Пислегин, Виктор Кузьмич

Рувикиын таӵе фамилиен мукет муртъёс сярысь гожтосъёс вань. Учке: Пислегин.

Виктор Кузьмич Пислегин
Вордӥськем дырыз	20-тӥ оштолэзе 1920({{padleft:1920|4|0}}-{{padleft:4|2|0}}-{{padleft:20|2|0}})
Вордӥськем интыез	Пуштовай[d], Малмыж утем, Ватка губерния, РСФСР
Кулэм дырыз	24-тӥ пӧсьтолэзе 1941({{padleft:1941|4|0}}-{{padleft:7|2|0}}-{{padleft:24|2|0}}) (21 год)
Кулэм интыез	Югостицы[d], Скребловское сельское поселение[d], Лужский район[d], Ленинград улос, РСФСР, СССР
Кунмуртлыкез	СССР СССР
Кыӵе войскоез	бронетанковой войско
Служить карон аръёсыз	1937—1941
Званиез	лейтенант
Ожмаськонъёс/ожъёс	Советско-финляндской ож (1939—1940)[d] Быдӟым Атыкай ож
Данъетъёсыз
Медиафайлъёс РувикиМедиа пушкын

Ви́ктор Кузьми́ч Писле́гин (20-тӥ оштолэзь 1920-тӥ ар, Пуштовай, Ватка губерния — 24-тӥ пӧсьтолэзь 1941-тӥ ар, Югостицы, Ленинград улос) 20-тӥ оштолэзе 1920, Пуштовай^[d], Ватка губерния — 24-тӥ пӧсьтолэзе 1941, Югостицы^[d], Ленинград улос) — совето офицер, танкист, Совето Союзлэн Героез. Советско-финской но Быдӟым Атыкай оже пыриськем мурт.

Улон сюресэз

Вордӥськиз 20-тӥ оштолэзе 1920-тӥ арын Удмуртиын Ува ёросысь Пуштовай гуртын удмурт крестьян семьяын.

8 аресысен Ураково гуртысь школае дышетскыны мынӥз (дышетӥсез В. А. Протасов). Кык ар ортчыса, Сям-Можга черкогуртысь 7 аръем школае выжиз. 1935-тӥ арын Ижкаре кошкиз, нырысь карысь связья контораын почтальон, нош собере кассир луыса ужаз. 1937-тӥ арын Сталиногорск каре (али дыре Тульской улосвылысь Новомосковск кар) двоюродной агаез доры мынӥз, отын кӧня ке дыр ӵоже сиён-юон дасянъя «Союзплодовощ» контораын статист луыса ужаз .

Ижкарысь ОАО «Ростелеком»-ысь (азьло дыре связья контора) буре ваён пул

1937-тӥ арын сӥзьыл Горд Армие служить карыны басьтӥзы. Службаез Украинаын кутскиз. Пислегинэз танковой войскоосы юнматӥзы но полковой школае курсантэ басьтӥзы. Служить кариз 2-тӥ батальонысь 62-тӥ танковой полкын. Ӝытпал Украинаез мозмытон вакытэ, связез вис карылытэк воземез понна, гордармеецлы командованилэсь таукарон ялэмын вал.

Советско-финской ож

Советско-финской ож кутскемен, 1940-тӥ арын 10-тӥ тулыспалэ Пислегинлэсь танковой полксэ Львов карысь Ленинград военной округе выжтӥзы. Полк интыяз вуэм бере, сое Койвисто мукож понна ожмаськонъёсы пыриськись 86-тӥ стрелковой дивизилы сётӥзы. 1940-тӥ арын 3-тӥ южтолэзе Туппури-Саари шормуӵ понна ожъёс мыныку, Пислегинлэн танкез (отын со башенной стрелок вал, танклэн командирез — старшой лейтенант Н. Я. Клыпин, водителез — И. Е. Болесов) тушмонлэсь кӧня ке ыбылӥськон интыоссэ быдтӥз, асьсэлэн танказы тушмон снаряд йӧтыса ӝуаны кутскиз. Тылпуэз кысыны быгатӥзы, нош асьсэос котыртэме сюризы. Экипаж танкысь пеймытам бере гинэ потыны быгатӥз но лек ожмаськонъёс пыр асьме ожгарчиос пала выжиз. Та ожын Пислегинлэн киыз сӧсырмыны шедиз.

Пислегинэз госпитале келязы. Отын кылльыкуз солы, Н. А. Клыпинлы но И. Е. Болесовлы (1940-тӥ арын 11-тӥ южтолэзе ожын бырыны шедиз) СССР-ысь Вылӥ Кенешлэн Президиумезлэн 1940-тӥ арын 21-тӥ южтолэзе кутэм Косэтэзъя Совето Союзлэн Героез ним сётэмын шуыса ивор вуиз. 1940-тӥ арын 4-тӥ куартолэзе Ленинградысь Горд Армилэн юртаз Виктор Пислегин Ленин нимо орденэн но Зарни Кизили медален пусйемын вал, 6-тӥ куартолэзе Обороная наркомлэн приказэзъя В. К. Пислегинлы лейтенант звание сётэмын.

1940-тӥ арын куартолэзьлэн пумаз лейтенант Пислегин Удмуртие вуылӥз. Толэзь куспын Ижевскын, Уваын, Пуштовай гуртын но мукет интыосын Героен пӧсь пумиськонъёс радъямын вал. 1940-тӥ арын «Союзкинохроникалэн» Бигер ёзэтэз «Элькункуспо киножурнал» ужрад улсын «Встреча с героем» вакчияк фильм поттӥз. Отын В. К Пислегинлэн улосчиосыныз пумиськылэмез но подвигез сярысь мадемез возьматэмын. Али та фильм Татарстанысь аудивизуальной документъёсъя Центральной кун архивын утиське. Инвожо толэзьлэн пумаз Пислегин Ленинград карысь военкоматэ ужаны интыяськиз, экстерн амалэн нырысь сизьым аръем образование, собере шоро-куспо тодон-валан басьтӥз. Быдӟым Атыкай ож кутскон азьын Мускоысь Горд Армилэн моторизация но механизия академияз (Бронетанковой войскоосъя академие) пырыны куриськон гожтӥз.

Быдӟым Атыкай ож

Быдӟым Атыкай ож вакытэ танковой взводэн командовать кариз, собере 24-тӥ танковой дивизиысь 49-тӥ полклэн разведывательной ротаеныз кивалтӥз. Лужской рубежын Ленинградэз тушмонлэсь утён ожъёсын батырлыко ожмаськиз, ассэ кышкасьтэм но визьмо командир луэменыз возьматӥз.

1941-тӥ арын 24-тӥ пӧсьтолэзе, Ленинград улосысь Лужской ёросысь Югостицы гурт котырын ожъёс мыныку, танкын ӝуаса бырыны шедиз. Нырысь шайгуэз ож лудын вал. 1965-тӥ арын шӧйыз Ленинград улосысь Луга карысь шайгуэ ватэмын.

Тодэ ваён

• Виктор Пислегинлэн нимыз Луга карысь, Ува (Удмуртия) каргуртысь, Ижкарысь урамъёслы сётэмын. Озьы ик солэсь нимзэ Львовысь, Лугаысь но Удмуртиысь школаосысь пионер дружинаос нуллӥзы .
• Югостицы гуртын Виктор Пислегинлы стела пуктэмын, Ижевскын буре ваён пул шуккемын.
• 1970-тӥ арын 8-тӥ куартолэзе Уваысь ёрос центрын Карл Маркс урамын Виктор Пислегинлы бюст-синпелет пуктэмын. Авторез - Б. К. Волков.
• 1947-тӥ арын удмурт драматурглэн Игнатий Гавриловлэн геройлэн подвигезлы сӥзем «Лейтенант Пислегин» пьесаез потӥз .

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Бегтягин Г. В. Наш земляк Виктор Пислегин: Документальная повесть. — Ижевск: Удмуртия, 2005. — С. 5—14. — ISBN 5-7659-0288-X.
• Бессмертен подвиг их высокий / Пред. ред. коллегии А. А. Елькин. — 2-е изд. — Тула: Приокское книжное издательство, 1983. — 646 с. — 10 000 экз.
• Голубев В. Виктор Пислегин. — Ижевск: Удмуртия, 1966.
• Кулемин И. Г. Героев наших имена. — Ижевск, 1975.
• Кулемин И. Г. и др. Герои Советского Союза — наши земляки. — Устинов, 1985.
• Пислегин Н. В. Герой Советского Союза Виктор Пислегин, его деревня и родные. Зарисовки на основе документальной кинохроники // Актуальные вопросы изучения военной истории / Иднакар: методы историко-культурной реконструкции. — 2014. — № 5 (22). — С. 32—41.  [Дата обращения: 9 пӧсьтолэзе 2014]

Чӧлсконъёс