Анисимов, Николай Владимирович

Николай Владимирович Анисимов
Николай Владимирович Анисимов
Вордӥськем нуналыз	23-тӥ толсуре 1989 (36 лет)
Вордӥськем интыез	Выль Тӥгырмен, Лутоха муниципал кылдытэт[d], Кияса ёрос, Удмурт Автономной Советской Социалистической Республика, РСФСР, СССР;
Кун	СССР; Россия;
Ужудысэз	кырӟась, тодосчи
Данъетъёсыз	филология наукаосъя кандидат[d]
	Медиафайлъёс РувикиМедиа пушкын

Николай Владимирович Анисимов (ворд. 23-тӥ толсуре 1989, Выль Тӥгырмен, Удмурт Автономной Советской Социалистической Республика) — удмурт но эстон филолог-фольклорист но тодмо кырӟась. Филология тодосъёсъя кандидат.

Улон сюресэз

Вордӥськиз 1989-тӥ арын 23-тӥ толсуре Удмурт АССР-ысь Кияса ёросысь Выль Тӥгырмен гуртын. Школаез йылпумъямез бере Удмурт кун университетысь удмурт филологияя факультетэ пыриз, 5-тӥ курсысен ӝыны ар ӵоже воштӥськон программая Сыктывкарын дышетскиз, коми кылэз дышетӥз^[2]. 2012-тӥ арын, диплом басьтыса, Тарту университетэ докторантурае дышетскыны пыриз. 2017-тӥ арын диссертацизэ утиз^[3].

2017-тӥ арысен Эстониысь литература музейын но Историяя, кылъя но литературая Удмурт институтын ужа^[2].

Тодос

Н. Анисимов удмуртъёслэсь лулчеберетсэс эскере. Со кичӧлтэмъя 2 бичетъёс потӥзы: Кияса ёросысь фольклор материалэн «Тӥгырмен гуръёс» (Ижевск, 2012) но «Лымшор удмуртъёслэн кырӟанъёссы» (Ижевск ; Тарту, 2015) книгаос^[4].

Творчествоез

Николай Анисимов пичи дырысеныз кырӟаны яратэ. Студент аръёсаз «Чипчирган» ансамбле ветлӥз, нош бӧрысь, 2012-тӥ арысен, — Тарту карын улӥсь удмуртъёслэн «Юмшан гур» ансамблязы. 2014-тӥ арын бесерман кырӟасен Мария Корепановаен но крезьгур тӥрлыкъёсын шудӥсь Тойво Сымерен АR-GOD этно-проект кылдытӥз^[3].

Удмурт учкисьлы Н. Анисимов тодмо луиз «Эн люкиське» кырӟанэз быдэстэмез бере. 2016-тӥ арын Алёна Тимерхановаен «Улон дауръёс» диск поттӥз^[3].

Н. Анисимов пӧртэм крезьгуро вожвылъяськонъёсы пыриське но вормылэ, кылсярысь, «Удмурт кырӟан — 2011»; «Зарни перепеч» (2012). Тодмо удмурт артистъёсын — Иван Котельниковен, Андрей Корниловен, Алёна Тимерхановаен но Ури-бери Оринаен — концертъёсын Удмуртилэн пӧртэм сэрегъёсаз но палэнын улӥсь удмуртъёс доры вуылэ^[2].

Валэктонъёс

↑ Портал эстонских исследований
↑ ¹ ² ³ Мария Векшина Анисимов Николай Владимирович [удм.] Воршуд.
↑ ¹ ² ³ Николай Анисимов [ӟуч] Воршуд.
↑ Геннадий Парфёнов «Тӥгырмен гуръёс» [удм.] Удмурт дунне.

[_6c484a44f3cc7c7e-1] Портал эстонских исследований

[:0-2] ¹ ² ³ Мария Векшина Анисимов Николай Владимирович [удм.] Воршуд.

[:1-3] ¹ ² ³ Николай Анисимов [ӟуч] Воршуд.

[4] Геннадий Парфёнов «Тӥгырмен гуръёс» [удм.] Удмурт дунне.

[1]

[2]

[3]

[4]