Ярославцев, Александр Егорович
| Александр Егорович Ярославцев | |
|---|---|
 | |
| Вордӥськем нуналыз | 3-тӥ шуркынмонэ 1909 |
| Вордӥськем интыез | |
| Кулон нуналыз | 14-тӥ шуркынмонэ 1972 (63 арес) |
| Кулэм интыез | |
| Кун | |
| Данъетъёсыз |
     |
Александр Егорович (Георгиевич) Ярославцев (1909–1972) — Быдӟым Атыкай оже пыриськем мурт, Совето Союзысь Герой.
Улон сюресэз
Вордскиз Ватка губерниысь Сарапул уездысь Кайсыгуртын (али Удмуртиысь Шаркан ёросэ пыре) 1909-тӥ арын 3-тӥ шуркынмонэ. Вазь анай-атайтэк кылиз. Быдэ вуиз Сосновка но Шаркан нылпи юртъёсын. 1930-тӥ арысен Ижын улӥз[1]. Служба нуиз НКВД ёзъёсын[2]. Борысь ужаз Дэбес ёросын, отысь ик 1941-тӥ арын коньывуонэ фронтэ кошкиз[3].
1942-тӥ арын куартолэзе Уйпал Кавказ фронтын герзетъя взводэ командире пуктэмын вал. Бӧрысь ожмаськиз Лымшор-Шундыпуксён, Степной но 2-тӥ Украин фронтъёсын. Курск оже, Белгородэз но Харьковез мозмытонэ пыриськиз[1].
Подвигез
Тодмо луиз Днепр шур понна ож дыръя. 1943-тӥ арын 30-тӥ куарусёнэ, ротаен кивалтыса, со приказ басьтӥз Днепр вамен телефон герӟет кыскытыны. Тушмонлэн шулась пуляосыз ултӥ приказ 2 часлы дырызлэсь вазь кыскемын вал, но ож дыръя со кӧня ке пол тӥяськылӥз. Ярославцевлы 3 пол герӟетэз шедьытъяно но 20 пол ужасьтэм линиез тупатъяно луиз. Кабель кыскытонъяз связистъёслэн группазы котыртэме сюриз. Соку Ярославцев тушмонъёс вылэ граната куштӥз. Связистъёс котыртэмысь потӥзы но азязы пуктэм заданиез быдэстӥзы. 1944-тӥ арын 22-тӥ тулыспалэ Александр Ярославцевлы Совето Союзысь Герой вылӥ ним сётӥзы[1][2][3].
Ож бере
Быдӟым ож бере Ярославцев Дэбесэ берытскиз, артельлэн кивалтӥсез луыса ужаз. Берпум аръёссэ Ижын улӥз. Кулӥз 1972-тӥ арын 14-тӥ шуркынмонэ. Ватэмын Дэбесын[1][2].
Данъетъёсыз
- Совето Союзысь Герой
- Горд Знамя орден
- Отечественной ожлэн II степенё орденэз
- Горд Кизили орден
- Медальёс[1][4][2]
Буре ваён
- А. Ярославцевлэсь нимзэ Дэбесысь одӥгез ульча нуллэ[1].
- Солэн улэм юртэз борды буре ваён пул юнматэмын[1].
- 2021-тӥ арын Дэбес ёросысь А. Е. Ярославцев нимо Сюрногурт шор ёзо школа борды Совето Союзысь Геройлы сӥзем буре ваён пул шуккизы[2].
- Шарканысь полицилэн ёзэтэз вӧзын Быдӟым оже пыриськем ужам муртъёссылы синпелет сылэ, отчы А. Ярославцевлэн но нимыз пыртэмын[1].
Валэктонъёс
- ↑ 1 2 3 4 5 6 7 8 Ярославцев Александр Егорович Кировская областная научная библиотека им. А. И. Герцена
- ↑ 1 2 3 4 5 Министр внутренних дел по Удмуртской Республике принял участие в открытии мемориальной доски Герою Советского Союза Александру Ярославцеву МВД по Удмуртской Республике
- ↑ 1 2 Ксения Роготнева. О Герое говорят и помнят Новый путь
- ↑ Ярославцев Александр Егорович Память народа
- 3-тӥ шуркынмонэ вордӥськемъёс
- 1909-тӥ арын вордӥськемъёс
- Ватка губерниын вордӥськемъёс
- 14-тӥ шуркынмонэ кулэмъёс
- 1972-тӥ арын кулэмъёс
- Ижкарын кулэмъёс
- Совето Союзлэн Героез
- Ленин орденлэн кавалеръёсыз
- Горд Знамялэн орденэзлэн кавалеръёсыз
- Быдӟым Атыкай ожлэн II степенё орденэзлэн кавалеръёсыз
- Горд Кизили орденлэн кавалеръёсыз
- Тодмо муртъёс алфавитъя
- Удмуртиысь дано адямиос
- Быдӟым Атыкай оже пыриськемъёс