Хохряков, Николай Анатольевич
 Николай Хохряков | |
|---|---|
 | |
| Ачиз сярысь ивортодэт | |
| Пол | пиосмурт[d] |
| Быдэс нимыз | Николай Анатольевич Хохряков |
| Кунлыкез | |
| Вордӥськем нуналыз | 27-тӥ толшоре 1985 (41 год) |
| Вордӥськем интыез | |
| Карьераез | |
| Клуб | «Динамо» ВФСО |
| Тренерез | Перевозчиков О. О. |
| Сборнойын | 2007-тӥ арысен |
Никола́й Анато́льевич Хохряко́в (ворд. 27-тӥ толшоре 1985, Шаркан, Удмурт Автономной Советской Социалистической Республика) — росси куасчи, 2007-тӥ арысен росси йӧскалык сборное пыре. Россиысь 4×10 иськеме бызьылонъя пиосмурт эстафетаысь но скиатлонысь чемпион, Россиысь Кубокез вормись, 2007-тӥ арын Туринын ортчем тол Универсиадаын туй медалез утэм, калыккуспо но росси инлыкен уно ӵошатсконъёсты вормем, куасэн бызьылонъя Россиысь калыккуспо классъем спортъя мастер. Соревнованиосын Удмуртия но мугорез кыдатонъя но спортъя «Динамо» общество понна бызьылэ[1]. Удмуртиысь егитъёслэн сборнойзылэн тренерез[2].
Улон сюресэз
Николай Хохряков вордӥськиз 1985-тӥ арын 27-тӥ толшоре Удмурт АССР-ысь Шаркан черкогуртын. Пичи дырысеныз куасэн бызьылонъёсы мыло-кыдо пыриськыны кутскиз, Удмуртиысь дано тренер Олег Перевозчиков кивалтэм улсын интыысь секциын быгатонлыкъёссэ волятӥз. Мугорез кыдатонъя но спортъя «Динамо» обществое пырылӥз.
2004-тӥ арысь сезонын росси уровенен бадӟым ӵошатсконъёсын дебютэн потӥз, Рыбинскын ортчем Россилэн Кубоказ 60-тӥ инты басьтӥз. Ар ортчыса, финн Рованиемын ортчем юниоръёс пӧлын дунневыл первенствоын нимысьтыз куасэн бызьылонъя дисциплинаосын витетӥ но сизьыметӥ вал. Студент дыръяз кунлэсь данзэ утиз Туринын 2007-тӥ арын ортчем Тол Универсиадаын, татысь со вайиз 30 иськеме коньковой вамышен бызьылонын вормем туй данъетэз — финишын сое ортчизы аспалчиез Максим Вылегжанин но белорус Александр Лазутин гинэ. Соку ик дуннелэн Кубокезлэн этапъёсаз дебютэн потӥз, Шундыӝужанпал Европалэн Кубокезлэн этапъёсаз азинлыко ӵошатскиз, отын финише кыкетӥ но ньылетӥ вуиз.
2009-тӥ арын Рыбинскын ортчем Россиысь чемпионатын пиосмуртъёс пӧлын 4×10 иськеме эстафетая программаын Хохряков азьвесь медаль утӥз, озьы ик 50 иськеме нимаз марафон бызьылонъёсын туй медаль вормиз. Мукетаз сезонын классика амалэн 70 иськеме бызьылонъя росси первенствоын туй медаль басьтӥз. 2013-тӥ арын Сыктывкарын ортчем Россиысь чемпионатын Удмуртиысь сборнойысь юлтошъёсыныз Константин Главатскихен, Дмитрий Япаровен но Максим Вылегжанинэн ӵош эстафета ӵошатсконын вормиз. Озьы ик Россиысь чемпионатын скиатлонын устоез вал[3][4]. Дуннеысь Кубоклэн зачётаз аслэсьтыз устозэ быгатонлыкъёссэ возьматӥз, Сочиысь этапын укмысэтӥ интые потӥз[5] (Дуннеысь Кубокын дас кужмоосыз пӧлы та огпол гинэ сюремез луиз). 2014-тӥ арын классика амалъя 15 иськеме бызьылонын Россиысь Кубокез вормиз, Тюменьын ортчем Россиысь чемпионатын масс-старт дыръя 50 иськеме эрико бызьылон дыръя туй медаль утӥз.
Хохряков Олимпи шудонъёсы но бадӟымъёслы дуннеысь чемпионатъёсы огпол но ӧз пыриськы. Со дистанциосы бызьылонъёсы кыстӥськылӥз: ӵапак отын Николай аслэсьтыз быгатонлыкъёссэ возьматъяз[5].
2026-тӥ арын ивортонъёсъя, Удмуртиысь егитъёслэн сборнойзылэн тренерез луэ[6][7].
Спортын бадӟымесь вормонъёсыз понна «Россиысь калыккуспо классъем спортъя мастер» дано нимын сӥлы каремын.
Валэктонъёс
- ↑ Знаменитые личности Шарканского района [ӟуч] sharkanskiy.wixsite.com. Эскеремын 02-02-2026 арын
- ↑ Хохряков Николай Анатольевич [ӟуч] Федерация лыжных гонок Удмуртии. Эскеремын 02-02-2026 арын
- ↑ Юлия Тихонова и Николай Хохряков выигрывают чемпионат России в скиатлоне [ӟуч] skisport.ru. Эскеремын 02-02-2026 арын
- ↑ Елена Дьячкова (27-01-2013) Лыжник Хохряков выиграл золото чемпионата России в скиатлоне [ӟуч] Р-Спорт. Эскеремын 02-02-2026 арын
- ↑ 1 2 Олимпиада 2014 для спортсменов из Удмуртии: Вылегжанин поставит индивидуальный рекорд, а Туктамышева может провалиться [ӟуч] izh.kp.ru. Эскеремын 02-02-2026 арын
- ↑ Сборная Удмуртии [ӟуч] Федерация лыжных гонок Удмуртии. Эскеремын 02-02-2026 арын
- ↑ Тренеры АУ УР ЦСП [ӟуч] Центр спортивной подготовки сборных команд. Эскеремын 02-02-2026 арын
Чӧлсконъёс
- Николай Хохряков [ӟуч]
 |
|---|
