Лушников, Александр Матвеевич

Рувикиын таӵе фамилиен мукет муртъёс сярысь гожтосъёс вань. Учке: Лушников.

Александр Матвеевич Лушников
Вордӥськем дырыз	20-тӥ шуркынмонэ 1910(1910-11-20)
Вордӥськем интыез	Удмуртия
Кулэм дырыз	16-тӥ куартолэзе 1989(1989-05-16) (78 арес)
Кулэм интыез	Ижкар
Служить карон аръёсыз	1941—1945
Званиез
Данъетъёсыз

Александр Матвеевич Лушников (1910—1989) — Степной фронтысь 7-тӥ гвардейской армилэн 81-тӥ гвардейской стрелковой дивизилэн 235-тӥ гвардейской стрелковой полклэн орудиезлэн наводчикез. Совето Союзлэн Героез (1943)

Улон сюресэз

Александр Лушников вордӥськиз 1910-тӥ арын 20-тӥ шуркынмонэ Ватка губерниысь Сарапул уездын Вуж Монья волостьын Сепыч гуртын. (Али Удмуртиысь Дэри ёрос) ӟуч крестьян семьяын. Школаын начальной классъёсты йылпумъямез бере колхоз кебитын ужаз.

1941-тӥ арын гудырикошкон толэзе Горд Армие басьтӥзы. 1942-тӥ арын пӧсьтолэзьысен Быдӟым Атыкай ожлэн фронтъёсаз ожмаськиз.Нырысь орудилэн наводчикез вал, собере – батареялэн 76-миллиметръем гаубица орудиезлэн командирез. Москва, Харьков но Днепр понна ожъёсы пыриськиз. Сталинград, Воронеж, Степной фронтъёсын ожмаськиз.

1943-тӥ арын 26-тӥ куарусёнэ Степной фронтысь 7-тӥ гвардейской армилэн 81-тӥ гвардейской стрелковой дивизилэн 235-тӥ полкезлэн орудиезлэн наводчикез гвардиысь горд армеец Александр Лушников Днепр шурлэн бурпал ярдураз Бородаевка черкогурт (Украина Днепропетровск улос Верхнеднепровск ёрос) понна ожмаськонын, аслаз орудиеныз ыбылыса, совето пехоталы азьлань мыныны луонлык кылдытӥз.

1943-тӥ арын 10-тӥ коньывуонэ Лушников, куинь тушмон танклы пумит оже пыриськыса,  кыксэ пушкытӥз но кыкезлэсь ик экипажъёссэ пленэ басьтӥз.

СССР-ысь Вылӥ Кенешлэн Президиумезлэн 1943-тӥ арын 26-тӥ коньывуонэ гожтэм Косэтэзъя, фронтын командованилэсь боевой заданиоссэ ӟеч быдэсъямез но немец захватчикъёсын геройлыко ожмаськемез понна, горд армецлы Лушников Александр Матвеевичлы Совето Союзлэн Героез дано ним сётэмын но «Зарни Кизили» медален данъетамын (1404-тӥ номер).

1945-тӥ арлэн пумаз сержант Лушников А. М. демобилизовать каремын. 1949-тӥ арысен коммунист партилэн (ВКП(б)) `ёзчиез луиз. Дэри ёросысь Ленино черкогуртын колхозлэн тӧроез луыса ужаз, собере Ижкаре улыны выжиз.

1967-тӥ арын 6-тӥ шуркынмонэ Ожгар но ужан данлыклы сӥзем монкументэз усьтон ужрадын Александр Лушников Ялан ӝуась тылэз кенжытӥз.

Улонысь кошкиз 1989-тӥ арын 16-тӥ куартолэзе. Ватэмын Ижкарын.

Данъетъёсыз

• Ленин орден
• Атыкай ожлэн 1-тӥ степенё орденэз
• Горд Кизили орден
• «Знак Почёта» орден
• медальёс.

Солэн нимыз Ижкарысь Машина поттон заводлэн ужасьёсызлы сӥзем мемориал пул вылэ пыртэмын.

Литература

• Герои Советского Союза — наши земляки. Ижевск, 1962.
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Днепр — река героев. Киев, 1983.
• Кулемин И. Г. Героев наших имена. Ижевск, 1975.
• Кулемин И. Г. и др. Герои Советского Союза — наши земляки. Устинов, 1985.

Валэктонъёс

Чӧлсконъёс

Александр Матвеевич Лушников [ӟуч] «Герои страны» сайт.