Кузнецов, Степан Никифорович

Рувикиын таӵе фамилиен мукет муртъёс сярысь гожтосъёс вань. Учке: Кузнецов.

Степан Никифорович Кузнецов
Вордӥськем дырыз	26-тӥ шуркынмонэ 1918(1918-11-26)
Вордӥськем интыез	Бажениха гурт, Кизнер ёрос, Удмуртия
Кулэм дырыз	9-тӥ куартолэзе 1979(1979-05-09) (60 арес)
Кулэм интыез	Ленинградын
Кунмуртлыкез	СССР СССР
Кыӵе войскоез	артиллерия
Служить карон аръёсыз	1938—1956
Званиез
Ожмаськонъёс/ожъёс	Быдӟым Атыкай ож
Данъетъёсыз

Степан Никифорович Кузнецов (1918—1979) — Совето Армиысь капитан, Быдӟым Атыкай оже пыриськем мурт, Совето Союзлэн Героез (1943).

Улон сюресэз

Степан Кузнецов вордӥськиз 1918-тӥ арын 26-тӥ шуркынмонэ Бажениха гуртын (Удмуртиысь Кизнер ёрос). Ньыль класс дышетскемез бере колхозын ужаз. 1938-тӥ арын армие басьтӥзы. Служить кариз СССР-ысь НКВД-лэн пограничной войскоосаз, Забайкалье пограничной округын 54-тӥ пограничной отрядын. 1942-тӥ арын толсуре соку кылдытӥськись 106-тӥ Забайкальской стрелковой дивизие кутэмын но соин валче фронтэ келямын. 1943-тӥ арын тулыспал толэзьысен Быдӟым Атыкай оже пыриськиз.

1943-тӥ арын куарусён толэзёзь сержант Степан Кузнецов Шор фронтысь 65-тӥ армилэн 106-тӥ стрелковой дивизилэн 63-тӥ отдельной истребительно-противотанковой дивизионлэн орудиезлэн наводчикез вал ини. Днепр понна ожмаськонын сэзь луэменыз висъяськиз. 1943-тӥ арын 15-тӥ коньывуонэ Кузнецов Лоев каргурт котыртӥ (Белорус ССР Гомель улос Лоев ёрос) Днепр шур вамен выжиз но шундыпуксёнпал ярдурысьтыз немец плацдармез басьтонэ пыриськиз. Со ожын тушмонлэсь 2 огневой точкаоссэ но кӧня ке солдат-офицерез быдтӥз.

СССР-ысь Вылӥ Кенешлэн Президиумезлэн 1943-тӥ арын 30-тӥ коньывуонэ гожтэм Косэтэзъя «командованилэсь боевой заданиоссэ ӟеч быдэсъямез но немец захватчикъёсын геройлыко ожмаськемез понна» сержант Степан Кузнецов Совето Союзлэн Героез дано нимын пусъемын, Ленин орденэн но «Зарни Кизили» медален данъетамын (1634-тӥ номер).

Тылож йылпумъяськем бере Кузнецов службазэ Совето Армиын азьланьтӥз. 1945-тӥ арын младшой лейтенантъёсты дасянъя курсъёсты ортчиз, 1950-тӥ арын — СССР-ысь МВД-лэсь военной училищезэ йылпумъяз. 1956-тӥ арын капитан званиен запасэ келямын. Улӥз Ленинградын, «Электросила» ПО-ын ужаз. Улонысь кошкиз 1979-тӥ арын 9-тӥ куартолэзе, ватэмын Санкт-Петербургысь Ново-Волковской шайвылын.

Озьы ик данъетамын Горд Знамялэн но кык Горд Кизили орденъёсын но мукет медальёсын.

Кизнерын одӥгезлы ульчалы Кузнецовлэн нимыз сётэмын.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Герои Отечества. Москва, 2004.
• Герои Советского Союза — наши земляки. Ижевск, 1962.
• Кулемин И. Г. Героев наших имена. Ижевск, 1975.
• Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — 607 с. — 65 000 экз.
• Пограничная служба России. Энциклопедия. Биографии. — Москва, 2008.