Барамзина, Татьяна Николаевна

Википедиысь материал
Эскерем гожтос
Татьяна Николаевна Барамзина
Барамзина Татьяна Николаевна.jpg
Вордӥськем дырыз 19-тӥ толсуре 1919({{padleft:1919|4|0}}-{{padleft:12|2|0}}-{{padleft:19|2|0}})
Вордӥськем интыез
Кулэм дырыз 5-тӥ пӧсьтолэзе 1944({{padleft:1944|4|0}}-{{padleft:7|2|0}}-{{padleft:5|2|0}}) (24 года)
Кулэм интыез
Кунмуртлыкез СССРFlag of the Soviet Union.svg СССР
Кыӵе войскоез пехота
Служить карон аръёсыз 1944
Званиез ефрейтор Ефрейтор
Частез 252-тӥ стрелковой полк
(70-тӥ стрелковой дивизия)
Ожмаськонъёс/ожъёс Великая Отечественная война
Данъетъёсыз
Логотип РУВИКИ.Медиа Медиафайлъёс РувикиМедиа пушкын

Татья́на Никола́евна Барамзина́ (вордӥськиз 1919-тӥ арын 19-тӥ толсуре Глазовын (Ватка губерния ) — 1944-тӥ арын 5-тӥ пӧсьтолэзе Смолевичи кар (Минск улос) — совето снайпер но телефонистка, Быдӟым Атыкай оже пыриськем мурт, Совето Союзлэн Героез (1945, кулэмез бере). Ефрейтор.

Быдӟым Атыкай ож вакытэ Снайперъёсты дышетонъя нылкышно шор школаез быдтӥз. 1944-тӥ арын оштолэзьысен 2-тӥ Белорус фронтын ожмаськиз, 16 тушмон солдатэз быдтӥз. Синмыз ляб адӟыны кутскемен, телефонисткалы дышетскиз. 1944-тӥ арын 5-тӥ пӧсьтолэзе Татьяна Барамзина 252-тӥ стрелковой полклэн 3-тӥ стрелковой батальонэныз ӵош (70-тӥ стрелковой дивизия, 62-тӥ стрелковой корпус, 33-тӥ армия, 2-тӥ Белорус фронт) тушмонлэн мышпалаз потыса, сюрес герӟетэз басьтыны но асьме валтӥсь кужымъёс вуытозь сое возьыны ыстэмын вал. Боевой задание мыныкуз, батальон шуак тушмон ки улэ шедиз. Кужымъёс одӥг кадь луымтэен, батальон быдэсак пазьгемын вал, Барамзина пленэ шедиз. Кулон азяз Татьянаез тодманы луонтэм курадӟытӥзы, берло эшъёсыз йырсиезъя но кылем обмундированиезъя гинэ тодманы быгатӥзы.

Улон сюресэз

Войналэсь азьпал

Татьяна Барамзина вордӥськиз Глаз карын (Удмурт Элькун ) трос нылпиё семьяын. Атаез, Николай Макарович, чугун сюрес вылын ужаз, НЭП вакытэ «кык разрядъем патентъя» нянен вузкаременыз, быръён праволэсь палэнтэмын вал. Анаез, Марфа Митрофановна, юртъерез возиз, 1928-тӥ арысен кузпалыз интые вузкарыны кутскиз. 1931-тӥ арын быръён правооссэ берентыны быгатӥз ке но, вузкаремысь ӧз дугды. Соин 1933-тӥ арын Барамзинъёслэсь корказэс талазы[1].

Таня пичиысен кужмо но кышкасьтэм будӥз. Капчиен Чупчи шур вамен уяса поталляз[1]. Школаын сизьым классэз йылпумъямез бере, Глазовысь педагогикая училищеын дышетскиз. Комсомолэ пыриз, Осоавиахим но РОКК огазеяськонъёслэн ёзчиез луиз, винтовкаысь ыбылӥськыны дышиз. 1939-тӥ арын пӧсьтолэзе Барамзина училищелэн школьной ёзэтысьтыз вань экзаменъёссэ экстерн амалэн сётыса, дышетӥсь луэмез сярысь аттестат басьтӥз. Ужаз Глаз ёросысь школаосын: 1936—1937-тӥ аръёсы — Верх-Парзи черкогуртысь школаын (али — Парзи черкогурт), 1937—1938-тӥ аръёсы — Омутница гуртысь покчи классъёсын дышетӥз, 1938—1940-тӥ аръёсы Кашкашур гуртысь сизьым классъем школаын ужаз[2].

1940-тӥ арын Молотовысь педагогикая институтэ географи факультетэ дышетскыны пыриз. Дун тырыса дышетсконо луэмен, 1943-тӥ арын инвожо толэзёзь Шпальный каргуртысь (али — Пермьысь Парковой микрорайонэз луэ) Молотовской мясокомбинатлэн 90 номеро нылпи юртын воспитатель луыса ужаз[3]. Война кутскем бере ик фронтэ куриськиз , но сое ӧз басьтэ. Дышетсконзэ азьланьтыса, эвакуировать каремъёслэн нылпи садазы воспитатель луыса ужаз, эмсузэръёсты дышетонъя курсъёсты ортчиз, висисьёслы вирзэ сётылӥз[1].

Быдӟым Атыкай ож

1943-тӥ арын Снайперъёсты дышетонъя нылкышно шор школае кутӥзы, сое йылпумъяса, 1944-тӥ арын оштолэзе 3-тӥ Белорус фронтэ келязы. Ожмаськонъёсын Барамзина снайперской винтовкаысь 16 тушмон солдатэз вииз. Синмыз лябӟемен, телефонисткалы дышетскиз[1].

22 но 23-тӥ инвожое 1944-тӥ арын Малое Морозово гурт котырысь лек ожмаськонъёсын, Барамзина сӧриськем телефон герӟетэз тыл пыртӥ 14 пол тупатъяно луиз.

1944-тӥ арын 5-тӥ пӧсьтолэзе Барамзина 252-тӥ стрелковой полклэн 3-тӥ стрелковой батальонэныз ӵош (70-тӥ стрелковой дивизия, 33-тӥ армия, 3-тӥ Белорус фронт), боевой задачаез быдэстон понна, тушмонлэн мышказ келямын вал — батальонлы сюрес герӟетэз басьтыса, асьме войскоос вуытозь сое возьыны косэмын[1]. Задание мыныкузы Смолевич ёросысь Пекалин гурт котырын батальон тушмон вылэ ӝимиз. Ожмаськонын Барамзина сӧсырмемъёслы эм юрттэт сётъяз. Тушмонлэсь лыдъя трос луэмзэ валаса, со сӧсырмемъёслы тэле чигнаны, пыд вылазы султыны быгатӥсьтэмъёссэ — блиндаже ватскыны косӥз. Барамзина патронъёсыз бырытозь тушмон шоры ыбылӥз, кызьлэсь унозэ вииз. Тушмон солдатъёс блиндажез киултэм бере, вань сӧсырмемъёсты противотанковой пыӵалысь ыбылӥзы. Барамзинаез кема курадӟытыса возизы[4]. Берло йырсиезъя но кылем обмундированиезъя гинэ тодманы быгатӥзы[1].

Барамзина ватэмын 1944-тӥ арын 5-тӥ пӧсьтолэзе Петровичской сельсоветысь Волма станциын, 1963-тӥ арын лысьӧмыз Минск улосысь Смолевич ёросысь Калита гуртысь вынлыко шайгуэ выжтэмын[1].

Данъетъёсыз

  • Совето Союзлэн Героез (24.03.1945-тӥ арын, кулэмез бере)
  • Ленин орден (24.03.1945-тӥ арын, кулэмез бере)

Буре ваён

Пермьын Барамзиналы синпелет.
Педпал суредъёс
Памятник Т. Барамзиной в Ижевске.
Аннотационная доска. Улица Барамзиной в Подольске.
  • 1946-тӥ арын 8-тӥ куартолэзе Глазовысь Пролетарской ульча, кудаз улӥз Барамзина, солэн нимыныз нимамын[5]. Анаезлы, Марфа Митрофановналы, юртсэ берыктӥзы, 1960-тӥ аръёсы, куашкатытозязы, со Татьяна Барамзиналэн аспӧртэм музей-юртэз вал[1].
  • Глазовын[6] но Ижкарын Барамзиналы синпелетъёс пуктэмын.
  • Белорус ССР-ысь Министръёслэн Кенешсылэн 1988-тӥ арын 1-тӥ пӧсьтолэзе кутэм Пуктэтэзъя, Смолевич ёросысь Пекалинской шоръёзо школалы Совето Союзлэн Героезлэн Барамзина Татьяна Николаевналэн нимыз сётэмын.
  • Солэн нимыз сётэмын Пермьысь 86 номеро школалы, спортъя детско-юношеской школалы но Ижкарысь 53 номеро школалы. Глазовысь 2 номеро школаын дышетскемъёслэн лыдметазы пыраклы пыртэмын.
  • Пермьысь педагогикая институтлэн юртаз Т. Н. Барамзинаез буре ваён пул шуккемын[7].
  • Барамзиналэн нимыныз Минскысь, Глазовысь, Ижевскысь, Пермьысь, Подольскысь улчаос нимамын[7].
  • В. И. Николаев гожъяськись Т. Н. Барамзиналэн улэм-вылэмез сярысь «Танины тополя» книга гожтӥз (1970).
  • 2024-тӥ арын толсур толэзе Глаз ёросысь Парзи школалы Геройлэсь нимзэ сётон сярысь решение кутэмын. Та школаын Татьяна Барамзина войналэсь азьпал географиен дышетӥз [8].

Валэктонъёс

  1. ↑ 1 2 3 4 5 6 7 8 Кочин Глеб Таня с улицы Пролетарской Эскеремын 2012-11-20 арын
  2. ↑ Симонов А. А. Барамзина Татьяна Николаевна
  3. ↑ Г. А. Кочин, научный сотрудник музея Город Пермь в судьбе Героя Советского Союза Татьяны Барамзиной
  4. ↑ Архив МО СССР. Ф. 33. Оп. 793756. Д. 4. Л. 29
  5. ↑ Архивное управление Администрации города Глазова, Р-31. Оп. 1. Д. 170. Л. 111.
  6. ↑ Вечная слава героям Великой Отечественной Специальная (Коррекционная) образовательная школа №5 г. Глазова. Эскеремын 2012-11-29 арын
  7. ↑ 1 2 Уфаркин Н. В. Татьяна Николаевна Барамзина [ӟуч] «Герои страны» сайт.
  8. ↑ Школе в Глазовском районе Удмуртии присвоят имя Татьяны Барамзиной, udm-info.ru (23 толсуре 2024). Эскеремын: 25 толсуре 2024 арын.

Литература

Энциклопедии и справочники
  • Барамзина Татьяна Николаевна // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Памятник Герою Советского Союза Т. Н. Барамзиной, погибшей 5 июля 1944 г. // Памятники истории и культуры Удмуртии: каталог / ред. О. П. Майкова. — Изд. 2-е, перераб. — Ижевск, 1990. — С. 25—26.
Очерки и мемуары
  • Крюков И. До последнего патрона // Героини: очерки о женщинах — Героях Советского Союза / ред.-сост. Л. Ф. Торопов; предисл. Е. Кононенко. — Вып. 1. — М.: Политиздат, 1969. — 447 с.
  • Татьяна Николаевна Барамзина (1919—1944) // Знаменательные даты г. Глазова — 2004 / ПНБ им. В. Г. Короленко. — Глазов, 2003. — С. 29—30.
  • Кулёмин И. Г., Сентемова Л. Ф., Ислентьева Р. А. Герои Советского Союза — наши земляки. — Устинов, 1985. — С. 14.
  • Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — С. 41. — 607 с. — 65 000 экз.
  • Николаев Виталий Ильич. Танины тополя

Архивная копия от 4 южтолэзе 2016 на Wayback Machine — Ижевск: Удмуртия, 1970. — 80 с. — 30 000 экз.

  • Героини. Вып. 1. — М. , 1969. — С. 29—36.
  • Симонов А. А., Чудинова С. В. Женщины — Герои Советского Союза и России. — М.: Фонд «Русские Витязи», Музей техники Вадима Задорожного, 2017. — 352 с. — ISBN 978-5-9909607-0-1
Статьи
  • Кочин Г. Неизвестные страницы жизни Татьяны Николаевны Барамзиной, Героя Советского Союза // Красное знамя. — 2012. — 25 янв. — С. 3.
  • 19 декабря 2009 года Татьяна Барамзиналы тырмысал 90 арес = 19 декабря Татьяне Барамзиной исполнилось бы 90 лет / подготовила Елена Пономарёва // Иднакар. — 2009. — 22 дек. — С. 3. — Содерж.: Ноку вунонтэм = Никогда не забудем; Дауръёслы — сюлмамы = В сердце — навеки; Танялы сизьыса… = Посвящая Тане.
  • Конюхова Т. Ф. Барамзина Т. Н. // Огненные детство и юность: очерк. — Ижевск, 2007. — С. 25.
  • Варанкина О. Всё перечеркнула война: Именем этой девушки названы улицы в Глазове, в Ижевске, Перми, Подольске, Минске: [Т. Н. Барамзина] // Красное знамя. — 2004. — 21 дек. — С. 3.
  • Варанкина О. «Живая вернусь героем…»: [к 85-летию со дня рождения Героя Советского Союза Татьяны Барамзиной] // Мой город. — 2004. — 23 дек. — С. 15.
  • Сунцова Н. Беларусь музъем понна… = За землю Белоруссии: [Т. Н. Барамзина] // Иднакар. — 2004. — 21 дек. — С. 4.
  • Голубева Г. Памятник Герою Советского Союза Татьяне Барамзиной // Ленинский путь. — 1958. — 10 дек. — С. 1.

Чӧлсконъёс

«https://udm.ruwiki.ru/w/index.php?title=Барамзина,_Татьяна_Николаевна&oldid=425549»-ысь басьтэмын