсын кызъёсын вузкарон толсур толэзьлэн шорысенызгес кутске. Бадӟым каръёсын кыз базаръёс котькуд ёросын радъясько. Вузкарон инты кар тӧрлык ачиз сётэ.

2023-тӥ арын Мускоын кыз базаръёс 20-тӥ толсурысен 31-тӥ толсурозь ужазы. Шоркарысь вузкаронъя департамептлэн пресс-службаезлэн ивортэмезъя, карын юнматэм тупанкылъя 106 кыз базаръёс усьтэмын вал, стационарной вузаськонниосын — 139, кызъёсын вузкарон интыослэн огъя лыдзы ― 245. Москвичъёслы басьтыны дэмламын вал Перм шаерысь, Киров улосысь, Башкортостан Элькунысь ваем кызъёс, озьы ик Даниысь но Бельгиысь ваем ньылпуос, пужымъёс но вайёс. Асьме палан будэтэм метръем кызлэн шоро-куспо дуныз 1,4 сюрс манетысен 1,6 сюрс манетозь пуктэмын вал (2022-тӥ арын — 1 сюрссысен 1,3 сюрс манетозь), метръем пужымлэн дуныз — 1,8 сюрсысен 2 сюрсозь, кунсьӧрысь ваем ньылпулэн — 6 сюрс но тросгес^[7].

Санкт-Петербургын 2023-тӥ арын кыз базаръёс 20-тӥ толсуре усьтӥськизы. Тӧрлыкен тупанкыл гожтэм 64 вузкарон интыос ужазы^[8].

Кузонын улӥсьёс 2023-тӥ арын выль ар кызэз 1-тӥ толсурысен 31-тӥ толсурозь басьтыны быгатӥзы^[9], 24 интыосын кызэн вузкарон радъямын вал^[10]. Кузончиос понна одӥг метръем кызлэн дуныз 1 манетысен 10 сюрсозь пуктэмын вал, пужымлэн — 500 манетысен, ньылпулэн — 2500 манет но тросгес^[11].

Новосибирскын 2023-тӥ арын кыз базаръёс 32 официально усьтэм вузкарон интыосын толсур толэзьлэн кутсконысеныз толэзь пумозь ужазы^[12].

Екатеринбургын 15-тӥ толсурысен толэзь пумозь 8 кыз базар ужаз^[13].

Нижний Новгородын 2023-тӥ арын кыз базаръёс 10-тӥ толсуре усьтӥськизы но 31-тӥ толсурозь ужазы. Карысь Автозаводской, Приокской но Нижегородской ёросъёсын 9 вузкарон интыос радъямын вал^[14].

Челябинскын 2023-тӥ арын 100 кыз базар ужаз^[15], которые работали с 16 по 31 декабря^[16].

Самараын выль ар кызъёсты 155 вузкарон интыосысь 15-тӥ толсурысен 31-тӥ толсурозь басьтыны луэ вал^[17].

Уфаын 15-тӥ толсурысен толэзь пумозь 17 кыз базар усьтэмын вал^[18].

Пермьын кыз базаръёс 15-тӥ толсуре усьтӥськыса, толэзь пумозь 35 вузкарон интыосын 10 часысен 20 часозь ужазы^[19].

Валэктонъёс

Литература

Абазиева Камилла Григорьевна, Гончарова Светлана Николаевна, Гуденица Ольга Васильевна. Приоритетные направления развития потребительского рынка и сферы услуг города Ростова-на-Дону // Вестник Московского университета имени С. Ю. Витте. Серия 1: Экономика и управление. — 2018. — № 4 (27).

[1] Ёлочный базар — Фермерское хозяйство своими руками

[2] ttps://weekend.rambler.ru/read/51980270/?utm_content=weekend_media&utm_medium=read_more&utm_source=copylink

[3] Как праздновали Новый год и Рождество в XIX веке

[4] Душечкина Е. В. Русская елка. История, мифология, литература. 2-е изд. , перераб. И доп. СПб. : Издательство Европейского университета в Санкт-Петербурге, 2012. 360 с. https://cyberleninka.ru/article/n/dushechkina-e-v-russkaya-elka-istoriya-mifologiya-literatura-2-e-izd-pererab-i-dop-spb-izdatelstvo-evropeyskogo-universiteta-v-sankt.

[5] ttps://www.mos.ru/news/item/100632073/

[6] Спрос на живые ели упал, а цены на импортные добрались до 200 тысяч — МК

[7] В Москве открываются елочные базары — РИА Новости, 20.12.2023

[8] Сайт СПб ГКУ «Имущество Санкт-Петербурга»

[9] В Казани с 1 декабря официально открываются ёлочные базары — МК Казань

[10] ttps://www.kazan.kp.ru/online/news/5594789/

[11] В Казани заработали елочные базары: сколько стоит хвойный символ Нового года и где его купить

[12] В Новосибирске с 1 декабря заработают 32 елочных базара — МК Новосибирск

[13] ttps://newdaynews.ru/ekaterinburg/813375.html

[14] Девять елочных базаров откроют в трех районах Нижнего Новгорода 10 декабря — МК Нижний Новгород

[15] Для челябинцев организуют сто ёлочных базаров — МК Челябинск

[16] В Челябинске начинают работать елочные базары

[17] В Самаре заработали елочные базары | ОБЩЕСТВО: События | ОБЩЕСТВО | АиФ Самара

[18] В Уфе заработали ёлочные базары. Их число увеличилось — Новости Уфы и Башкирии — Медиакорсеть

[19] Стало известно, когда и где откроют ёлочные базары в Перми и крае | ОБЩЕСТВО | АиФ Пермь

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]