Ушаков, Александр Александрович (кун ужась)
| Александр Александрович Ушаков | ||
|---|---|---|
 | ||
|
| ||
.svg){kind=small} «Ижкар» муниципал кылдытэтлэн йырыз
|
||
| 2010-тӥ арын 10-тӥ коньывуонысен — 2015-тӥ арын 8-тӥ коньывуонозь | ||
| Азьпалчиез | Виктор Васильевич Балакин | |
| Бӧрысьчиез | Юрий Александрович Тюрин | |
|
|
||
| Вордӥськемын |
11-тӥ инвожое 1960 (66 лет) |
|
| Дышетскемез | Урал политехникая институт | |
| Данъетъёсыз |
|
|
 Медиафайлъёс РувикиМедиа пушкын | ||
Александр Александрович Ушаков (ворд. 11-тӥ инвожое 1960, Глаз, Удмурт Автономной Советской Социалистической Республика) — «Ижкар» муниципал кылдытэтлэн йырыз (2010—2015).
Улон сюресэз
1968-тӥ—1977-тӥ аръёсы Глазовысь 7 номеро школаын дышетскиз.
1977-тӥ—1983-тӥ аръёсы Урал политехникая институтысь физико-технической факультетын «Шер пумиськись но пазьгиськись элементъёслэн технологизы» специальностья тодон-валан басьтӥз.
1983-тӥ арын, институтэз йылпумъяса, вордскем караз бертӥз но Чепца механикая заводэ мастер луыса интыяськиз.
1984-тӥ арысен мозмытэм инъет вылын комсомол уж борды басьтӥськиз.
1989-тӥ арын Чепца механикая заводысь 18 номеро цехысь лэсьтӥськон ёзэз валтыны ӧдъяз.
1992-тӥ арын Александр Александрович Глазовысь пищекомбинатлэн валтӥсь директорез луиз.
1997-тӥ арысен кивалтон ёзъёсысь валтӥсь интыосын тыршиз. Удмурт Элькунысь Кун Кенешын Ивортодэт но аналитика ласянь ужез радъянъя управлениез кивалтӥз, Кун Кенешысь аппаратлэн кивалтӥсезлэн воштӥсез, Кун Кенешлэн Тӧроезлэн секретариатэныз кивалтӥсь вал.
1999-тӥ арысен — элькунысь валтӥсь телерадиокомпанилэн — «Удмуртия» ГТРК-лэн — валтӥсь директорез.
2001-тӥ арын Удмурт Элькунысь Президентлэн администрацияз ужаны выжиз.
2001-тӥ арын Ижкар администрацилэн йырызлэн нырысетӥ воштӥсез — вице-мэр луиз.
2005-тӥ—2010-тӥ аръёсы Ижкарлэн администрациеныз кивалтӥз.
2010-тӥ арын Ижкар Думалэн 5-тӥ ӧтчамаз депутатэ но «Ижкар» муниципал кылдытэтлы йыре бырйиськиз[1].
2015-тӥ арын Ижкар Думалэн выль ӧтчамаз ӧз шедьы, солэн тӧроез карлы выль йыр луиз. Тодмо: депутатэ сюремъёс пӧлысь нокин но со понна мандатэзлэсь куштӥськыны ӧз дӥсьты[2]. Коньывуонэ выль тӧро быръемын ни вал.
2017-тӥ арын 27-тӥ южтолэзе Ижысь М. Т. Калашников нимо техникая кун университетысь мерлыко азинскон но нодъян ужпумъёсъя проректоре юнматэмын[3].
«Единая Россия» партилэн ёзчиез луэ.
Семьяез
Кышнояськемын, пиез вань.
Данъетъёсыз
2010-тӥ арын куартолэзе ужын бадӟымесь вормонъёс басьтэмез но трос аръёс ӵоже оскымон ужамез понна Росси Федерациысь Президентлэн указэныз «За заслуги перед Отечеством» II степенё медален пусъемын[4].
Валэктонъёс
- ↑ Новый глава Ижевска Александр Ушаков: «Менять, крушить - не в моих правилах»lang=ru izh.kp.ru (29 октября 2010). Эскеремын 11.07.2025 арын
- ↑ Евгений Зайнуллин. Александр Ушаков, по предварительной информации, не проходит в Гордуму Ижевска [ӟуч], izhlife.ru. Эскеремын: 11 пӧсьтолэзе 2025 арын.
- ↑ Проректором по социальному развитию ИжГТУ имени М. Т. Калашникова назначен Александр Ушаков [ӟуч], ФГБОУ ВО «ИжГТУ имени М.Т. Калашникова». Эскеремын: 11 пӧсьтолэзе 2025 арын.
- ↑ Медведев наградил медалями Александра Ушакова и Олега Рожкова [ӟуч] susanin.news (02 июня 2010). Эскеремын 11.07.2025 арын
Чӧлсконъёс
- Глава муниципального образования «Город Ижевск» Ушаков Александр Александрович [рус.], izh.ru. Эскеремын: 27 пӧсьтолэзе 2025 арын.