Котельников, Алексей Павлович

Алексей Павлович Котельников
Вордӥськем дырыз	11-тӥ гудырикошконэ 1924(1924-08-11)
Вордӥськем интыез	Галаново черкогурт, Каракулино ёрос, Удмуртия
Кулэм дырыз	29-тӥ южтолэзе 1944(1944-03-29) (19 арес)
Кулэм интыез	Молдавия
Кунмуртлыкез	СССР СССР
Кыӵе войскоез	пехота
Служить карон аръёсыз	1942-1944
Званиез
Ожмаськонъёс/ожъёс	Быдӟым Атыкай ож
Данъетъёсыз
Медиафайлъёс РувикиМедиа пушкын

Алексе́й Па́влович Коте́льников (1924—1944) — Рабоче-крестьянской Горд Армиысь младшой лейтенант, Быдӟым Атыкай оже пыриськем мурт, Совето Союзлэн Героез (1944).

Улон сюресэз

Алексей Котельников вордӥськиз 1924-тӥ арын 11-тӥ гудырикошконэ Галаново черкогуртын (Каракулино ёрос Удмуртия). Школаын укмыс классэз йылпумъяса, колхозын ужаз. 1942-тӥ арын гудырикошконэ Котельниковез Горд Армие басьтӥзы. 1943-тӥ арын Ленинградысь пехотной училищеез йылпумъяз. Со арын ик куартолэзьысен — фронтэ шедиз. Степной но 2-тӥ Украин фронтъёсын ожмаськиз. 1944-тӥ арын южтолэзёзь младшой лейтенант Алексей Котельников 164-тӥ танковой бригадалэн моторизованной батальонлэн 2-тӥ роталэн автоматчикъёсызлэн взводэнызы командовать кариз (2-тӥ Украин фронтысь 16-тӥ танковой корпус). Уманско-Ботошанской операциын сэзь луэменыз висъяськиз.

Наступленилэн нырысетӥ нуналаз ик Котельников роталэсь сӧсырмыны шедем командирзэ воштӥз. Уй ӵоже мыныса, рота Буки черкогурт доры потӥз (Украин ССР Черкасы улос Умань ёрос) но ваньмызлэсь азьпал Горный Тикич шур вамен выжиз . Шурлэн шундыпуксёнпал ярдураз интыяськем тушмон плацдармез рота азинлыко киултӥз но сое возьыны быгатӥз, тушмонлэсь троссэ контратакаоссэ пазьгиз. Со ожын Котельниковлэн ротаез трос немец солдат-офицерез быдтӥз, сюлэсь трос подводаоссэ, 2 артиллери тӥрлыксэ но 250 пала валъёссэ киултӥз. 1944-тӥ арын 29-тӥ южтолэзе Котельников Молдаван ССР-ысь Бельцы кар дорын ожмаськыкуз бырыны шедиз. Ватэмын Молдавиысь Унгень ёросысь Кирилень черкогуртын.

Данъетъёсыз

СССР-ысь Вылӥ Кенешлэн Президиумезлэн 1944-тӥ арын 13-тӥ куарусёнэ гожтэм Косэтэзъя «командованилэсь боевой заданиоссэ ӟеч быдэсъямез но фашистъёсын геройлыко ожмаськемез понна» младшой лейтенант Алексей Котельников кулэмез бере Совето Союзлэн Героез дано нимын пусъемын. Озьы ик Горд Кизили но Ленин орденъёсын данъетамын.

Буре ваён

Галаново черкогуртын Котельниковлы синпелет пуктэмын.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Герои Советского Союза — наши земляки. Ижевск, 1962.
• Герои-освободители Черкасщины. — Днепропетровск: Промінь, 1980.
• Кулёмин И. Г. Героев наших имена. Ижевск, 1975.
• Шёл парнишке в ту пору…: герои-комсомольцы в боях за Советскую Украину в годы Великой Отечественной войны 1941–1945 гг. / авт.-сост. В. Н. Немятый и др. — К.: Молодь, 1985. — 367 с.