Коротков, Герман Владимирович

Герман Владимирович Коротков
Герман Владимирович Коротков
Вордӥськем дырыз	16-тӥ шуркынмонэ 1925
Вордӥськем интыез	Сарапул, Урал область (РСФСР), РСФСР, СССР;
Кулэм дырыз	9-тӥ толсуре 2005 (80 лет)
Кулэм интыез	Белая Церковь[d], Киев улос[d], Украина;
Кунмуртлыкез	СССР
Кыӵе войскоез	пехота
Служить карон аръёсыз	1943—1971
Званиез
Ожмаськонъёс/ожъёс	Быдӟым Атыкай ож

Ге́рман Влади́мирович Коротко́в (1925—2005) — Совето Армиысь подполковник, Быдӟым Атыкай оже пыриськем мурт, Совето Союзлэн Героез (1943).

Улон сюресэз

Герман Коротков вордӥськиз 1925-тӥ арын 16-тӥ шуркынмонэ Сарапулын Удмурт АССР-ын. Школаын сизьым класс дышетскемез бере, леспромхозын приёмщик-бракёр луыса ужаз.1943-тӥ арын южтолэзе Горд Армие басьтӥзы. Москваысь пулемётной училищеез йылпумъяз. 1943-тӥ арын куарусёнысен —Воронеж фронтын 3-тӥ гвардейской танковой армилэн 7-тӥ гвардейской танковой корпуслэн 54-тӥ гвардейской танковой бригадалэн мотострелковой пулемётной батальоназ стрелок луыса ожмаськиз. Украин фронтысь ожмаськонъёсы пыриськиз. Днепр понна ожъёсын сэзь луэменыз висъяськиз^[1].

1943-тӥ арын 30-тӥ куарусёнэ выжон уе Коротков эшъёсыныз ӵош Переяслав карлэсь лымшор палагес (Украин ССР Киев улос) тыл пыртӥ Днепр шур вамен выжиз. Тушмонэз позициосысьтыз пазьгыса, батальон шур вамен выжытозь, немец контратакаосты пезьгытъяз^[1].

СССР-ысь Вылӥ Кенешлэн 1943-тӥ арын 17-тӥ шуркынмонэ гожтэм Косэтэзъя «немец захватчикъёсын ожмаськонын командованилэсь боевой заданиоссэ ӟеч быдэсъямез но геройлыко ожмаськемез понна» гвардилэн сержантэз Герман Коротков Совето Союзлэн Героез дано нимын пусъемын но Ленин орденэн но «Зарни Кизили» медален данъетамын (3309-тӥ номер) ^[1].

Быдӟым тылож йылпумъяськем бере, Коротков Совето Армиын службазэ азьланьтӥз. 1945-тӥ арын Саратовысь танковой училищеез йылпумъяз, 1947-тӥ арын — Офицер составез умоятонъя курсъёсты. 1971-тӥ арын подполковник званиен Коротков запасэ лэземын. Улӥз Украинаысь Киев улосын Белая Церковь карын. Слесарь-инструментальщик луыса ужаз.

2005-тӥ арын улонысь кошкиз, ватэмын Белая Церковь карын^[1].

Данъетъёсыз

Озьы ик пусъемын Атыкай ожлэн 1-тӥ степенё но Горд Кизили орденъёсын но мукет медальёсын ^[1].

Валэктонъёс

↑ ¹ ² ³ ⁴ ⁵ Герман Владимирович Коротков [ӟуч] «Герои страны» сайт.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Герои Советского Союза — наши земляки. Ижевск, 1962.
Герои-освободители Черкасщины. — Днепропетровск: Промінь, 1980.
Кулёмин И. Г. Героев наших имена. Ижевск, 1975.

[wh-1] ¹ ² ³ ⁴ ⁵ Герман Владимирович Коротков [ӟуч] «Герои страны» сайт.

[1]