Нигматуллин, Ильшат Рауилович
 Ильшат Нигматуллин | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Ачиз сярысь ивортодэт | ||||||||||||||
| Пол | пиосмурт[d] | |||||||||||||
| Быдэс нимыз | Ильшат Рауилович Нигматуллин | |||||||||||||
| Кунлыкез | ||||||||||||||
| Вордӥськем нуналыз | 7-тӥ пӧсьтолэзе 1987 (39 лет) | |||||||||||||
| Вордӥськем интыез | ||||||||||||||
| Карьераез | ||||||||||||||
| Клуб | «Динамо» ВФСО | |||||||||||||
| Тренерез | О. О. Перевозчиков | |||||||||||||
| Сборнойын | 2007-тӥ арысен | |||||||||||||
| Медальёсыз | ||||||||||||||
|
||||||||||||||
Ильша́т Рау́илович Нигмату́ллин (ворд. 7-тӥ пӧсьтолэзе 1987, Можга, Удмурт Автономной Советской Социалистической Республика) — росси куасчи. Россиысь 4×10 иськеме пиосмурт эстафетая чемпионатын азьвесь призёр, Эрзурумын ортчем тол Универсиадаын куинь полэс азьвесь призёр, пӧртэм категориосъя росси первенствоосын вормись но призёр, Россиысь куасэн бызьылонъя спортъя мастер. Ӵошатсконъёсын Удмуртия но мугорез кыдатонъя но спортъя «Динамо» общество понна бызьылэ. Россиысь дано тренер.
Улон сюресэз
Ильшат Нигматуллин вордӥськиз 1987-тӥ арын 7-тӥ пӧсьтолэзе Удмуртиысь Можга карын. Куасъя спортэн пичи дырысеныз мыло-кыдо вырыны ӧдъяз, Удмуртиысь дано тренер Олег Перевозчиков кивалтэм улсын интыысь секциын быгатонлыкъёссэ волятӥз. Отӥяз Россиысь мугорез кыдатонъя но спортъя «Динамо» общество борды итӥськиз, Удмуртиысь сборной командалэн бадӟымез тренерез Сергей Романов чаклам улсын дасяськиз.
Нырысьсэ ассэ возьматӥз 2007-тӥ арысь сезонын: соку Ханты-Мансийскын ортчем Россиысь юниоръёс пӧлын первенствое пыриськиз но 50 иськеме марафон бызьылонын вормиз, сьӧраз уйиськись Станислав Богдановез ог витьтон секундлы кельтыса.
Студент вакытаз 2011-тӥ арын кунмылэсь данзэ турк Эрзурумын ортчем тол Универсиадаын утиз, отысь куинь азьвесь медаль вайиз, соосты со вормиз 15 иськеме уйиськыса ӵошатсконын, 4×10 иськеме пиосмурт эстафетаын но 30 иськеме масс-стартын[1][2].
2014-тӥ арысь сезонын бадӟымъёслы чаклам росси ӵошатсконын нырысьсэ зэмос кужымзэ возьматӥз, соку Удмурт Элькунысь сборной командае сюриз но Тюменьын ортчем Росси чемпионатэ пыриськиз, татын Дмитрий Япаровен, Александр Уткинэн но Константин Главатскихен ӵош эстафетаын азвесь медаль утӥз, ХМАО-ысь — Юграысь — куасчиослы гинэ келяса. Спортын бадӟымесь вормонъёсыз понна Россиысь куасэн бызьылонъя спортъя мастер нимын пусъемын. Озьы ик службая двоеборьея спортъя мастер луэ[3].
Вылӥ образованиез вань, Бигер гуманитарно-педагогической кун университетэз йылпумъяз, татын мугорез кыдатон культурая факультетын дышетскиз.
2021-тӥ арын инвожое Ульяна Кайшева биатлонисткаен кузпалъяськиз[4]. Солэн тренерез луэ[5].
Данъетъёсыз
- Россиысь куасэн бызьылонъя спортъя мастер (2016);
- Россиысь дано тренер (2022)[6].
Валэктонъёс
- ↑ Ильшат Нигматуллин: никогда не приходилось соревноваться на такой высоте [ӟуч] allsportinfo.ru (01-02-2011). Эскеремын 10-01-2026 арын
- ↑ Российские лыжники стали вторыми в эстафете [ӟуч] news.sportbox.ru (02-02-2011). Эскеремын 10-01-2026 арын
- ↑ В. Л. Мутко (25-07-2016) О присвоении спортивного звания «Мастер спорта России» [ӟуч] fpio.org.ru. Эскеремын 10-01-2026 арын
- ↑ Елена Чистова (16-06-2021) Биатлонистка Ульяна Кайшева вышла замуж и будет выступать под другой фамилией [ӟуч] championat.com. Эскеремын 10-01-2026 арын
- ↑ Александр Кирилин (28-09-2022) Биатлонисты сборной Удмуртии не стартовали в индивидуальных гонках чемпионата России [ӟуч] udmpravda.ru. Эскеремын 10-01-2026 арын
- ↑ Ильшату Нигматуллину присвоено звание «Заслуженный тренер России» [ӟуч] biathlonrus.com (30-09-2022). Эскеремын 10-01-2026 арын
Чӧлсконъёс
- Ильшат Нигматуллин — FIS сайтысь статистика [англи]
 |
|---|
