Макаров, Зосим Исаакович

Зосим Исаакович Макаров
Зосим Исаакович Макаров
Вордӥськем дырыз	31-тӥ коньывуонэ 1919
Вордӥськем интыез	Глаз утем, Ватка губерния, РСФСР[d];
Кулэм дырыз	11-тӥ коньывуонэ 1994 (74 года)
Кулэм интыез	Ростов-на-Дону, Россия;
Кунмуртлыкез	СССР
Служить карон аръёсыз	1939—1975
Званиез
Частез	91-тӥ гвардейской штурмовой авиационной полк
Ожмаськонъёс/ожъёс	Быдӟым Атыкай ож;

Зосим Исаакович Макаров (1919-тӥ арын 31-тӥ коньывуонэ Кез ёросын Лома гуртын —1994-тӥ арын 11-тӥ коньывуонэ Ростов-на-Дону карын) — Быдӟым Атыкай оже пыриськем мурт, 91-тӥ гвардейской штурмовой авиационной полклэн эскадрильяезлэн командирез (1-тӥ Украин фронт, 2-тӥ воздушной армия, 5-тӥ штурмовой авиационной корпус, 4-тӥ гвардейской штурмовой авиационной дивизия), гвардиысь капитан, Совето Союзлэн Героез.

Улон сюресэз

Вордӥськиз 1919-тӥ арын 31-коньывуонэ Кез ёросын Лома гуртын^{[К 1]} удмурт крестьян семьяын.

Пинал дырыз вордӥськем гуртаз ортчиз, дышетскиз Кез ёросын Кулига гуртысь школаын, собере Перме улыны кошкизы. Отын 8 классэз йылпумъяз. Школа бере НКВД-лэн нылпи приёмниказ воспитатель но Пермь аэродромын коммендант луыса тыршиз.

1936-тӥ арын Педагогикая Пермь университетысь^[ru] рабфаке дышетскыны пыриз, огдыре аэроклубын тодон-валан лбюказ. 1939-тӥ арын Пермьысь военкомат басьтэмъя Горд Армие мынӥз, отысен Пилотъёсты дасянъя Пермысь военной авиационной школае ыстӥзы. Сое 1940-тӥ арын йылпумъяз.

1941-тӥ арын 29-тӥ шуркынмонысен действующей армиын служить кариз. Волга дорысен Дунай дорозь ож сюресэз ортчиз. 1-тӥ Украин, Воронеж, Калинин, Шундыпуксёнпал фронтъёсын ожмаськиз. 1942-тӥ арысен Коммунист партилэн ёзчиез луэ (ВКП(б)/КПСС).

1942-тӥ арын 2-тӥ гудырикошконэ лейтенант Макаров но штурмовикъёслэн группазы Рига палась Добрая улон инты котыре боевой задание лобиз. Отчы вуыкузы соос вылэ «мессершмиттъёс^[ru]» ожалскизы. Со ожын Макаровлэн самолётэз пушкытэмын вал. Ӝуась машиназэ мырдэмен нейтральной полосаозь вуттыса, ачиз лётчик парашютэн тэтчоно луиз. Сое асьме пехотинецъёс шедьтыса, госпитале нуизы.

1943-тӥ арын гужем, Курской дугаын ожъёс мыныку, со Воронеж фронтысь гвардейской авиаполкын ожмаськиз. Шуркынмон толэзёзь 94 пол ож лобанъёсы потаз. Ваньзэ-ӧвӧлзэ Макаров 150 пол ож лобанъёсы потаз, 40 тушмон танкез, 200 пала автомашинаез, воинской соединениосын 2 штабез пушкытӥз.

З. И. Макаров но Н. А. Жадан, 1944-тӥ ар

1943-тӥ арын полкысь тужгес устоезлы лётчиклы шуыса, командование солы «Ил-2» самолёт сётӥз, кудзэ кузьмаз вал Украинаысь колхоз ужась Н. А. Жадан^[ru]. Фюзеляж вылаз «Харьков улосысь колхоз ужасьлэсь Н. А. Жаданлэсь» шуыса гожтэмын вал. Со самолётэн Макаров 45 пол азинлыко ож лобанъёсы потаз^[2].

1944-тӥ арын Венгриын ожмаськиз.

СССР-ысь Вылӥ Кивалтэтлэн Президиумезлэн 1944-тӥ арын 4-тӥ тулыспалэ «Горд Армиысь военно-воздушной кужымъёслэн офицер составезлы Совето Союзлэн Героез ним сётон сярысь» Косэтъя «командованилэсь боевой заданиоссэ ӟеч быдэсъямез но немец захватчикъёсын геройлыко ожмаськемез понна» Зосим Макаровлы Совето Союзлэн Героез дано ним сётэмын, Ленин орденэн но «Зарни Кизили» медален данъетамын (2384-тӥ номер)^[3].

1944-тӥ арын Макаровез Военно-воздушной академие^[ru] дышетскыны ыстӥзы, 1949-тӥ арын сое йылпумъяз. 1959-тӥ арын Генеральной штаблэсь Военной академизэ^[ru] йылпумъяз. 1959-тӥ—1960-тӥ аръёсы — Таганрогысь Суворов но Кутузов нимо Краснознамённой авиационной 6-тӥ гвардейской бомбардировочной дивизилэн командирез вал. 1968-тӥ арын генерал-майор звание сётэмын^[4].

1975-тӥ арын генерал-майор званиен запасэ лэземын. Улӥз Ростов-на-Дону карын, отысь вертолёт лэсьтон заводын^[ru] ужаз.

Улонысь кошкиз 1994-тӥ арын 11-тӥ коньывуонэ, ватэмын Ростов-на-Дону карын.

Данъетъёсыз

Совето Союзлэн Героез (1944-тӥ арын 4-тӥ тулыспалэ, «Зарни Кизили» медаль, 2384-тӥ номер);
Ленин орден;
кык Горд Знамялэн орденэз;
Кык Атыкай ожлэн I степенё орденэз;
Атыкай ожлэн II степенё орденэз;
Горд Кизили орден;
медальёс.

З. И. Макаров Кезысь Геройёслэн стелаязы

Буре ваён

Удмурт Элькунлэн Архив фондаз З. И. Макаровлы сӥзем материалъёс возисько.
Макаровлэн нимыз пыртэмын Ижкарын Ялан ӝуась тыл азьысь Совето Союзлэн Геройёсызлы сӥзем стелаын^[5].
Кезын одӥгезлы ульчалы но пролкалы Геройлэн нимын сётэмын^[6].

Комментарийёс

↑ Лома Починка (1930-тӥарысен — Лома гурт), азьвыл Глаз уездысь Юсово волосте пыре вал, берлогес Карсовай ёросысь Ефимята сельсоветэ пыртэмын, 1939-тӥ — 1957-тӥ аръёсы — Кулига ёросэ, 1957-тӥ — 1965-тӥ аръёсы — Карсовай ёросэ, 1965-тӥ арын 1-тӥ инвожоысен — Кез ёросэ; 1971-тӥ арын 1-тӥ пӧсьтолэзьысен — Кез ёросысь Абросята сельсоветэ; али дыре Лома гурт быремын, Кез ёросысь Степаненки гурт поселенилэн интывылыз лыдъяське^[1].

Валэктонъёс

↑ Лома(ӟуч) Родная Вятка. Эскеремын 2020-05-17 аре
↑ История некоторых именных самолётов
↑ Указ Президиума Верховного Совета СССР «О присвоении звания Героя Советского Союза офицерскому составу военно-воздушных сил Красной Армии» от 4 февраля 1944 года // Ведомости Верховного Совета Союза Советских Социалистических Республик : газета. — 1944. — 17 тулыспалэ (№ 10 (270)). — С. 1.
↑ Донской временник. Макаров Зосим Исаакович
↑ Ими гордится Удмуртская земля. Макаров Зосим Исаакович
↑ Герои Отечества. Макаров Зосим Исаакович

Литература

Макаров Зосим Исаакович // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Золотые звёзды Прикамья / сост.: И. А. Кондауров, С. И. Мокроусов. — 3-е изд., доп. — Пермь: Пермское книжное издательство, 1974. — С. 250—251. — 487 с.
Кулемин И. Г. Героев наших имена. — 2-е изд. — Ижевск, 1975. — С. 163—165.

Чӧлсконъёс

Зосим Исаакович Макаров(ӟуч) «Герои страны» сайт.

Архивная копия от 4 южтолэзе 2014 на Wayback Machine.

[2] Лома Починка (1930-тӥарысен — Лома гурт), азьвыл Глаз уездысь Юсово волосте пыре вал, берлогес Карсовай ёросысь Ефимята сельсоветэ пыртэмын, 1939-тӥ — 1957-тӥ аръёсы — Кулига ёросэ, 1957-тӥ — 1965-тӥ аръёсы — Карсовай ёросэ, 1965-тӥ арын 1-тӥ инвожоысен — Кез ёросэ; 1971-тӥ арын 1-тӥ пӧсьтолэзьысен — Кез ёросысь Абросята сельсоветэ; али дыре Лома гурт быремын, Кез ёросысь Степаненки гурт поселенилэн интывылыз лыдъяське^[1].

[1] Лома(ӟуч) Родная Вятка. Эскеремын 2020-05-17 аре

[3] История некоторых именных самолётов

[4] Указ Президиума Верховного Совета СССР «О присвоении звания Героя Советского Союза офицерскому составу военно-воздушных сил Красной Армии» от 4 февраля 1944 года // Ведомости Верховного Совета Союза Советских Социалистических Республик : газета. — 1944. — 17 тулыспалэ (№ 10 (270)). — С. 1.

[5] Донской временник. Макаров Зосим Исаакович

[6] Ими гордится Удмуртская земля. Макаров Зосим Исаакович

[7] Герои Отечества. Макаров Зосим Исаакович

[К 1]

[2]

[3]

[4]

[5]

[6]

[1]