Тимерханова, Алёна Геннадьевна
| Алёна Геннадьевна Тимерханова | |
|---|---|
 | |
| Вордӥськем нуналыз | 10-тӥ шуркынмонэ 1983 (42 года) |
| Вордӥськем интыез | |
| Кун | |
| Ужудысэз | кырӟась |
Алёна Геннадьевна Тимерханова (ворд. 10-тӥ шуркынмонэ 1983, Екатеринбург) — тодмо удмурт кырӟась.
Улон сюресэз
Вордскиз 1983-тӥ арын 10-тӥ шуркынмонэ Свердловскын. 1995-тӥ арысен будӥз Башкириысь Вязовка удмурт черкогуртын. Школа аръёсаз пыриськиз крезьгуръя уно вожвылъяськонъёсы но фестивальёсы, быгатӥсь удмурт нылпиос понна «Шундыкар» лагере ветлӥз[1].
Школа бере, 2001-тӥ арын, А. Тимерханова Крезьгуръя элькун училищеысь калык хоръя ёзэтэ дышетскыны пыриз. Студентъёслэн «Зангари» ансамблязы кырӟаз. Баянэн, крезен, флейтаен, балалайкаен но мукет крезьгуро инструментъёсын шудыны дышетскиз[2].
Диплом басьтыса, Башкирие берытскиз. Ужаз Вылӥ Татышлыысь лулчеберетъя юртын[2].
2012-тӥ арысен улэ но ужа Удмуртиын[1].
Учкисьёс доры ӵемысь вуылэ Николай Анисимовен, Иван Котельниковен, Андрей Корниловен но Ури-бери Оринаен ӵош[1].
А. Тимерхановалэн тужгес тодмо луэм но калык пӧлын яратоно кырӟанъёсыз: «Италмас» (быдэстэ Николай Анисимовен ӵош), «Мемие», «Ваче ки кутӥськыса» (юрттэ Иван Котельников), «Тӧдьы юсьёс» (пор кырӟасен Йорга Качеен ӵош), «Мон курисько тонэ», «Синъёсме усьтӥсько», «Куарадэ но вунэтӥ», «Яратӥ вал мон», «Толон гинэ» но мукетъёсыз.
Семья
Алёна Тимерханова вазь бызиз. Данил пиез вордӥськиз. Но картэныз кема ӧз улэ, люкиськизы[2].
Кыкетӥ картэз — тодмо удмурт кырӟась Иван Котельников. Соин ӵош будэто Милана нылзэс[3][4].
Вормонъёсыз
- «Молодые голоса» улоскуспо вожвылъяськон (2006) — гран-при
- «Зарни Перепеч» крезьгур премия (2013, Ижевск) — II степенё лауреат
- «Кык кизилиос» шоу-проект (2012, Ижевск) — II степенё лауреат
- «На крыльях таланта» (2012, Санкт-Петербург), Альфира Камалтдиноваен дуэт — 1-тӥ инты[1]
Валэктонъёс
- ↑ 1 2 3 4 Алёна Тимерханова [ӟуч] Воршуд.
- ↑ 1 2 3 Тимерханова Алёна Геннадьевна [удм.] Воршуд.
- ↑ Елена Скворцова Иван Котельников: Горд йырси, интернат но баян [удм.] Удмурт дунне.
- ↑ Алёна Ионина Егит анай шудо, ужа ке [удм.] Удмурт дунне.