Балезино

Посёлок
Балезино
Флагез Гербез
57°58′41″ с. ш. 53°00′18″ в. д.
Кун	Россия
Историез но географиез
Кылдэмын	1897
Шор интыезлэн ӝуждалаез	154
Улӥсез
Улӥсез	▼14 459 мурт (2021)
Цифровой идентификаторъёс
Телефон кодэз	34166
Почта индекс	427550
balezino.udmurt.ru
Балезино
Медиафайлъёс РувикиМедиа пушкын

Балезино — Удмуртиын кар типъем посёлок, Балезино ёрослэн административной центрез. Интыяськемын Удмуртилэн уйпалаз — Чупчи шурлэн паллян ярдураз. Балезиноысен Ижозь — 150 километр, Глазозь — 30 километр. Сое сурано ӧвӧл та ёросысь ик Балезино черкогуртэн.

Историез

Нырысьсэ Балезино сярысь кылпум потӥз 1586-тӥ арын ӟуч переписной книгаын.

1746-тӥ арын Балезиноын Петропавловской черк пуктӥзы.

1796-тӥ арысен Балезино пыриз Вятской губернилэн Глазовской уездаз.

1897-тӥ арын та интыостӥ Транссибирской чугун сюрес валён кутскиз. Озьы черкогурт кылдӥз.

1901-тӥ арын Балезино пыр ӝутыны ӧдъязы Ватка-Пермь чугун сюресэз. Талы луыса черкогурт бадӟымаз-паськытаз.

1929-тӥ арын черкогурт Балезино ёрослэн шорсюлмыз луиз.

26-тӥ октябре 1938-тӥ арын Балезино городлы укшась посёлоклы пӧрмиз.

Ним кылдон

Черкогуртлы Балезино ним сётэм пумысен кык мадёс вань.

Нырысетӥез: 1586-тӥ арын эксэй Фёдор Иоаннович вынъёслы Даниил но Елизар Балезинъёслы ӟеч ужамзы понна Чупчи шур дурысь музъем кузьмам.

Кыкетӥез: «Балезино» кыл потэмын ыж но син кылъёс бордысь. Ыжлэн синъёсыз — озьы шуылӥзы татын улӥсьёс ошмес синэз.

Улӥсьёс

Улӥсез 16 сюрс котыр. Пӧлазы вань пӧртэм выжыысь калыкъёс: удмуртъёс — 52,6%, ӟучъёс — 28,2%, бигеръёс — 13,1%, музон калыкъёс — 6,1%.

Экономика но социальной удыс

Промышленность удыс татын рос-прос азинскиз. Туннэ тыро-пыдо ужало: механикая завод, техникаез тупатонъя предприятие, лэсьтӥськон удыслы чаклам материалъёс дасянъя завод, типография, етӥн сэстонъя завод, вӧй шукконъя завод, нянь пыжонъя но колбаса пӧранъя комбинат, куинь банк.

Балезиноын вань 5 школазы, 48 номеро ПТУ-зы, кинотеатрзы, нылпи юртсы, библиотеказы, шаертодонъя музейзы. Черкогуртын йӧн-йӧн сыло историысь 5 памятникъёс.

2000-тӥ арын 5-тӥ пӧсьтолэзе — Балезино ёрос администрацилэн йырыз каргуртын Балезино ёросысь историяя но шаертодонъя музей кылдытон сярысь постановление поттӥз.

Транспорт

Балезино станция - Удмуртиысь бадӟым чугун сюрес герд.