Соловьёв, Владимир Михайлович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Соловьёв.
Владимир Михайлович Соловьёв
Соловьёв В.М..jpg
Удмурт Элькунысь культурая министр
2014-тӥ арысен туннэ нуналозь
Азьпалчиез Дмитрий Евгеньевич Иванов
Вордӥськемын 2-тӥ толшоре 1963({{padleft:1963|4|0}}-{{padleft:1|2|0}}-{{padleft:2|2|0}}) (63 года)
Атаез Михаил Васильевич[1]
Дышетскемез Пермьысь лулчеберетъя институт (1984)
Кун службая урал академия

Влади́мир Миха́йлович Соловьё́в (ворд. 2-тӥ толшоре 1963, Туймыйыл, Удмурт Автономной Советской Социалистической Республика) — кун ужась,Удмурт Республикаысь культурая министр. Удмуртиысь лулчеберет удысын дано ужась.

Улон сюресэз

Вордӥськиз Алнаш ёросысь Туймыйыл гуртын 1963-тӥ арын 2-тӥ толшоре. Семьяяз витетӥ, пичиез, нылпи вал[2]. Атаез «Прогресс» колхозын валтӥсь бухгалтер луыса тыршиз, анаез вузкарись вал[3].

Владимир Соловьёв школа аръёсаз ик азьветлӥсь вал: дружиналэн кенешезлэн тӧроез но комсомол огазеяськонлэн секретарез вал. Шудӥз балалайкаен но баянэн, театр возьматонъёсы пыриськиз, пӧртэм кружокъёсы ветлӥз[2][3].

Туймыйыл шор ёзо школаез йылпумъямез бере Пермьысь лулчеберетъя институтэ «Культурно-просветительская работа» ӧнеръя дышетскыны пыриз. Диплом басьтыса, 1984-тӥ арын гуртаз берытскиз, режиссёр луыса гуртысь культурая юртын ужаны кутскиз. Со арын ик армие басьтэмын вал. Службазэ ортчиз Забайкальской шаерын пограничник луыса[2][4].

1986-тӥ арысен Туймыйыл гуртысь лулчеберетъя юртэн кивалтэ, нош 1988-тӥ арысен — гуртысь егитъёслэн театрзылэн режиссёрез. Со арын ик комсомоллэн Алнаш райкомаз нырысетӥ секретаре юнматӥзы, нош 1990-тӥ арысен ёрос культурая юрт бордысь Алнаш калык театрын режиссёр луыса ужаз[4].

В. Соловьёв Татарстанысь Гырон быдтон праздникын, 2024-тӥ ар

Калык театрен Владимир Котковлэн пьесаезъя спектакль пуктӥм, соин вормимы элькунысьтымы калык театръёс пӧлын но Удмуртилэсь данзэ башкир Туймазы карын ортчем Калык театръёслэн огъяросси фестивалязы утимы. Отын лауреат луимы. Соку ик мон «Арганчи» ансамбльын ужай, соин но шаертӥмы но солэн палэназ трос концертъёсы ветлӥмы. Мон понна со вакыт бадӟым школа луиз.

1991-тӥ арысен Владимир Соловьёв ужаз Алнаш ёрос культурая юртын: солэн директорез но режиссёрез вал. 1996-тӥ-1997-тӥ аръёсы нылпиослэн но егитъёслэн «Ошмес» центренызы кивалтӥз[4], сое кылдытонлэн ачиз ик кичӧлтӥсез вал[3]. 1997-тӥ арысен 2006-тӥ арозь Алнаш ёрос администрациысь егитъёсын ужанъя ёзэн кивалтӥз[4]. Со дыре ик кыкетӥ вылӥ образование Кун службая урал академиын «Кун но муниципал кивалтон» ӧнеръя басьтӥз[3][4].

2006-тӥ арын Владимир Соловьёв Удмурт Элькунысь егитъёсын ужанъя кун комитетлэн тӧроезлэн нырысетӥ воштӥсез луиз, нош 2009-тӥ арын Удмуртиысь егитъёсын ужанъя министре юнматэмын вал[4].

2014-тӥ арын тулыспалэ Удмуртиысь лулчеберетъя, печатья но иворъя министр луиз[5]. Со арын ик коньывуонысен — Удмурт Элькунысь лулчеберетъя но туризмъя министр. 2019-тӥ арысен — Удмуртиысь культурая министр[4].

Ас улонэз

Кышнояськемын. Кык нылыз, внучкаез вань[2][3].

Ваньмон дыръяз баянэн шудэ. Крезьгур инструментэз ужан кабинетаз но вань[6].

Вормонъёсыз

Владимир Соловьёв — Удмурт Элькунысь культура удысын дано ужась[7], Алнаш ёросысь Трокай Борисов нимо премилэн лауреатэз но Алнаш ёрослэн дано кунмуртэз[8]. Озьы ик со пусъемын грамотаосын:

  • УАССР-ысь Вылӥ Кенешлэн президиумезлэн данъян грамотаез
  • УАССР-ысь Министръёслэн кенешсылэн данъян грамотаез
  • Росси Федерациысь егитъёслэн ужъёссыя кун комитетлэн данъян грамотаез
  • Удмурт Элькунысь Кун Кенешлэн данъян грамотаез

Валэктонъёс

  1. ↑ Елена Сараматова Пӧзись ошмесэз уд ӵокса [удм.] Удмурт дунне.
  2. ↑ 1 2 3 4 Ольга Кожанова. Улонын – кивалтӥсь, сцена вылын – кырӟась [удм.] // Удмурт дунне. — 2001. — 21 толсуре. — С. 6, 11.
  3. ↑ 1 2 3 4 5 Семён Семёнов Эксклюзивное интервью Владимира Соловьева Деловая репутация.
  4. ↑ 1 2 3 4 5 6 7 Соловьев Владимир Михайлович Министерство культуры Удмуртской Республики.
  5. ↑ Владимир Соловьев вступит в должность министра культуры Удмуртии 18 февраля ИА «Сусанин».
  6. ↑ Online-конференция: Владимир Соловьев Udm-Info.
  7. ↑ Глава Минкультуры Удмуртии стал Заслуженным работником культуры республики ГТРК «Удмуртия».
  8. ↑ Соловьёв Владимир Михайлович Календарь знаменательных и памятных дат Удмуртии.

Литература

  • Удмуртская Республика. Культура и искусство: энциклопедия. — Ижевск, 2014. — С. 442–443.

Чӧлсконъёс

«https://udm.ruwiki.ru/w/index.php?title=Соловьёв,_Владимир_Михайлович&oldid=507139»-ысь басьтэмын