Козлов, Николай Александрович (танкист)

Николай Александрович Козлов
Николай Александрович Козлов
Вордӥськем дырыз	26-тӥ пӧсьтолэзе 1913
Вордӥськем интыез	Ново-Лесное гурт, Ростов ёрос, Ярославль улос
Кулэм дырыз	1-тӥ шуркынмонэ 1966 (53 года)
Кулэм интыез	Переславль-Залесский[d], Ярославль улос, РСФСР, СССР;
Кунмуртлыкез	СССР
Кыӵе войскоез	бронетанковой войскоос
Служить карон аръёсыз	1935—1945 (вис карвса)
Званиез
Ожмаськонъёс/ожъёс	Быдӟым Атыкай ож

Николай Александрович Козлов (1913—1966) — Горд Армиысь лейтетант, Быдӟым Атыкай оже пыриськем мурт, Совето Союзлэн Героез (1945).

Улон сюресэз

Николай Козлов вордӥськиз 1913-тӥ арын 13-тӥ (выль стилья — 26-тӥ) пӧсьтолэзе Ново-Лесная гуртын (Ярославль улосысь Ростов ёрос). Школаын сизьым класс дышетскыса, Москвае кошкиз. Отын «Рот-Фронт» собере «Парижская коммуна» фабрикаосын ужаз. 1935-тӥ арын Козловез Горд Армие басьтӥзы. Арми бере, 1937-тӥ арысен Ижкарысь машина поттон, собере корт поттон заводъёсын ужаз. 1942-тӥ арын инвожо толэзе Козловез выльысь армие басьтӥзы. 1943-тӥ арын со 2-тӥ Горьковской танковой училищеез йылпумъяз. 1944-тӥ арын пӧсьтолэзьысен — фронтэ шедиз. Шундыпуксёнпал Украинаез но Польшаез мозмытонэ пыриськиз^[1].

1945-тӥ арын толшор толэзёзь гвардилэн младшой лейтенантэз Николай Козлов 1-тӥ Украин фронтысь 4-тӥ танковой армилэн 10-тӥ гвардейской танковой корпуслэн 62-тӥ гвардейской танковой бригадалэн танковой взводэныз командовать кариз ини. Висъяськиз Висло-Одерской операциын, сэзь ожмаськеменыз. Одра шурлэн шундыпуксёнпал ярдураз Редлиц но Бильвизе улон интыос котырын плацдармез паськытатон но сое возён понна ожмаськонын Козловлэн экипажез 4 тушмон танкез, 8 артиллери ожтӥрлыкез, миномётъёсын 2 батареяез но 500 пала солдат-офицерез быдтӥз. Со ожмаськонын контузить карем сяна, киыз но пыдыз сӧсырмыны шедиз, озьы ке но, Козлов ож лудысь ӧз кошкы, пумозяз ожмаськиз^[1].

СССР-ысь Вылӥ Кенешлэн Президиумезлэн 1945-тӥ арын 10-тӥ оштолэзе гожтэм Косэтэзъя «командованилэсь боевой заданиоссэ ӟеч быдэсъямез но немец захватчикъёсын геройлыко ожмаськемез понна» гвардилэн младшой лейтенантэз Николай Козлов Совето Союзлэн Героез дано нимын пусъемын, соин валче, солы Ленин орден но «Зарни Кизили» медаль (7388-тӥ номер) сётэмын^[1].

Войналэсь йылпумъяськонзэ Козлов Прагаын пумитаз. 1945-тӥ арын инвожое гвардилэн лейтенантэз званиен запасэ лэземын. Нырысь Ижкарын улӥз, собере Переславль-Залесское кошкиз. Кулӥз 1966-тӥ арын 1-тӥ шуркынмонэ^[1].

Озьы ик пусъемын Атыкай ожлэн 1-тӥ степенё но Горд Кизилилэн орденъёсыныз но мукет медальёсын^[1].

Валэктонъёс

↑ ¹ ² ³ ⁴ ⁵ Николай Александрович Козлов [ӟуч] «Герои страны» сайт.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
В дар музею // Коммунар: газета. — 1985. — 20 марта.
Герои огненных лет. — Ярославль: Верхне-Волжское кн. изд-во, 1985.
Добровольцы Урала. — 2-е изд., доп. — Свердловск, 1980.

[wh-1] ¹ ² ³ ⁴ ⁵ Николай Александрович Козлов [ӟуч] «Герои страны» сайт.

[1]