Коровин, Николай Аркадьевич

Николай Аркадьевич Коровин
Николай Аркадьевич Коровин
Вордӥськем дырыз	7-тӥ куартолэзе 1920
Вордӥськем интыез	Галаново, Вотской АО, РСФСР
Кулэм дырыз	8-тӥ гудырикошконэ 1957 (37 арес)
Кулэм интыез	Москва улос, СССР
Кунмуртлыкез	СССР
Кыӵе войскоез	Авиация
Служить карон аръёсыз	1938—1957
Званиез
Ожмаськонъёс/ожъёс	Быдӟым Атыкай ож Уманско-Ботошанской операция; Дебреценской операция; Венской операция;

Николай Аркадьевич Коровин (1920—1957) — ВВС-лэн Краснознамённой научно-испытательной кун институтысьтыз лётчик-испытатель, Быдӟым Атыкай оже пыриськем мурт, подполковник (1956), Совето Союзлэн Героез (кулэмез бере).

Улон сюресэз

Вордӥськиз 1920-тӥ арын 7-тӥ куартолэзе Удмурт Элькунын Каракулино ёросын Галаново черкогуртын ӟуч семьяын. 1935 -тӥ арын 6 классэз йылпумъяз но колхозэ ужаны кариськиз. Собере Сарапулэ кошкиз, отысь аэрокулубын дышетскиз^[1].

1938-тӥ арын толсуре армие басьтӥзы. 1939-тӥ арын Пермьысь лётчикъёслэсь военной авиационной школазэс йылпумъяз, 1940-тӥ арын — Сталинградысь лётчикъёслэсь военной авиационной школазэс. Лётно-инструкторской ужез быдэсъяз: Слонимысь ВАШЛ-ын (1940-тӥ—1941-тӥ аръёсы), Полтаваысь ВАШЛ-ын (1941-тӥ арын толшорысен гудырикошконозь), Оренбургысь ВАШЛ-ын (1941-тӥ—1944-тӥ аръёсы).

2-тӥ Украин фронтын ожмаськиз. 1944-тӥ арын южтолэзьысен оштолэзёзь — 91-тӥ гвардейской штурмовой авиационной полклэн лётчикез, 1945-тӥ арын оштолэзьысен-куартолэзёзье — 92-тӥ гвардейской штурмовой авиационной полклэн лётчикез. Шундыпуксёнпал Украинаез, Венгриез, Чехословакиез но Австриез мозмытонэ пыриськиз. Ил-2 штурмовикеныз 66 пол боевой лобанъёсы потаз. Война бырем бере службазэ ВВС-лэн строевой частьёсаз азьланьтӥз (Одесса военной округын). 1950-тӥ арын Таганрогысь лётно-тактической вылӥ офицер курсёсты йылпумъяз.

1951-тӥ арысен — ВВС-лэн Краснознамённой научно-испытательной кун институтаз лётно-испытательной ужез быдэсъяз. 1955-тӥ арын МиГ-19 сверхзвуковой истребительлы кун испытаниос ортчытӥз, озьы ик мукет истребительёслы секыт испытаниос ортчытъяз. Улӥз Чкаловской станциын (али дыре Щёлково кар котырысь Чкаловский каргурт) Москва улосын^[1].

1957-тӥ арын 8-тӥ гудырикошконэ жидкостно-реактивной двигателен Е-50 истребитель-перехватчиклы испытание ортчытыкуз бырыны шедиз.

Данъетъёсыз

«Зарни Кизили» медаль (кулэмез бере, 09.09.1957-тӥ арын гожтэм косэт).
Ленин орден (кулэмез бере).
Горд Знамялэн орденэз.
Атыкай ожлэн 1-тӥ степенё орденэз.
Кык Горд Кизили орденэз.

Буре ваён

Ватэмын Чкаловской станци котырысь воинской шайвылын. Улэм юртаз буре ваён пул юнматэмын^[1].

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Для авиации ПВО. / Н. Якубович, «Крылья Родины» 6.2001.
История и самолёты ОКБ МиГ / ООО «Крылья России», АНПК «МиГ», 1999, CD-ROM.
«Лечу за мечтой» / И. И. Шелест, М., «Молодая гвардия», 1973.
Кулёмин И. Г. Героев наших имена. — Ижевск, 1975.
Герои Советского Союза, Герои Российской Федерации, полные кавалеры ордена Славы — наши земляки. — Ижевск, 1995.
Кузнецов Н. С. Славы воинской творцы. — Ижевск, 2009. — С. 154—155.

Валэктонъёс

↑ ¹ ² ³ Коровин Николай Аркадьевич — сарапульская агломерация [недоступная ссылка].

Чӧлсконъёс

Николай Аркадьевич Коровин [ӟуч] «Герои страны» сайт.

[СарА-1] ¹ ² ³ Коровин Николай Аркадьевич — сарапульская агломерация [недоступная ссылка].

[1]