Вормон диктант
РАН экспертиза
Экспертиза РАН
Россиысь Тодосъёсъя Академия
| Вормон диктант | |
|---|---|
 | |
| Типез | тест |
| Администраторез | Единая Россия, Россиысь историяя общество, Россиысь ожгар но историяя общество, Вормонлэн волонтёръёсыз, Россотрудничество |
| Эскеро | Быдӟым Атыкай ож сярысь тодон-валанъёсты |
| Ӵектослэн кылдэмез | 2019-тӥ арысен |
| Кыстӥське | 45 минут |
| Улос | быдэс дунне |
| Тестлэн кылыз | ӟуч, англи, француз, китай, испан, поляк, серб, монгол, грек |
| Дуныз | дунтэк |
| dictantpobedy.ru | |
Вормон дикта́нт (ӟуч: Диктант Победы) — Быдӟым Атыкай ожын Вормон нуналэз пусъёнлы сӥзем калыкез югдытонъя но Атыкай музъемез гажан мылкыд пыӵатонъя калыккуспо акция. Радъяське 2019-тӥ арысен «Единая Россия» партилэн «Историез тодэ ваён» проектэз улсын[1].
Акцилэн партнёръёсыз луо: Россиысь историяя общество, Россиысь ожгар но историяя общество, «Вормонлэн волонтёръёсыз» движение, озьы ик министерствоос, ведомствоос, кун луисьтэм но мерлыко огазеяськонъёс, кун корпорациос. Ужрадэ мыло-кыдо пырисько силовой ведомствоос: Обороная министерство, Росгвардия, Югдурез утёнъя министерство, МЧС.
Историез
Нырысьсэ «Вормон диктант» 2019-тӥ арын 7-тӥ куартолэзе радъяськиз. Со Быдӟым Атыкай ожын вормонлы 74 ар тырмонэз пусъёнлы сӥземын вал. Ужпумез луиз Россиын но мукет кунъёсын улӥсьёслэсь Россилэсь ожгар историзэ тодыны-валаны мылкыдзэс ӝутон[2].
Диктант Россиысь 85 улосъёсысь но 23 кунгож сьӧр кунъёсысь 1 300 интыосын ортчиз. Отчы 9-сен 90 аресозь 105 819 мурт пыриськиз[3].
Та ужрад бере «Вормон диктантэз» арлы быдэ радъян сярысь огкылысь пумкыл кутэмын вал.
2020-тӥ арын коронавируслэн пандемиеныз валче но тулыс карантинэн сэрен диктант 3-тӥ куарусёнлы выжтэмын вал.
2021-тӥ арын ужрад 29-тӥ оштолэзе ортчиз.
2022-тӥ арын «Вормон диктант» 3-тӥ куарусёнэ гожтӥськиз.
2023-тӥ арын акция 27-тӥ оштолэзе радъяськиз. Отчы РФ-ысь 89 улосысь но 46 кунгож сьӧр кунъёсысь ог 1,8 млн мурт пыриськиз. 923 сюрс адями диктантэз очно амалэн 21 сюрслэсь ятыр площадкаосын гожтӥз.
2024-тӥ арын акция ортчиз огъя нуналэ — 26-тӥ оштолэзе. Отчы пыриськыны луэ вал сайт диктантпобеды.рф пыр, озьы ик Россиысь вань улосъёсысь но 61 кунгож сьӧр кунъёсысь 28 сюрс интыосын[4][5]. Одӥг но ӝыны сюрслэсь трос площадкаос кылдытэмын вал Обороная Министерстволэн, Росгвардилэн, МВД-лэн но МЧС-лэн ожгар частьёсазы, подразделениосазы, дышетон ужъюртъёсазы. Озьы ик аэропортъёсын, пассажир самолётъёсын, чугун сюрес вокзалъёсын, кыдёке мынӥсь поездъёсын юанъёслы валэктон сётыны луонлык кылдытэмын вал.
«Та акцилэн валтӥсь ужпумез — поколениослэсь кусыпъёссэс утён, Быдӟым Атыкай ож сярысь, Горд армилэн но Совето Союзлэн гитлер Германиез пазьгонын кужымез но интыез сярысь зэмлыкез утён. Та нуналъёсы Россиысь уно дасо сюрс солдатъёс но офицеръёс, азьвыл аръёсы пуромем учыръёс сярысь тодон-валанъёсты ожгар тӥрлыкез сямен кутыса но асьсэлэн песятайёссылэсь но соослэн атайёссылэсь адӟем карыса, киязы пыӵалэн Родинамылэсь рубежъёссэ утё, кунмес неонацистской урод кужымлэсь утё. Россиысь трос миллион мыло-кыдо адямиос фронтлы юртто. Соин ик „Вормон диктант“ — со югдытон уж гинэ ӧвӧл, со — быдӟым граждан акция но, асьме кунмылэн улон-вылоназ пыриськон но соин герӟаськемез огез пусъён амал.»
— Сергей Нарышкин, Россиысь историяя обществолэн тӧроез[6]
2025-тӥ арын 25-тӥ оштолэзе «Вормон диктант» Россиысь но дуннеысь 90-лэсь ятыр кунъёсысь 35 сюрс интыосын радъяськиз[7]. Историяя тестэ Быдӟым Атыкай ож сярысь 25 юанъёс пыризы. Радъясьёс верамъя, вормисьёсты дипломъёсын, дуно кузьымъёсын сӥлы каризы, соослы озьы сётӥськиз луонлык Быдӟым Атыкай ожын Вормонлы 80 ар тырмонлы сӥзем парадэ пыриськыны[8]. Курск улосысь правительствоын ивортӥзы, диктантэз ожгар службаысь 94 аресъем ветеран, лётчик, тылож мышкын ужам мурт Виктор Шатохин гожтӥз шуыса[9].
Юанъёс
Вормонлы сӥзем диктант кык вариантлэсь дасямын, котькудаз 25 юан пыртэмын. Валэктонъёслы висъям дыр — 45 минут.
Юанъёс пӧртэм пумоесь: текстын кельтэм кылъёсты гожтоно, ожлы сӥзем поэмалэсь авторзэ нимано, сётэм люкетъя карез, учырез яке ожгаре пыриськисез верано. Куд-ог юанъёс герӟаськемын Быдӟым Атыкай ожлы сӥзем чеберлыко фильмъёсын но монументъёсын. Кунгож сьӧрын диктантэ интыенызы герӟаськем юанъёс пыртэмын луыны быгато.
Тодон-валанъёсты эскеронлы дасяськон вылысь акцилэн сайтаз онлай амалэн пусйиськоно но диктантэз кылдытӥсьёсын дасям тренировкалы чаклам тестъёсты ортчоно[10]. Дасяськон вылысь радъясьёс ӵекто Россиысь историяя обществолэсь материалъёссэ кутыны.
Нимысьтыз заданиосты тестирование ортчон нуналэ гинэ шараяло. Кылсярысь, 2023-тӥ арын юанъёс сӥземын вал Сталинград ожмаськонлы но Курск ожмаськонлы, Нюрнберг процесслы, Донбассэз немец-фашист оккупацилэсь мозмытонлы но Ленинградэз тушмонэн котыртэм ки улысь поттонлы.
2024-тӥ арын диктантысь заданиос сӥземын вал Ленинградэз быдэсак мозмытэм дырысен 80 ар тырмонлы, совето войскоослэн СССР-лэн кунгожъёсыз дорозь потэмзылы, фронтовик гожъяськисьёслэн юбилейёссылы но мукет буре ваён нуналъёслы[11][12]. Юанъёс 8 кылъёсы берыктэмын: англи, француз, испан, поляк, серб, монгол, китай но грек[4]. 25 юанъёсты дасязы Россиысь историяя но Россиысь ожгар но историяя обществоосысь экспертъёс. Соос пӧлысь 20-ез сӥземын огъя ожгар историяя тематикалы, 5-ез — улосысь[13].
Пыриськон понна
- Вормонлы сӥзем диктант очно (акцилэн площадкаосаз) но онлайн амалэн радъяське.
- Диктантэ вань мылкыд карисьёс пыриськыны быгато, арлыдзы но кунмуртлыксы шоры учкытэк.
- Дистант амалэн диктант гожтон понна акцилэн официальной луись сайтысьтыз ас кабинетын пусйиськоно. Пусйиськон дыръя аслэсьтыд быдэс нимтулдэ, вордскем нуналдэ но улон интыдэ гожтоно. Собере вуоз смс-юнматон.
- Тестэз онлайн лэсьтыку, йылпумъянъёсты сайтысь ас кабинетысь соку ик шедьтыны луэ. Озьы ик ас кабинетын луонлык сётӥське пыриськиськем но вормем сярысь нимын дипломъёсты кыскыны-поттыны.
- Улосъёсысь «Вормон диктант» площадкаосын пыриськисьёслы сётӥсько нимысьтыз идентификацияя номеръёс. Йылпумъянъёсты тодон понна 13 пусэн номеръёс кулэ. Соос площадкаын гожъяськон нуналэ бланкъёсын ӵош сётӥсько[14].
- Улосъёсысь площадкаосын очно амалэн гожтэм тестирование пыр потэм но тужгес трос балл люкам абитуриентъёс вузъёсы пырон вылысь ватсам балл басьто[15].
Почта марка
2024-тӥ арын 26-тӥ оштолэзе «Вормон диктантлы» сӥзем почта марка потӥз. Вылаз суредамын историяя но югдытонъя акцилэн пусэз. Ватсаса поттэмын нырысетӥ нуналысь конвертъёс, нимысьтыз пусъёнъя штемпельёс лэсьтэмын: Москва, Волгоград, Мурманск, Пенза, Рязань, Тверь, Якутск но Ярославль понна[16].
Ватсам ивортон
- 2023-тӥ арысен «Вормон диктант» акция улсын «Вормон автопробег» ретроралли ортчылэ[17].
Валэктонъёс
- ↑ Диктант Победы [ӟуч] Единая Россия. Эскеремын 2026-04-13 арын
- ↑ Анастасия Сивякова (2024-04-18) Как принять участие в «Диктанте Победы» 26 апреля и где пройдёт тестирование [ӟуч] РИАМО. Эскеремын 2026-04-13 арын
- ↑ В акции «Диктант Победы» приняли участие около 100 тысяч человек [ӟуч] РИА Новости. Эскеремын 2026-04-13 арын
- ↑ 1 2 «Диктант Победы» напишут в 58 странах мира [ӟуч] Россотрудничество (2024-04-17). Эскеремын 2026-04-13 арын
- ↑ Игорь Геращенко, Александр Хинштейн Диктант Победы в 2026 году [ӟуч] kp.ru. Эскеремын 2026-04-13 арын
- ↑ 61 страна, 28 тысяч площадок: «Единая Россия» в шестой раз провела «Диктант Победы» [ӟуч] Единая Россия (2024-04-26). Эскеремын 2026-04-13 арын
- ↑ В Белоруссии больше тысячи человек зарегистрировались на «Диктант Победы» [ӟуч] РИА Новости (2025-04-24). Эскеремын 2026-04-13 арын
- ↑ «Диктант Победы» стартовал в 90 странах мира [ӟуч] Первый канал (2025-04-25). Эскеремын 2026-04-13 арын
- ↑ В Курской области 94-летний ветеран принял участие в «Диктанте Победы» [ӟуч] РИА Новости (2025-04-25). Эскеремын 2026-04-13 арын
- ↑ Диктант Победы – 2024 [ӟуч] Российская государственная детская библиотека (2024-04-22). Эскеремын 2026-04-13 арын
- ↑ «Диктант Победы» пишут на центральной площадке в Музее Победы в Москве [ӟуч] Российская газета (2024-04-26). Эскеремын 2026-04-13 арын
- ↑ Акция «Диктант Победы» [ӟуч] Моро-Орловская средняя общеобразовательная школа (2024-04-18). Эскеремын 2026-04-13 арын
- ↑ Михаил Дорофеев (2024-04-26) Состоялась VI Международная историко-просветительская акция «Диктант Победы» [ӟуч] Российское историческое общество. Эскеремын 2026-04-13 арын
- ↑ Как принять участие в «Диктанте Победы» 26 апреля и где пройдет тестирование [ӟуч] РИАМО (2024-04-22). Эскеремын 2026-04-13 арын
- ↑ 26 апреля 2024 года состоится ежегодная Международная просветительско-патриотическая акция «Диктант Победы» [ӟуч] Российское историческое общество (2024-04-26). Эскеремын 2026-04-13 арын
- ↑ 26 апреля в почтовое обращение вышла марка, посвящённая Международной историко-просветительской акции «Диктант Победы» [ӟуч] rusmarka.ru (2024-04-26). Эскеремын 2026-04-13 арын
- ↑ «Единая Россия» провела «Автопробег Победы» в Москве, Нижнем Новгороде и Севастополе [ӟуч] Единая Россия. Эскеремын 2026-04-13 арын
