Юдин, Иван Данилович

Иван Данилович Юдин
Вордӥськем дырыз	9-тӥ (22‑тӥ) гудырикошконэ 1909(1909-08-22)
Вордӥськем интыез	Подкино гурт (али Пермь шаерысь Сива ёросэ пыре)
Кулэм дырыз	24-тӥ тулыспалэ 1945(1945-02-24) (35 арес)
Кулэм интыез	Шёнвассер, Герман империя (али Польша)
Кунмуртлыкез	СССР СССР
Кыӵе войскоез	артиллерия
Служить карон аръёсыз	1942—1945
Званиез	сержант
Ожмаськонъёс/ожъёс	Быдӟым Атыкай ож
Данъетъёсыз
Медиафайлъёс РувикиМедиа пушкын

Юдин Иван Данилович (1909 –1945) – Быдӟым Атыкай оже пыриськем мурт, Лымшор-Шундыпуксён фронтысь 12-тӥ армиысь 1248-тӥ противотанковой артиллерияя полкысь орудилэн командирез. Совето Союзысь Герой, сержант.

Улон сюресэз

Вордскиз Пермь губерниысь Оханск уездысь Подкино гуртын ӟуч крестьян семьяын. 4 классэз быдтӥз. 1931-тӥ арысен Сиваысь етӥн заводын плотник луыса ужаз, собере, 1940-тӥ арын Ленинградысь пар машинаосъя механикъёслэсь курсъёссэс йылпумъяса, Кезысь етӥн заводын тыршиз.

1942-тӥ арын 9-тӥ куартолэзе Кез ёросысь военкомат пыр армие басьтэмын. Фронтын 1943-тӥ арын толшорысен. Ожмаськиз Сталинград, Лымшор-Шундыпуксён, 3-тӥ но 1-тӥ Украин фронтъёсын.

Украинаысь Запорожье улосысь Губенское черкогурт дорын, Днепр вамен потыкузы, ожгарчиос, Юдин кивалтэм улсын, паромен шурлэн шундыпуксён ярдураз выжизы. Лазег интые вуэм беразы солдатъёс орудизэс но ож тӥрлыкъёссэс йӧ вутӥ ӝутыса ярдуре поттазы. Собере, пушказэс ӝужыт ярдуре пуктыса, тушмон пехотаез но танкъёсты ыбылӥзы, нуналскын 10 атаказэс палэнтӥзы, нош ӵуказеяз – 12-сэ, тушмонлэсь танксэ но кӧня ке машинаоссэ быдтӥзы. Юдин сержант кык пол сӧсырмиз, но ож лудысь ӧз кошкы, пушкаен кивалтонзэ азьланьтӥз.

Кӧня ке нунал ортчыса Юдинлэсь расчётсэ берен бур ярдуре чортӥзы асьме ожгарчиослы, Днепр ГЭС дортӥ шур вамен потыкузы, юрттэт сётон понна. Отӥ со кыкетӥзэ Днепр вамен потӥз но ыбылӥськонэз усьтӥз, асьме частьёс шур сьӧры потыны мед быгатозы шуыса. Та ож дыръя Юдин тушмонлэсь прожекторзэ, кык ыбылӥськон интызэ быдтӥз, уно контратакаосты палэнтӥз но, плацдармез паськытатыса, пехотаен ӵош азьлань вамыштӥз. Днепрез выжон дыръя заданиосты ӟеч быдэстэмез понна СССР-ысь Вылӥ Кенешлэн 1944-тӥ арын 19-тӥ южтолэзе гожтэм косэтэзъя Юдин сержантлы Совето Союзысь Герой ним сётэмын (2693 номеро медаль).

1945-тӥ арын 23-тӥ тулыспалэ Силезиын одӥгаз ожмаськонын старшой сержант Юдин секыт сӧсырмиз. Сое 273-тӥ стрелковой дивизилэн Шёнвассер черкогуртын (али Польшалэн музъемез) интыяськись 334-тӥ медсанбатаз нуизы, отын со ӵуказеяз яраосызлэсь кулӥз. Юдинэз ватӥзы Болеславец карысь Кутузов мемориалэ, 1-тӥ Украин фронтлэн ожгар шайвылаз, Кутузов фельдмаршалэн артэ.

Данъетъёсыз

• Совето Союзысь Геройлэн «Зарни Кизили» медалез (19.03.1944);
• Ленин орден (19.03.1944);
• Горд Кизили орден (2.11.1943);
• «Сэзь ожмаськемез понна» (ӟуч: За боевые заслуги) медаль;
• «Сталинградэз утем понна» (ӟуч: За оборону Сталинграда) медаль.

Буре ваён

И. Д. Юдин Кезысь Геройёслэн стелазы вылын

• Сива черкогуртысь одӥгез проулка И. Д. Юдинлэсь нимзэ нуллэ.
• Геройлэн нимыз сётэмын Удмуртиысь Кез черкогуртысь урамлы но проулкалы.
• Кезысь етӥн завод вӧзын, кудаз ужаз И. Юдин, солы сӥзем обелиск сылэ.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Кулемин И. Г. Героев наших имена. — Издание 2-е. — Ижевск: Удмуртия, 1975. — 212 с.

Ссылки

Иван Данилович Юдин [ӟуч] «Герои страны» сайт.