Вунонтэм полк
РАН экспертиза
РАН экспертиза
Россиысь Тодосъёсъя Академия
Материалъёс басьтэмын Б.Н. Ельцин нимо библиотекаысь
| «Россиысь Вунонтэм полк» огъяросси мерлыко гражданско-патриотической движение | |
|---|---|
 | |
 | |
| Кылдытэмын | 2015-тӥ арын 30-тӥ куарусёнэ |
| Типез | мерлыко огазеяськон[d] |
| Испокомлэн кивалтӥсез но «Бессмертный полк России» ООД-лэн Шор штабезлэн сопредседательёсыз |
Наталья Шадрина Сергей Макаров Геннадий Иванов Елена Цунаева |
| Центр | Москва |
| Сайтэз | polkrf.ru |
 Медиафайлъёс РувикиМедиа пушкын | |
«Вунонтэм полк» — Быдӟым Атыкай оже пыриськемъёсты но фрорнт мышкын ужасьёсты буре ваёнлы сӥзем калык движение, озьы ик нацизмез вормем геройёсты буре ваёнлы сӥзем арлы быдэ ортчылӥсь шествие[1]. Ужрадэ пыриськемъёс арлы быдэ Вормон Нуналэ Быдӟым Атыкай оже пыриськем, фронт мышкын тыршем, концлагерьёсы но блокада улэ шедем, пинал дырзы ож вакытэ вадьсаськем ӵыжы-выжыоссылэн туспуктэмъёсынызы колоннаен каръёслэн урамъёссы кузя ортчыло[2] но соос сярысь гожъямъёссэс Калык летописе пырак азелы кельто[3].
Кутсконэз
«Вунонтэм полк» акция кылдэмлэсь азьпал та выллем ужрадъёс СССР-ысь тросаз каръёсын радъяськылӥзы. Кылсярысь, 1965-тӥ арын Новосибирскысь 121-тӥ номеро школаын дышетскисьёс ожын вормем песятайёссылэн туспуктэмъёсынызы карлэн урамъёстӥз ортчылӥзы[4]. 1981-тӥ арын Ростов улосысь Тацинской станицаын Революцилы сӥзем площадьын сӥё-дано митинге отын улӥсьёс асьсэ фронтовикъёссылэн туспуктэмъёсынызы лыктӥзы[5]. 1985-тӥ арын Пермь улосын Соликамск урамъёстӥ ӵыжы-выжыоссы ветеранъёслэн туспуктэмъёсынызы ортчизы. Липецк улосын Конь-Колодезьысь школьникъёс 1985-тӥ арысен кутскыса, арлы быдэ Ленин нимо шор ульча кузя Быдӟым Атыкай ожысь Геройёслэн туспуктэмъёсынызы ортчыло.
Выль история
Совето вакыт ортчем бере та выллем ужрадъёс Россиын но кӧня ке мукет кунъёсын ортчизы. 2006-тӥ арын Вормон нуналэ Ухтаысь быдэ вуымтэос Ялан ӝуась тыл доры ожгарчиослэсь туспуктэмъёссэс вайизы. 2004-тӥ–2006-тӥ аръёсы Кузбассын (Новокузнецк но Прокопьевск каръёсын) маршъёс ортчизы, нош 2007-тӥ арын — Тюменьын.
2007-тӥ арын 8-тӥ куартолэзе «Тюменские известия» газетын кунпуш ужъёсъя ёзэсъёсысь ветеранъёслэн ёрос кенешсылэн тӧроез Геннадий Иванов улосчиоссэ Вормон Нуналэ карлэн урамъёсаз фронтын ожмаськем ӵыжы-выжыоссылэн туспуктэмъёсынызы потыны ӧтиз[6]. Тюменьлэсь кичӧлтонзэ Россиысь мукет улосъёс но адӟем каризы. Кык ар ортчыса, Росси Федерациысь 20 муниципал кылдытэтъёсын «Вормисьёслэн парадзы» ортчиз.
2009-тӥ арын «Вормисьёслэн парадзы» ортчиз Казаньын, Кемеровоын, Новосибирскын но мукет улосвылъёсын. 2009-тӥ арын Севастопольын «Ми тӥледыз стройын воштомы!» нимаськись марш радъямын вал.
2010-тӥ арын ветеранъёслэн туспуктэмъёсынызы шествие Поклонной гурезьын ортчиз.
2013-тӥ арын сыӵе акция Россиысь 120 каръёсын но гуртъёсын ортчиз. 2014-тӥ арын «Вунонтэм полк» 7 кунъёсысь 500 каръёсын ортчиз[7].
2025-тӥ арын Быдӟым Атыкай ожын вормонлы 80 ар тырмонэз пусъён улсын «Вунонтэм полк» «Беларусь Помнит» маршъёсын ӵош ортчоз шуыса, 2024-тӥ арын толсуре тодмо луиз[8].
Мерлыко движение
2015-тӥ арын 9-тӥ куартолэзе Вормонлы 70 ар тырмонлы сӥзем военной парад бере Горд площадьын нырысьсэ ортчиз «Вунонтэм полк» акция[9]. Отчы 500 сюрслэсь ятыр адями пыриськиз, пӧлазы Россилэн Президентэз Владимир Путин но вал, со атаезлэсь, ожысь ветеранлэсь, туспуктэмзэ нуиз. Колонна Белорусской площадьысен Кремлёзь мынӥз но Москворецкой ярдур урамын йылпумъяськиз[10].
«Вунонтэм полк» Москваын 2015-тӥ арын 9-тӥ куартолэзе
«Вунонтэм полк» Рязаньын, 2016-тӥ арын 9-тӥ куартолэзе
«Вунонтэм полк» Майкопын 2016-тӥ арын 9-тӥ куартолэзе
«Вунонтэм полк» Саки карын 2016-тӥ арын 9-тӥ куартолэзе
«Вунонтэм полк» Калининградын 2017-тӥ арын 9-тӥ куартолэзе
.jpg)
2015-тӥ арысен кутскыса, «Вунонтэм полк» акция Россиын но кунгож сьӧрын Вормон нуналэз пусъёнлэн одӥгез валтӥсез тодметэз луиз. 2015-тӥ арын «Вунонтэм полк» 17 кунын ортчиз, нош 2016-тӥ арын — 42 кунын[11].
2015-тӥ арын улосчиослэн кичӧлтэмзыя кылдытэмын «Россиысь Вунонтэм полк» огъяросси мерлыко гражданско-патриотической движение, отчы 89 улосвыл ёзэтъёс но 200-лэсь трос калыккуспо координаторъёс пыриськизы[12].
Огазеяськонлэн валтӥсь ужпумез – Быдӟым Атыкай ожысь Геройёслэсь подвигзэс юнматон, калыклэн батырлыкез сярысь тодэ ваёнэз утён, ӵыжы-выжыослэсь геройлыко опытсэс валан, выжыосын кусыпез юнматон.
«Россиысь Вунонтэм полк» огъяросси мерлыко гражданско-патриотической движенилэн Шор штабезлэн нырысетӥ сопредседательёсыз пӧлысь одӥгез луиз СССР-ысь калык артист, Росси Федерациысь Ужысь Герой Василий Лановой[13][14].
- Быдӟым Вормонлы 75 ар тырмонэн валче Росси Банклэн 2019-тӥ арын поттэм векчи коньдонэз
3 манетъем азвесь коньдон
25 манетъем азвесь коньдон
50 манетъем зарни коньдон
Кунъёс, кудъёсаз ортче акция
«Вунонтэм полк» 80-лэсь трос кунъёсын ортче:
|
|
|
2019-тӥ арын 6-тӥ куартолэзе «Вунонтэм полк» акция нырысьсэ Аляскаын ортчиз, Анкоридж карын. Шествие 100 пала адями пыриськиз[17].
«Вунонтэм полк» Бишкекын 2017-тӥ арын 9-тӥ куартолэзе.
«Вунонтэм полк» Софиын, 2019-тӥ арын 9-тӥ куартолэзе
.jpg)
2020-тӥ но 2021-тӥ аръёсы ортчем акциослэн аспӧртэмлыксы
2020-тӥ арын 9-тӥ куартолэзе Россиын коронавирус пандемиен сэрен «Вунонтэм полк» маршъёс дугдытэмын вал. Со интые онлайн-акция радъяськиз: котькуд мылкыд карись ветеранлэсь туспуктэмзэ но со сярысь ивортодэтсэ нимысьтыз вотэсбаме келяны кулэ вал[18]. Оглом 2,7 миллион пала куриськонъёс вуизы[19]. Эфир, 9-тӥ куартолэзе кутскыса, 20 нунал ӵоже кыстӥськиз, сое быдэс дуннеысь 25 миллион пала адями учкиз[20].
«Вунонтэм полк» акция озьы ик онлайн амалэн Испаниын но Андорраын радъямын вал[21]
2021-тӥ арын «Вунонтэм полк» нош ик онлайн форматэн ортчиз. Но, 2020-тӥ арынлэсь пӧртэмгес луиз, котькуд улосвылын адямиос асьсэ улосчиоссэс адӟыны мед быгатозы шуыса, эфир Россия Федерацилэн асмосъёсаз нимаз нуиськиз, ужрад одӥг нунал ӵоже ортчиз[22].
2022-тӥ арын ортчем шествиос но ужрадъёс
2022-тӥ арлэн кутсконаз коронавирус пандемия кулэсмыны кутскиз, соин шествиосты выльысь ортчытъяны луиз[23]. Таяз радэ Быдӟым Атыкай ожысь ветеранъёслэн но фронт мышкын ужасьёслэн туспуктэмъёсынызы ӵош люкаськемъёс Украинаын нимысьтыз ожгар операци дыръя бырем солдатъёслэсь туспуктэмъёссэс нуизы[23].
2022-тӥ арын «Вунонтэм полк» маршъёс дуннеысь ог 90 кунъёсын радъямын вал[24], со пӧлын нырысьсэ ортчиз Венесуэлаын. СССР-лэн антигитлер коалициысь союзникъёсыз, США но Великобритания, озьы ик Ирландия асьсэлэн интывылъёсазы шествиосты ортчытонлэсь алӥзы [25].
2023-тӥ арын ортчем ужрадъёс
2023-тӥ арын кышкытлыклэсь утиськон вылысь, трос калыкен шествиос ортчытъяны ӧз лэзе. «Россиысь Вунонтэм полк» огъяросси мерлыко движенилэн Шор штабысьтыз ыстэм муртъёс мукет форматъёсты уже кутыны ӵектӥзы. Геройёс быдэс Вормон Нунал ӵоже асьмемын ӵош мед луозы шуыса, фронтовикъёслэн нылпиоссы, внукъёссы но правнукъёссы геройёссылэсь туспуктэмъёссэс личной, служебной но мерлыко транспортын, майкаос но футболкаос вылазы, квартираосысьтызы укноосазы пуктылӥзы.
Россиысь тросаз каръёсын Быдӟым Атыкай оже пыриськемъёслэн туспуктэмъёсынызы машинаен но мотоциклъёсын мотопробегъёс, вувыл но аэропарадъёс ортчизы. Озьы Волгоградын «Вунонтэм полклэн шурез» ужрад ортчиз: Сталинград ожмаськонэ пыриськем 150 муртъёслэн туспуктэмъёсынызы мотокорабльёслэн эскадрильязы Волга кузя ортчиз. «Вунонтэм полклэн» историяз нырысьсэ кутӥськизы шур трамвайёс но Волга шурлэн вувылыз, кудзэ гитлеровецъёс 80 ар талэсь азьло ортчыны выризы но ӧз быгатэ.
Нижневартовск, Мегион, Лангепас, Сургут, Нефтеюганск, Ханты-Мансийск вадьсытӥ куать «Як» самолётъёс но одӥг Ан-2 лобазы, «Звезда» но «пеленг» пилотаж формаосын, борт вылазы одӥг но ӝыны сюрс Быдӟым Атыкай ожысь Геройёслэсь туспуктэмъёссэс нуллӥзы[26].
2024-тӥ арын ортчем ужрадъёс
23-тӥ оштолэзе «Россиысь Вунонтэм полк» огъяросси мерлыко движенилэн Шор штабезлэн сопредседателез но Кун Думаысь депутат Елена Цунаева, 2024-тӥ арын кышкыттэмлыкъя сюлмаськонъёсын сэрен, Россиын «Вунонтэм полк» марш очной форматэн уз ортчы шуыса ивортӥз[27].
2024-тӥ арын 1-тӥ куартолэзьысен 12-тӥ куартолэзёзь «Вунонтэм полк» ужрадъёс выль форматэн ортчизы. Вормисьёслэн нылпиоссы, внукъёссы но правнукъёссы огъя дышетон учреждениосын, предприятиосын, школаосын но нылпи садъёсын «Тодэ ваён борддоръёс» вылэ геройёссылэсь туспуктэмъёссэс пуктӥзы, личной но мерлыко транспортын, озьы ик самолётъёсын но парусной регатъёсын. Быдэс шаерысьтымымерлыко вотэсысь юзчиос асьсэлэсь аватаръёссэс воштӥзы ветеранъёслэн туспуктэмъёсынызы воштылӥзы, соос пӧлын нимысьтыз военной операциысь ветеранъёс но. Ӵыжы-выжыоссы сярысь тодэ ваёнъёссэс постъёсазы #нашБессмертныйполк хештегъёсын поттылӥзы.
2024-тӥ арын «Вунонтэм полк» Калыккуспо акция дуннеысь 115 кунъёсын ортчиз.
Валэктонъёс
- ↑ Бессмертный полк - официальный сайт движения(ӟуч)
- ↑ И. Огилько На "Бессмертный полк онлайн" зарегистрировались более 150 тысяч участников Российская газета. Эскеремын 2020-04-30 аре
- ↑ Найти солдата по фамилии на сайте Бессмертный полк(ӟуч)
- ↑ Акция «Бессмертный полк» родилась 49 лет назад в Новосибирске, а не в Томске Архивная копия от 18 куартолэзе 2015 на Wayback Machine // «Академия новостей».
- ↑ АиФ- Ростов Бессмертный полк. Впервые портреты фронтовиков пронесли на Дону в 1981-м www.rostov.aif.ru. Эскеремын 2019-04-09 аре
- ↑ Семейный альбом — Парламентская газета «Тюменские известия»
- ↑ Ирландия присоединится к всероссийской акции «Бессмертный полк» // ТАСС. Эскеремын 2015-04-21 аре
- ↑ "Бессмертный полк" в 2025 году пройдет вместе с шествиями "Беларусь помнит", TACC. Дата обращения: 6 толсуре 2024.
- ↑ Акцию «Бессмертный полк» в Москве хотят провести на Красной площади Архивная копия от 17 толшоре 2019 на Wayback Machine // ИА REGNUM. 30 Марта 2015.
- ↑ Вести-Москва 9 Мая по столице пройдёт «Бессмертный полк» // Вести.Ru. Эскеремын 2015-05-07 аре
- ↑ Бессмертный полк в мире(ӟуч)
- ↑ Более 1 млн человек собрала акция "Бессмертный полк" в Санкт-Петербурге(ӟуч) ТАСС. Эскеремын 2019-05-11 аре
- ↑ Банк России выпускает в обращение памятные монеты из драгоценных и недрагоценного металлов cbr.ru. Эскеремын 2021-6-3 аре
- ↑ [1]
- ↑ Бельгия – Immortal Regiment of the World (Бессмертный полк мира) Immortal Regiment of the World (Бессмертный полк мира). Эскеремын 2018-11-09 аре
- ↑ В Ашхабаде прошло шествие «Бессмертного полка»
- ↑ "Бессмертный полк" впервые состоялся на Аляске
- ↑ Е. Слободян Как стать участником акции «Бессмертный полк онлайн»? Аргументы и Факты. Эскеремын 2020-04-29 аре
- ↑ Я. Костенко Герои в нашем сердце: как проходит онлайн-шествие «Бессмертного полка» Известия. Эскеремын 2020-05-09 аре
- ↑ И. Огилько Завершился марш "Бессмертного полка онлайн" Российская Газета. Эскеремын 2020-05-30 аре
- ↑ В Испании и Андорре пройдет «Бессмертный полк онлайн» Известия. Эскеремын 2020-05-04 аре
- ↑ "Бессмертный полк" 9 мая пройдет в онлайн-формате. Организаторы планируют провести акцию в традиционном формате 24 июня ТАСС. Эскеремын 2021-04-19 аре
- ↑ 1 2 М. Лисицына В «Бессмертном полку» предложили нести фото погибших на Украине военных РБК. Эскеремын 2022-04-24 аре
- ↑ Шествие "Бессмертного полка" пройдет в 88 странах Вести.ру. Эскеремын 2022-05-06 аре
- ↑ США и Великобритания запретили проведение "Бессмертного полка" РИА Новости. — ещё сообщалось о запрете в Казахстане, но это ошибка: просто шествие там пройдёт под другим названием. Эскеремын 2022-04-29 аре
- ↑ Акция "Бессмертный полк" в России 9 Мая пройдет в смешанном формате ТАСС. Эскеремын 2023-04-18 аре
- ↑ Парады и шествия "Бессмертного полка" не будут проводить в шести субъектах России - Родина, Родина. Дата обращения: 19 оштолэзе 2024.
Чӧлсконъёс
- Официальный сайт общероссийского общественного гражданско-патриотического движения «Бессмертный полк России»
- Официальный сайт межрегионального историко-патриотического общественного движения «Бессмертный полк»
- «Бессмертный полк» шагает по планете
- Песня «Бессмертный полк»
- «Глубокий и простой посыл». Участники первого «Бессмертного полка» о его появлении и смысле Дня Победы
- Официальный сайт «Бессмертный полк — Италия»
Бессмертный полк на сайте Президентской библиотеки
Фото но видео
Гимн Бессмертного полка- Песня Бессмертный полк
- Видео марша «Бессмертный полк» в г. Силламяэ (Эстония) 9 мая 2016 года
- Бессмертный полк России 2016
- Как создавался Бессмертный Полк. Специальный репортаж
- Первый Бессмертный Полк. Томск. 9 мая 2012 года
- Бессмертный полк шагает по стране. Видеообзор 2014 года
- Семейная летопись на сайте Бессмертного Полка
- Парад Победы и шествие Бессмертного полка в Белгороде
 |
|
|---|
| Россиысь патриотической проектъёс | |
|---|---|
| Патриотической воспитание | |
| Ас кожазы луись проектъёс | |