Ижысь мотозавод

«Ижысь "Аксион-холдинг" мотозавод» АО
«Ижысь "Аксион-холдинг" мотозавод» АО
Типез	Акционер огазеяськон
Кылдэм арез	СССР, 1933
Интыяськемез	Ижкар, Россия
Валтӥсь адямиос	Кудрявцев Геннадий Иванович (валтӥсь директор)
Удысэз	Машина поттон, тӥрлык лэсьтон
Поттэм вузэз (бизнес)	ракета лэсьтонын кутӥськись тӥрлык, улон-вылонын ярась электро приборъёс, эмъян техника, чугун сюрес техника, печатной электронной платаос но соослы проектъёс
Данъетъёсыз
Сайт	axion.ru
	Медиафайлъёс РувикиМедиа пушкын

«Ижысь „Аксион-холдинг“ мотозавод» АО — Россиысь трос профильем предприятие, Удмурт Элькунысь Ижкарын интыяськемын.

Историез

«Иж» РМ 207С магнитофонлэн логотипез (азьысьтыз панель)

1933-тӥ арын Николай Березинлэн ожтӥрлык поттон фабрикаезлэн инъетэз вылын мотоциклъёсты эскерон сямен бичан вылысь кылдытэмын. Быдӟым Атыкай ож вакытэ завод 82 сюрс «Максим» пулемётъёс бичаз, отӥяз пӧйшуран пыӵал но мукет уно пыӵалтӥрлык, гурт удысысь техникалы двигательёс но запчастьёс лэсьтӥз. 1948-тӥ арын заводын АК автоматъёслэсь опытной партизэс лэсьтылӥзы^[1]. 1949-тӥ арысен завод ракета но инсьӧр техникалы секытос приборъёс поттӥз: связья но телеметрияя высокоточной аппаратура, озьы ик связья радиорелейной сӧзнэтъёс^[2].

1960-тӥ аръёслэн шоразы заводын кивалтоно системаослы бортовой аппаратура поттыны ӧдъяз, чурыт топливоен ужась нырысетӥез ракета «Темп-С [ӟуч] (удм.» ракета лэсьтонын кутӥськиз^[2].

1988-тӥ арын предприятиын воштӥськонъёс ортчизы, завод секретной луэмысь дугдӥз, военной производстволы сяна, калыклы магнитофонъёс (соос пӧлын Иж-303 но) поттыны ӧдъяз. 1991-тӥ арысен уно лэсьтоно вузъёс пӧлы пыризы эмъян удыслы тӥрлык но вуз: одӥг пол кутӥськись шприцысен портативной дефибрилляторозь [ӟуч] (удм., ӝог юрттэт сётонъя машинаослы, пинал ваён отделениослы но нылпи больницаослы тӥрлык. 2019-тӥ арын «Аксион» марка улсын эмъян техника Россиысь но мукет кунъёсысь йӧнатонъя но профилактикая учреждениослы поттэмын: Казахстан, Киргизия, Армения, Молдова, Чехия, Египет, Турция, Индонезия. Поттоно вуз Ижысь мотозаводлэн нимызлы тупамон мед луоз шуыса,1992-тӥ арысен завод «Аксион» ним кутӥз. 1994-тӥ арысен акционер огазеяськон луэ. 1999-тӥ арысен «Аксион» концерн огазеяськонын, (Ижысь «Аксион-холдинг» мотозаводлэн ёзаз пыре), «Аксион» марка улсын бытовой техника поттыны ӧдъязы. Лэсьтэм вуз пӧлын валтӥсь инты электро мясорубкаос, сок пызьыртонъёс но пылесосъёс басьтӥзы. Али «Аксион» концерн бытовой техникая 50 пумо тӥрлык поттэ но вӧлмытэ^[3] .

СССР-ысь военно-промышленной комплексэ пыременыз, завод кема дыр ӵоже мурт синъёслэсь ватэмын вал. 2019-тӥ арлы ивортонъёсъя «Ижысь „Аксион холдинг“ мотозавод» АО улсын ужа.

Данъетъёсыз

1961 — Ленин нимо орден;
1970 — Ужысь Горд Знамя нимо орден;
1976 — Октябрь Революци нимо орден;
2008 — ВМФ-лэн Валтӥсь штабезлэн «Ожгар-зарезь флотын кутӥськись телекоммуникацияя но автоматизировать карем кивалтон сӧзнэтъёсты кылдытонын азинсконъёс басьтэмзы но Росси Федерациысь Вылӥ Главнокомандующеен пуктэм ужпумъёсты ӟеч быдэстэмзы понна» грамота;
2008 — Россиысь Президентлэн Д. А. Медведевлэн «Нимысьтыз техникаез кылдытон но поттон удысын трос лэсьтэмзы понна» Таукаронэз^[2]^[4]

Валтӥсь ужез

Россиысь Обороная министерстволы кулэ луись спецтехника, спутник, радиорелейной но оперативной связья тӥрлык, эмъянын но энергиез шыръянын кутӥськись пӧртэм пумо тӥрлык, калыклы кулэ луись вузъёс (мясорубкаос), машинаослы комплектъёс, гурт удыслы вуз поттэ.

Галерея

Данъян пул но Ю. А. Гагаринлы сӥзем синпелет административной юртэ пырон азьын М. Горькийлэн ульчаез ласянь
Ю. А. Гагаринлы сӥзем синпелет заводлэн административной юртаз пырон азяз
К. Маркс ульча ласянь корпуслэн тусыз
Завод борды юнматэм ивортонэн пул
Заводлэн административной юртаз пырон азьысь стелла