Михайлов, Владимир Николаевич

Рувикиын таӵе фамилиен мукет муртъёс сярысь гожтосъёс вань. Учке: Михайлов.

Владимир Николаевич Михайлов
Вордӥськем нуналыз	8-тӥ инвожое 1946({{padleft:1946|4|0}}-{{padleft:6|2|0}}-{{padleft:8|2|0}}) (80 лет)
Вордӥськем интыез	Ульяновск, РСФСР, СССР
Кунмуртлыкез	СССР  Россия
Ужудысэз	музыкант, хормейстер, хоровой дирижёр
Данъетъёсыз

Влади́мир Николáевич Михáйлов (ворд. 8-тӥ инвожое 1946, Ульяновск) — совето но росси крезьгурчи, хормейстер, дирижёр. Удмурт Элькунысь П. И. Чайковский нимо Иж муниципал камерной хорез кылдытӥсь, солэн чеберлыко кивалтӥсез, директорез. Росси Федерациысь дано артист. Удмурт Элькунысь искусство удысысь дано ужась.

Улон сюресэз

Владимир Михайлов вордӥськиз крезьгурчиослэн семьяязы Ульяновскын 1946-тӥ арын 8-тӥ инвожое. Песятаезлэн атаез — Бигер операя но балетъя театрысь концертмейстер, песятаез — тромбонист, нош мумиз-бубиз — оркестрысь крезьгурчиос.

1961-тӥ арын крезьгуръя школаез скрипка классъя йылпумъяз но Ижысь крезьгуръя училищеысь хорен дирижировать каронъя ёзаз дышетскыны пыриз, сое 1965-тӥ арын быдтӥз. 1970-тӥ арын Кузонысь консерваториез йылпумъяз.

Семьяез

Бубиз — Николай Алексеевич Михайлов, скрипач, крезьгуръя училищеысь дышетӥсь. В. Михайловлэн нылпиосыз но нуныкайёсыз крезьгурчиос луизы, кылсярысь, бадӟымез пиез Кузон консерваториысь профессор.

Творчествоя ужез

Владимир Михайлов творчествоез ӵоже кӧня ке ансамбльёслэн кивалтӥсез вал. Озьы 1972-тӥ арысен «Октябрь» лулчеберетъя юртын Владимир Михайлов «Арганчи» ВИА-ен кивалтӥз. 1981-тӥ арын нылпиослы «Сактон» ВИА кылдытӥз (Удмуртиысь Комсомоллэн премиезлэн лауреатэз). «Аксион» ДК-ысь хорен ужаз.

1992-тӥ арын Ижысь муниципал камерной хор кылдытӥз но солэн нырысетӥ кивалтӥсез луиз.

Хорлэсь быгатонлыкъёссэ, Ижын сяна, Россиысь мукет улосъёсысь но, кунгож сьӧрын но улӥсьёс адӟыны быгатӥзы.

Россиысь но Европаысь быдӟым крезьгурчиосын кусып тупатӥз, соос пӧлын Владимир Спиваков, Даниил Крамер, Юрий Фалик, Д. Менье, Ф. Иорио но мукетъёсыз вал. Владимир Михайлов кивалтэм улсын коллектив кунгож сьӧрын тодмо луиз. Кунгож сьӧрысь конкурсъёсы но фестивальёсы кӧня ке пол пыриськылӥз. Хор куно чот ӧтемын вал католической Ымусьтонэз Вифлеемысь Миллениуме пусъёнэ.

Владимир Михайлов ужан вакытэ хорысь коллектив таӵе быдӟым проектъёсты быдэстӥз: Катули Кармина (Карл Орф), «Адиемус», «Месса Миразэ» (Карла Дженкинс), «Эра», «Антиформалистический раёк» (Дмитрий Шостакович) но мукет.

2003-тӥ—2005-тӥ аръёсы — Удмурт Элькунысь Лулчеберетъя министерстволэн духовой крезьгур тӥрлыкъёсын кун оркестрысь артист, Г. А. Корепанов нимо нылпи искусствоосъя 1 номеро школаысь концерт хорен кивалтӥсь.

2012-тӥ арын Владимир Михайлов «Согласие» нимо академической хор кылдытӥз. 2019-тӥ арозь хорен кивалтӥз.

Та сяна, со «Бадӟым хоровой соборлэн» чеберлыко кивалтӥсез вал — 1998-тӥ арысен Ижын арлы быдэ ортчись лулчеберетъя ужрад.

Дышетон ужез

Улонысьтыз 20 арзэ Владимир Михайлов педагогикалы сӥзиз — Ижысь крезьгуро элькун училищеын хоровикъёсты дасяз. Солэн дышетскисьёсыз Россиысь но кунгож сьӧрысь дано мэтръёс луизы. Дышетэм сяна, колледжын хормейстер луыса ужаз.

Удмурт кун университетысь доцент, кафедраен кивалтӥсь вал.

Ӟуч но кунгож сьӧрысь крезьгурчиосын пӧртэм пумо мастер-классъёс радъяз.

Михайлов Удмуртиын вылӥ крезьгуро хоровой образованиез улонэ пыӵатонъя, озьы ик Россиысь университет хоръёслэсь ассоциацизэс кылдытонъя огез кичӧлтӥсь вал.

Искусствоосъя нылпи элькун школаын (Усточи нылпиослы школа-интернатын) хорен кырӟанъя нырысетӥез дышетӥсь вал.

Данъетъёсыз

• «Росси Федерациысь дано артист» дано нимын пусъемын (2000) — искусство удысын вормонъёсыз понна;
• Удмурт Элькунысь искусство удысысь дано ужась.

Валэктонъёс

Чӧлсконъёс

• Владимир Михайлов: «Большой хоровой собор» — это, прежде всего, атмосфера праздника...» [ӟуч]