Кайшева, Ульяна Николаевна
| Ульяна Николаевна Кайшева | |
|---|---|
 | |
| Вордскем нимыз | ӟуч: Ульяна Кайшева |
| Вордӥськем нуналыз | 8-тӥ южтолэзе 1994 (32 года) |
| Вордӥськем интыез | |
| Кун | |
| Ужудысэз | биатлонист |
| Данъетъёсыз |
  |
 Медиафайлъёс РувикиМедиа пушкын | |
Ульяна Николаевна Кайшева — биатлонист, 2012-тӥ арын Инсбрукын ортчем егитъёслэн тол Олимпи шудонъёсын чемпион. 2013-тӥ арын быдэс дуннелэн чемпионэз нылъёс пӧлын (19 аресозь). Европалэн биатлонын кык полэс чемпионэз нылъёс пӧлын (21 аресозь).
Улон сюресэз
Ульяна Кайшева вордӥськиз Можгаын 8-тӥ южтолэзе 1994-тӥ арын спортивной семьяын. Солэн анай-атайёсыз — Николай Кайшев но Людмила Кайшева — куасэн ветлӥсьёс[1]. Можгаын Ульяна 10 аресысен биатлонэ пырылыны кутскиз Алексей Фёдорович Коротаев, Удмурт Республикаысь дано тренер дорын. 2008-тӥ арысен со дышетскылӥз Ижын А. Л. Богданов Удмуртиысь дано тренерлэн кивалтэм улсаз[2]. 2009-тӥ арын тренироваться кариськыны кутскиз Н. П. Савиновен А. И. Сусловен тренеръёсын Россиысь егитъёслэн командаязы. Солэн сузэрез но — Настя — биатлон яратэ.
2012-тӥ арын Ульяна Удмурт кун университетэ пыриз, туризмез радъянъя менеджере[3].
Кореяын Олимпи шудонъёсы пыриськемез
2018-тӥ арын толшор толэзе Калыккуспо Олимпи комитет Ульянаез Пхёнчханэ тол Олимпи шудонъёсы пыриськыны ӧтиз. Ульяна соглаш луиз но Лымшор Кореяе кошкиз. Отын олимпиада дыръя со ньыль гонкаын ӵошатскылӥз. Тужгес но ӝужытсэ, 24-тӥзэ, интыез Удмуртиысь биатлонистка басьтӥз, индивидуальной гонкаез йылпумъяса.
2021-тӥ арын инвожое Ильшат Нигматуллинэн паръяськиз, али тренерез луэ.
Валэктонъёс
Чӧлсконъёс
- IBU сайтысь профиль [англи]
- СБР сайтысь профиль [ӟуч]