Дядюков, Иван Тихонович

Википедиысь материал
Рецензировать карем гожтос
Рецензент: Клементьев Андрей Александрович, филологи наукаосъя кандидат, «Вордскем кыл» журналлэн валтӥсь редакторез
Иван Тихонович Дядюков
Дядюков Иван Тихонович.jpg
Кушемнимыз Иван Кудо, Ван-до, Кунайвидо, Востэм, Акташ бугор, Самой со
Вордӥськем дырыз 11-тӥ куарусёнэ 1896(1896-09-11)
Вордӥськем интыез Ожмос гурт, Сарапул уезд, Вятской губерния
Кулон дырыз 24-тӥ оштолэзе 1955(1955-04-24) (58 арес)
Кулэмын Ижевскын, УАССР
Кунмуртлыкез Росси империяFlag of Russia.svg Росси империя → СССРFlag of the Soviet Union.svg СССР
Ужудысэз проза гожъясь, кылбурчи
Гожъяськон кылыз удмурт

Дядюков Иван Тихонович (1896-тӥ ар 11-тӥ куарусён Вятка губерниысь Сарапул ёросысь Ожмос черкогурт (али Бабино черкогурт)[1] ― 1955-тӥ а 24-тӥ оштолэзь Ижкар, УАССР) ― Совето Союзысь удмурт прозаик но кылбурчи. 1934-тӥ арысен СССР-ысь Гожъяськисьёслэн огазеяськонзылэн ёзчиез[2].

«Пашка Педор» - нырысетӥ удмурт кузьверослэн авторез (1925)[3]. 1920-30-тӥ аръёсы удмурт гожъяськисьёс пӧлысь тужгес трос печатласькисез но яратоноез вал[4].

Биографиез

Вордскемын 1896-тӥ арын 11-тӥ куарусёнэ Вятка губерниысь Сарапул ёросысь Ожмос (али Бабино) черкогуртын (али Дэри ёрос). Начар крестьян семьяын, школаын кык ар гинэ дышетскемез бере, сое «калыке» ужаны келязы: нырысь-валысь узыр гуртоосыз дорын пудо утялтыса улӥз, собере Сарапулысь виртырем поттон заводын тыршиз.

1916-тӥ арын сое Эксэй армие басьтӥзы. Нырысетӥ дунневыл оже (Первая мировая война) пыриськиз. 1918-тӥ арын ас мылкыдызъя Горд Армие мынӥз но 25-тӥ Чапаевской стрелковой дивизиын пулемётной экипажлэн командирез луыса ожмаськиз[2]. Огаз ожын секыт ожгар яра (ранение) басьтӥз[2]. Демобилизация бере вордскем палъёсаз берытскиз, Сарапулысь вакчи дыръем (краткосрочной) Вотской партийной школае дышетскыны пыриз. Сое 1920-тӥ арын йылпумъяз.

1920-тӥ аръёсы Иван Дядюков «Гудыри» («Гром») газетлэн редакцияз интыяськиз[5]. Собере Центропечатьын, Областной Предкомын, «Удкнига» издательствоын, Вузкаронъя оластной управлениынужзэ азьланьтӥз . Кӧня ке ар ӵоже заводын тыршиз. 1934-1936-тӥ аръёсы колхозлэн председателез вал. Удмурт научно-исследовательской институтын научной сотрудник луыса ужаз[2].

Ӧнер гожъяськон удысэ война бере гинэ выжиз.

Улонысь кошкиз 1955-тӥ арын 24-тӥ оштолэзе.

Творчествоез

1920-тӥ аръёслэн кутсконысенызы Быдӟым Атыкай Ож кутскытозь, Удмуртиын Иван Дядюков кадь трос нокин но ӧз печатласькы[6]. Солэн ужъёсыз удмурт изданиослэн котькуд номеразы сямен потылӥзы. Улэп дыръяз 15 книга поттӥз, вераны кулэ, со гожъяськисьлэн литературной ватэтысьтыз пичи люкетэз гинэ шуыса.

Нырысетӥ кылбурез — «Заводэ» 1920-тӥ аръёслэн кутсконаз «Гудыри» газетын потӥз.

Со трос гожъяз пӧртэм жанръёсын: кузьверосъёс, веросъёс, очеркъёс, кылбуръёс, поэмаос, пьесаос, выжыкылъёс, легендаос, зэмос учыръёс, удмурт кылэ берыктэм ужъёс. Авторлэн 800-лэсь трос рукописьёсыз кылемын.

Пӧртэм кушемнимъёсын печатласькиз: Иван Кудо , Ван-до (оло, Вандо), Востэм , Акташ Бугор , Самой со, Тумбарамбия кылбурчи , Пу кылбурчи но мукет.

Ӟуч гожъясьёслэсь произведениоссэс удмурт кылэ берыктӥз, кылсярысь, А. С. Пушкинлэсь «Капитанлэн нылыз» (ӟуч: «Капитанская дочка») кузьвероссэ. «Капитанлэн нылыз» Удмурт кун книгапоттонниын 1939-тӥ арын потӥз.

Удмурт кылын нимысьтыз нылпиослы гожъясьёс пӧлын Дядюков нырысетӥез вал[7]: нылпи веросъёсын кык бичет поттӥз — «Гудыри» но «Гыншар» .

Тужгес тодмо кузьверосэз — «Пашка Педор». Нырысьсэ произведение верос чотын потӥз 1925-тӥ арын «Гудыри» газетын, нош 1930-тӥ арын, кузьверослэн куронъёсызлы тупатъяса, нимаз изданиен печатласькиз. Собере кӧня ке пол выльысь печатласькиз на. «Пашка Педор» ӟуч кылэ ӧвӧл берыктэмын.

В удмуртскую литературу Дядюков вошёл как представитель деревенской бедноты. В своих лучших рассказах дает яркую картину дореволюционной деревни, мастерски отображает жизнь забитой беспомощной бедноты, угнетаемой кулаком, и героическую борьбу Красной Армии в 1918 году. Некоторые произведения интересны своими актуальными темами.

— Литературная энциклопедия, 1931-тӥ ар

Иван Дядюков ас вакытысьтыз одӥгез тужгес яркытэз но калыкын паськыт вӧлмемез гожъяськись. Выльдӥськись улонэз данъяз, революция но граждан ож сярысь гожъяз. И. Дядюков произведениосаз егит йӧскалык искусстволэн выль социализм дуннеын адямилэсь дунневаланзэ возьматӥсь темаосты ӝутэ[4].

Гожъяськисьлэн творчествоез ляб эскеремын. Произведениосыз ӟуч кылэ берыктэмын ӧвӧл (1940-тӥ но 2005-тӥ аръёсы куд-ог кылбуръёсыз гинэ берыктэмын)[8][9].

Валэктонъёс

  1. ↑ Дядюков Иван Тихонович (1896-1955 гг.) - удмуртский писатель
  2. ↑ 1 2 3 4 Дядюков Иван Тихонович / Шкляев А. Г. // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 173—174. — 540 с. — 300 экз. — ISBN 978-5-901304-62-4.
  3. ↑ Ермолаев А. — Первая удмуртская повесть // Дружба народов — 1957. — № 2. — стр. 206—207. (перепечатано в издании Об удмуртской литературе: хрестоматия литературно-критических текстов. — Ижевск: Издательство УдГУ, 2003. — 292 с. — стр. 88-89)
  4. ↑ 1 2 Зоя Алексеевна Богомолова - Песня над Чепцой и Камой - Современник, 1976. — 267 с. — стр. 56
  5. ↑ Иван Дядюков // Писатели Удмуртии : Библиографический справочник / сост. А. Н. Уваров. — Ижевск : Издательство «Удмуртия», 1989. — С. 143—144. — 464 с. — 5000 экз. — ISBN 5-7659-0131-X.
  6. ↑ Иван Дядюков Архивная копия от 19 пӧсьтолэзе 2019 на Wayback Machine // Газета «Известия Удмуртской республики», № 99 (3111), 11 июля 2007
  7. ↑ Культурное строительство в Удмуртии: сборник документов (1917—1940) / Аркадий Андреевич Тронин. — Ижевск: «Удмуртия», 1970. — 369 с. — стр. 339
  8. ↑ Стихотворения / И. Т. Дядюков; пер. с удмурт. К. Арсеневой // Золотые гусли: сборник произведений удмуртских писателей в переводе на русский язык. — Ижевск: Удмуртгосиздат, 1940 Архивная копия от 19 пӧсьтолэзе 2019 на Wayback Machine. — стр. 41-46
  9. ↑ Вячеслав Ар-Серги — Иван Дядюков (1896—1955) Архивная копия от 19 пӧсьтолэзе 2019 на Wayback Machine. — Ижевск: Удмуртия, 2005. — 35 с.

Чӧлсконъёс

  • Дядюков Иван Тихонович / Шкляев А. Г. // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 173—174. — 540 с. — 300 экз. — ISBN 978-5-901304-62-4.
  • Ермолаев А. — Первая удмуртская повесть // Дружба народов — 1957. — № 2. — стр. 206—207. (перепечатано в издании Об удмуртской литературе: хрестоматия литературно-критических текстов. — Ижевск: Издательство УдГУ, 2003. — 292 с. — стр. 88-89)
  • Иван Дядюков // Писатели Удмуртии : Библиографический справочник / сост. А. Н. Уваров. — Ижевск : Издательство «Удмуртия», 1989. — С. 143—144. — 464 с. — 5000 экз. — ISBN 5-7659-0131-X.
  • Культурное строительство в Удмуртии: сборник документов (1917—1940) / Аркадий Андреевич Тронин. — Ижевск: «Удмуртия», 1970. — 369 с. — стр. 339
  • Стихотворения / И. Т. Дядюков; пер. с удмурт. К. Арсеневой // Золотые гусли: сборник произведений удмуртских писателей в переводе на русский язык. — Ижевск: Удмуртгосиздат, 1940 Архивная копия от 19 июля 2019 на Wayback Machine. — стр. 41-46
  • Вячеслав Ар-Серги — Иван Дядюков (1896—1955) Архивная копия от 19 июля 2019 на Wayback Machine. — Ижевск: Удмуртия, 2005. — 35 с.

Источникъёс

  • Иван Тихонович Дядюков // Литературная энциклопедия

Вячеслав Ар-Серги — Иван Дядюков (1896—1955). — Ижевск: Удмуртия, 2005. — 35 с. Иван Тихонович Дядюков //Писатели и литературоведы Удмуртии: Биобиблиографический справочник / Сост. А. Н. Уваров. — Ижевск, 2006. — 43 с.

  • Бутолин А. — И. Т. Дядюков // Молот,— 1935.— No 5,— С. 18—30.
  • Библиография // Научная библиотека Удмуртского государственного университета
«https://udm.ruwiki.ru/w/index.php?title=Дядюков,_Иван_Тихонович&oldid=482589»-ысь басьтэмын