Асабин, Игорь Владиславович
| Игорь Владиславович Асабин | |
|---|---|
 | |
|
| |
 Удмурт Элькун Кивалтэтлэн Тӧроезлэн воштӥсез
 |
|
| 2023-тӥ арысен | |
| Кивалтэтлэн тӧроез | Роман Ефимов |
| Улослэн тӧроез | Алексадр Бречалов |
|
|
|
| Вордӥськемын |
14-тӥ куартолэзе 1967 (59 лет) |
| Дышетскемез | |
Асабин, Игорь Владиславович (ворд. 14-тӥ куартолэзе 1967, Северное[d], Оренбург улос) ― Удмурт Элькун Кивалтэтлэн Тӧроезлэн воштӥсез. Топливно-энергетической комплексэн, транспортэн но сюрес возёсэн, лэсьтӥськонэн но жилищно-коммунальной комплексэн герӟаськем ужпумъёслэн быдэсмемзы понна кылкутэ[1].
Улон сюресэз
Вордӥськиз 1967-тӥ арын 14-тӥ куартолэзе Оренбург улосысь Северное черкогуртын. 1985-1986-тӥ аръёсы Ожтӥрлыко кужымъёслэн радазы службазэ ортчиз. 1992-тӥ арын Ижысь механикая институтэз йылпумъяз, «Оборудование но сварочной производстволэн технологиез» ӧнеръя. 2013-тӥ арын — Удмурт кун университетэз «Юриспруденция» ӧнеръя[2].
Ужудысэз
Игорь Асабин 15 ар пала лэсьтӥськон но инженерной удысъёсын ужаз. Механикая институтэз йылпумъямез бере, 1992-тӥ арысен «Удмурттрубопроводстрой» компаниын прораб луыса тыршиз. 1994-тӥ арысен «Трансферо» Евроазиатской фрахтовой компаниын автослужбаен кивалтӥз. 1995-тӥ арысен «Удмурттрубопроводстрой» компаниын участокен кивалтӥз, прораб, собере валтӥсь инженер луыса ужаз. 2000—2008-тӥ аръёсы «Ижтрубопроводстрой» ООО-ын валтӥсь инженер, директор, гкенеральной директор, лэсьтӥськонъя директор вал.
2008-тӥ арын Сарапул ёрослы тӧрое быръемын. Со ужан вакытэ ёрос шӧдскымон азинскиз. 2017-тӥ арын экономикалэн, инфраструктуралэн но инновационной но социально-культурной азинскемезъя Россиысь 100 тужгес усто муниципалитетъёс пӧлы пыртэмын. Ачиз Асабин ― 2021-тӥ арын ужан пайдалыкезъя Удмурт Элькунысь 3 тужгес устоосыз муниципал округъёслэн тӧрооссы пӧлы. Игорь Асабинлэн азинлыко быдэстэм ӵектосъёсыз пӧлын: Сигаево но Шевырялово черкогуртъёсын 80 интылы ясли пуктон, ёросысь 5 школаосын «Точка роста» центръёс но модельной библиотека усьтон, Нечкиноын культура юрт пуктонэз йылпумъян, Шадрино, Девятово гуртъёсын но Октябрьский черкогуртын ФАП-ъёс кылдытон[1].
2022-тӥ арын толсур толэзе Александр Бречалов Сарапул ёрослэсь азьвыл тӧрозэ вице-премьерлэсь ужзэ быдэсъясе юнматӥз. 2023-тӥ арын тулыспалэ солэсь кандидатуразэ Кун Кенешысь ваньмыз депутатъёс умоен лыдъязы. Со арын ик 13-тӥ южтолэзе Удмуртилэн тӧроез Асабинэз Кивалтэтлэн тӧроезлы воштӥсе юнматӥсь косэт гожтӥз[2].
Семьяез
Кузпалъяськемын. Кык нынылпи будэто, Маша но Полина[3].
Данъетъёсыз
- Росси Федерациысь Энергетикая министерстволэн Данъян грамотаез;
- Удмурт Элькун Кивалтэтлэн Данъян грамотаез;
- Удмурт Элькунысь сӥё-дано строитель[4].
Валэктонъёс
- ↑ 1 2 Государственный Совет одобрил кандидатуру Игоря Асабина для назначения на должность заместителя Председателя Правительства Удмуртии [ӟуч] Государственный Совет Удмуртской Республики (22.02.2023). Эскеремын 18 шуркынмонэ 2025 арын
- ↑ 1 2 Игорь Бобров (13-03-2023) Игорь Асабин официально стал вице-премьером Удмуртии [ӟуч] izhlife. Эскеремын 18 шуркынмонэ 2025 арын
- ↑ Асабин Игорь Владиславович [ӟуч] Декларатор. Эскеремын 18 шуркынмонэ 2025 арын
- ↑ Анастасия Захарова (8 декабря 2022) Игорь Асабин станет и.о. вице-премьера Удмуртии по строительству и дорогам [ӟуч] Комсомольская правда. Эскеремын 18 шуркынмонэ 2025 арын
Чӧлсконъёс
Удмурт Элькунлэн али ужась кивалтэтэз | |
|---|---|
| Тӧроез | |
| Нырысетӥ воштӥсез | |
| Воштӥсьёсыз |
|
| Министръёс |
|
| Удмурт Элькун комитетъёслэн тӧрооссы |
|
| Удмурт Элькун управлениослэн кивалтӥсьёссы |
|
| Удмурт Элькун агентствоослэн кивалтӥсьёссы |
|
