Перевозчиков, Олег Орестович

Рувикиын таӵе фамилиен мукет муртъёс сярысь гожтосъёс вань. Учке: Перевозчиков.

Олег Перевозчиков
Быдэс нимыз	Перевозчиков Олег Орестович
Вордӥськем нуналыз	19-тӥ толсуре 1966({{padleft:1966|4|0}}-{{padleft:12|2|0}}-{{padleft:19|2|0}}) (59 лет)
Вордӥськем интыез	Шаркан, Удмурт Автономной Советской Социалистической Республика, РСФСР, СССР
Кун	Россия  СССР
Ужудысэз	куасэн ӵошатсконъёсъя тренер
Данъетъёсыз

Оле́г Оре́стович Перево́зчиков (ворд. 19-тӥ толсуре 1966, Шаркан, Удмурт Автономной Советской Социалистической Республика) — куасэн бызьылонъя росси тренер, 2010-тӥ арысен Россиысь сборнойысь бадӟымез тренерез. Куд-ог нимо-дано росси куасчиослэн тренерзы, соос пӧлын дуннеысь чемпион Максим Вылегжанин. Удмурт Элькунысь дано тренер. Россиысь дано тренер (2014).

Улон сюресэз

Олег Перевозчиков вордӥськиз 1966-тӥ арын 19-тӥ толсуре Удмурт АССР-ысь Шаркан ёросысь Шаркан черкогуртын. Школаын куинетӥ классын дышетскыкуз ик куасэн бызьылонлы синмаськиз, интыысь секцие ветлӥз. Улосын ортчылӥсь ӵошатсконъёсы мыло-кыдо пыриськылӥз, арлыдъя категорияз республикалэн первенствояз вормисе потылӥз. Ассэ биатлонын эскериз, СССР-ысь спортъя мастерлэсь куронъёссэ быдэстӥз, но ыбылӥськонын ляб луэменыз сэрен ӝоген спортъя карьеразэ йылпумъяз но тренерлэн ужез сярысь малпаськыны кутскиз.

Кин ке бизнесэ мынэ, кин ке эшшо кытчы ке, мынам спортэ кыльыны мылкыды вал. Бызьылыкум параллельно дышетски, отӥяз малпасько ни вал, оло, тренерын бадӟымгес вормонъёс басьтыны быгато шуыса. Сборнойлэн тренерез луон сярысь ӧй малпалля, но аслам будэтэм пиналъёсы аслэсьтым трослы кужмогес мед луозы кадь потэ вал.

— Олег Перевозчиков, 2010-тӥ ар

Удмурт кун университетысь мугорез кыдатон культурая но спортъя факультетэз йылпумъяз, дышетскон висказ армие ветлӥз — спортъя ротае сюриз.

Университетын дышетсконзэ йылпумъямез бере Шаркан черкогуртэ берытскиз, татын 1991-тӥ арысен ас удысэзъя тыршиз — олимпийской резервъя нимысьтыз нылпиослы но егитъёслы чаклам школаын (СДЮШОР) куасэн бызьылонъя тренер-дышетӥсь вал. Пинал дырысенызы татын дасяз калыккуспо но росси ӵошатсконъёсын азинлыко луэм кӧня ке нимо-дано куасчиосты. Соос пӧлын Максим Вылегжанин, Константин Главатских, Николай Хохряков, Екатерина Воронцова но мукетъёсыз.

1997-тӥ—2004-тӥ аръёсы Удмурт Элькунысь куасэн бызьылонъя сборнойлэн бадӟымез тренерез вал. Удмуртиысь дано тренер.

2004-тӥ—2010-тӥ аръёсы Россиысь куасэн бызьылӥсь егит пиослэн сборной командазылэн тренерез вал.

2010-тӥ арысен Россиысь куасэн бызьылонъя сборнойлэн бадӟымез тренерез луэ, воргорон командаез валтэ, Данил Акимовен дэмен дистанциосъя дисциплинаосы куасчиосты дасян понна кылкутэ.

Тренер сямен бадӟымесь вормонъёс басьтэмез понна 2014-тӥ арын пусъемын «Россиысь дано тренер» дано нимын.

Воспитанникъёсыз

• Максим Вылегжанин — Олимпи шудонъёсын куинь полэс азьвесь призёр, дуннеысь чемпион, Дуннеысь Универсиадаын вормись;
• Николай Хохряков — Дуннеысь Универсиадаын туй медален пусъем призёр, Россиысь чемпион, Россиысь Кубокез утэм мурт;
• Ильшат Нигматуллин — Дуннеысь Универсиадаын куинь полэс азьвесь призёр;
• Антон Тимашов — Дуннеысь Универсиадаын вормись;
• Екатерина Воронцова — дуннеысь Кубоклэн этапысьтыз вормись, дуннеысь юниоръёс пӧлын кык полэс чемпион;
• Константин Главатских — Дуннеысь Универсиадаын вормись, дуннеысь Кубоклэн этапысьтыз призёр, Россиысь чемпион.

Валэктонъёс

Чӧлсконъёс

• Перевозчиков Олег Орестович [ӟуч]