Юхнин, Виктор Михайлович

Виктор Михайлович Юхнин
Виктор Михайлович Юхнин
Вордӥськем дырыз	23-тӥ толсуре 1923
Вордӥськем интыез	Сарапул, Урал область (РСФСР), РСФСР, СССР;
Кулэм дырыз	27-тӥ толшоре 1989 (65 лет)
Кулэм интыез	Сарапул, Удмурт Автономной Советской Социалистической Республика, РСФСР, СССР;
Кыӵе войскоез	пехота[d]
Служить карон аръёсыз	1941—1958
Званиез	Майор
Ожмаськонъёс/ожъёс	Быдӟым Атыкай ож
Данъетъёсыз	;

Ви́ктор Миха́йлович Юхни́н^[1] (1923 — 1989) — офицер, майор (1958). Совето Союзысь Герой (1943). Быдӟым Атыкай ож дыръя Степной фронтысь 37-тӥ армиысь 110-тӥ гвардейской стрелковой дивизилэн 310-тӥ гвардейской стрелковой полкезлэн командирез вал. Сарапул карлэн дано муртэз.

Биография

Вордӥськиз 1923-тӥ арын Сарапулын. 1940-тӥ арын сизьым аръем школаез йылпумъяз, собере МТС-ын тыршиз. 1941-тӥ арын армие басьтэмын но Ленинградысь 3-тӥ пехотной училищее дышетскыны келямын (Быдӟым ож кутскем бере училище Воткинске эвакуировать каремын вал). 1941-тӥ арын гудырикошконэ дышетскисьёс фронтэ нуэмын вал^[2]^[3].

Виктор Юхнин ожмаськиз Уйпал Кавказын. Моздок кар дорын сӧсырмыны шедиз. Эмъяськемез бере жугиськиз Новороссийск понна, мозмытӥз Кубанез но Украинаез. 1943-тӥ арын 29-тӥ куарусёнэ, Днепр вамен выжон дыръя, Юхнин отрядэныз тушмонэн киултэм шормуӵе потӥз, нош отысен — Днепрлэн бур ярдураз, Кировоград улосысь Куцеволовка черкогурт пала^[2]. Соку десантникъёсын пыж пуштонъёсын сэрен берыктӥськиз. Юхнинлэн кивалтэмез улсын ожгарчиос кезьыт вуысь пулемётъёсты поттазы. Взводлэсь сосырмем командирзэ воштыса, Юхнин быгатыса кивалтиз черкогуртэз мозмытонэн но контратакаосты палэнтонэн. 15-тӥ оштолэзе сӧсырмыны сюриз. Госпитальын йӧнатскемез бере берытскиз фронтэ^[3].

СССР-ысь Вылӥ Кенешлэн президиумезлэн косэтэзъя, Днепр шур вамен потон дыръя быгатыса кивалтэмез, шурлэн бур ярдураз азинсконъёс но ассэ геройлыко возьматэмез понна Виктор Михайлович Юхнин 1944-тӥ арын пусъемын Совето Союзысь Герой нимын, Ленин орденэн но «Зарни Кизили» медален^[2].

Со арын ик куарусёнэ Юхнин келямын вал Муско улосысь Егорьевское карын интыяськем пилотъёсты дасянъя 14-ти авиашколае. Отын ик пумитаз Вормон нуналэз. Ож бере автомобильной ожгар училищеез йылпумъяз^[2], Урал но Приморск ожгар округъёсысь автомобиль войскоосын службазэ азинтӥз. Коммунистъёслэн партиязы пыриз.

1958-тӥ арын Сарапулэ берытскыса, Виктор Юхнин тыршиз Сарапулысь электрогенераторной заводын: нырысь валтӥсь инженер луыса, собере автоколонналэн кивалтӥсез чотын, бӧрысь — вылӥ мастер но вылӥ инженер луыса. Пенсие потэмез бере Сарапулысь Быдӟым ожысь ветеранъёслэн кенешсылэн тӧроезлэн воштӥсез вал^[3].

Кулӥз 1989-тӥ арын 27-тӥ толшоре. Ватэмын Сарапулысь 2 номеро шайвылэ^[3].

Данъетъёсыз

Совето Союзысь Геройлэн «Зарни Кизили» медалез
Ленин орден
Отечественной ожлэн I степенё орденэз
пӧртэм медальёсын, соос пӧлын:
- «За отвагу» медаль (9.07.1944);
- «За оборону Кавказа» медаль.

Буре ваён

Виктор Юхнин — Сарапул карлэн дано муртэз (3.06.2010).
Нимыз пыртэмын Сарапулысь электрогенераторной заводлэн Данъян книгаяз.
Сарапулысь корка борды, кудаз В. Юхнин улӥз, буре ваён пул юнматэмын.
Ижысь Ялан ӝуась тыл вӧзысь мемориалын Геройлэн нимыз зарни букваосын гожтэмын^[3].

Валэктонъёс

↑ Василий Михайлович Юхнин
↑ ¹ ² ³ ⁴ Юхнин Виктор Михайлович «Фронтовики Удмуртии» вотэсбам
↑ ¹ ² ³ ⁴ ⁵ Юхнин Виктор Михайлович «Герои страны» вотэсбам

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Ветераны Сарапула : История. Люди. Подвиги. Кн. 2 / сост. С. М. Шайдулин. — Ижевск: Ижевская респ. тип., 2005. — 134 с.
Кулемин Иван Георгиевич. Героев наших имена: Очерки / Лит. обраб. Д. Черашней, Б. Вихарева. — 2-е изд. — Ижевск: Удмуртия, 1975. — 211 с.

[1] Василий Михайлович Юхнин

[:0-2] ¹ ² ³ ⁴ Юхнин Виктор Михайлович «Фронтовики Удмуртии» вотэсбам

[:1-3] ¹ ² ³ ⁴ ⁵ Юхнин Виктор Михайлович «Герои страны» вотэсбам

[1]

[2]

[3]