Широких, Валентин Иванович

Википедиысь материал
Валентин Иванович Широких
Широких В. И.jpg
Вордӥськем дырыз 10-тӥ коньывуонэ 1921({{padleft:1921|4|0}}-{{padleft:10|2|0}}-{{padleft:10|2|0}})
Вордӥськем интыез
Кулэм дырыз 6-тӥ гудырикошконэ 1974({{padleft:1974|4|0}}-{{padleft:8|2|0}}-{{padleft:6|2|0}}) (52 года)
Кулэм интыез
Служить карон аръёсыз 1940—1946
Ожмаськонъёс/ожъёс
Данъетъёсыз
Совето Союзлэн Героез
орден Ленина орден Красного Знамени орден Отечественной войны I степени орден Отечественной войны II степени орден Красной Звезды
 отставкаын 1946-тӥ арысен

Валенти́н Ива́нович Широ́ких (1921—1974) — Совето армиысь гвардилэн лейтенантэз, Быдӟым Атыкай оже пыриськем мурт, Совето Союзысь Герой (1946). 2-тӥ Украин фронтлэн 5-тӥ омыр армиысьтыз Горд знамяен Владимир-Волынской 91-тӥ гвардейской штурмовой авиационной полклэн вылӥ лётчикез.

Улон сюресэз

Вордскиз 1921-тӥ арын 10-тӥ коньывуонэ Мальково гуртын[К 1] ӟуч крестьян семьяын. Уржумын 7 классэз йылпумъяз. Вазь анай-атайтэк кылиз. 1938-тӥ арын Сарапулэ улыны выжиз, школаын дышетсконзэ азьланьтӥз но аэроклубе ветлӥз[2][3].

1940-тӥ арын, 9-тӥ классэз йылпумъямез бере, Сарапул ёросысь военкомат ӵектэмъя, Пермьысь пилотъёсты дасянъя ожгар школае дышетскыны пыриз. 1941-тӥ арын сое выжтӥзы Новосибирскысь, нош 1942-тӥ арын — Чкаловысь ожгар авиашколае. Сое йылпумъямез бере Валентин Широкихез фронтэ келязы[3].

Быдӟым Атыкай ож

1944-тӥ арлэн кутсконысеныз Валентин Широких ожмаськиз 1-тӥ но 2-тӥ Украин фронтъёсын, бӧрысь пыриськиз Украинаез мозмытонэ, Румыниын, Венгриын но Чехословакиын ортчем ожъёсы[3][2][4].

Нырысетӥзэ лобаз 1944-тӥ арын 14-тӥ толшоре Ил-2 самолётэн. Соку тушмонлэсь Киев улосысь Мироновка станция дорын сылӥсь уно эшелонъёссэ ыбылӥз[2].

1944-тӥ арын 28-тӥ южтолэзе 3 пол потаз Проскуров карын интыяськем тушмон аэродромез киултонэ. Широкихлэсь группазэ «мессершмиттъёс» но тушмон артиллерия ыбылыса пумитазы. Валтӥсь самолётэз мертчемзы бере В. Широких ас вылаз группаен кивалтонэз басьтӥз но нуиз сое атакае, тушмонлэсь 2 истребительзэ уськытӥз, нош штурмовикъёс солэн кивалтэмез улсын сылӥсь 2 тушмон самолётэз, бензинэн 2 цистернаез но ожгар тӥрлыкен складэз быдтӥзы на. 1944-тӥ арын 4-тӥ инвожое авиакорпусэн кивалтӥсь генерал-майор Николай Каманин В. Широких младшей лейтенантэз Горд Кизили орденэн пусйиз[2][4].

1944-тӥ арын 14-тӥ пӧсьтолэзе Броды кар палан В. Широких ожгар заданиосын 5 пол лобаны потаз. Куинетӥзэ лобакуз, кивалтӥз штурмовикъёслэн группаенызы, ӵошен соос тушмонлэсь 7 машиназэ, 4 уробозэ, одӥг орудизэ но ож тӥрлыкен 15 пала складзэ быдтӥзы. 15-тӥ пӧсьтолэзе В. Широких мукет группаен 4 пол лобаны потаз, соку соос тушмонлэсь 1 танксэ, 4 машиназэ быдтӥзы но 2 тылпу поттыса кельтӥзы[4].

1944-тӥ арын 15-тӥ гудырикошконысен, Висла сьӧрысь плацдармез паськытатонъя операциос дыръя, В. Широких 30 пол ожгар заданиосын лобаз, тушмонлэсь 5 танксэ, грузэн 12 машиназэ, 2 выжзэ, 2 дзотсэ быдтӥз. 1944-тӥ арын 27-тӥ гудырикошконэ Широкихлэн группаез Нови-Весть пункт доры лобаз, уно фашистъёсыз, соослэсь 5 танксэс, пехотаен но грузэн 8 машиназэс быдтӥз, со понна тушмонлы чигнано луиз.

1944-тӥ арын 18-тӥ коньывуонэ В. Широких алама куазен чугун сюресысь Альша станциез эскерыны потаз, тушмонлэсь эшелонъёссэ туспуктӥз, нош бӧрысь лобаз отчы штурмовикъёслэн группаенызы но эшелонъёсты пуштытъяз.

Берпуметӥзэ лобаны потаз 1945-тӥ арын куартолэзе, Прагаез мозмытыку.

Оглом ож вакытэ В. Широких 198 пол ожгар заданиосын лобаны потаз, тушмонлэсь 2 самолётсэ уськытӥз, 30 танксэ, пӧртэм грузэн 102 машиназэ, 91 уробозэ, артиллерийской 3 батареязэ, 7 складзэ, 1 паравоззэ, 12 вагонъёссэ но уно ожгарчиоссэ быдтӥз. Огпол но шудтэм учыре ӧз шедьы, самолётэз оз тӥяськылы[2][3].

Ож бере

1946-тӥ арын гвардиысь старшей лейтенант Валентин Широких запасэ потӥз. Берытскиз Сарапулэ, Осоавиахимлэн кар кенешеныз кивалтӥз. 1947-тӥ арын сое Удмурт АССР-ысь Вылӥ Кенеше депутатэ бырйизы. 1948-тӥ арын Широких Украинаысь Черкассы каре улыны выжиз, Ан-2 самолётэн лобаз[2]. Пенсие потэмез бере отысь аэродромын инструктор луыса тыршиз[4].

Кулӥз 1974-тӥ арын 6-тӥ гудырикошконэ[4].

Данъетъёсыз

СССР-ысь Вылӥ Кенешлэн президиумезлэн 1946-тӥ арын 15-тӥ куартолэзе поттэм косэтэзъя (№ 8999) гвардилэн лейтенантэз Валентин Иванович Широких «ожгар заданиосты усто быдэстэмез но ассэ геройлыко возьматэмез понна» Совето Союзысь Герой нимын, Ленин орденэн но «Горд Кизили» медален пусъемын[2].

Со сяна, Широких данъямын вал Горд Знамялэн 3 орденэныз, Отечественной ожлэн I но II степенё орденъёсыныз, Горд Кизили орденэн, медальёсын[5][2].

Буре ваён

2015-тӥ арын, Быдӟым Вормонлэн 70 арезлы сӥзьыса, Вятка карысь Вормон паркын гранитлэсь синпелетъёс кылдӥзы. Соос вылын Совето Союзысь 219 Геройёслэн нимъёссы пусъемын вал, соос пӧлысь одӥгез — Валентин Широкихлэн нимыз[3].

Коментарийёс

  1. ↑ 1920-тӥ аръёсы Мальково гурт Уржум уездысь Уржум волосте пыриз, нош собере — Киров улосысь Дубровской 1-тӥ сельсоветэ; али гурт быремын[1].

Валэктонъёс

  1. ↑ crek Мальково [ӟуч] Родная Вятка. Эскеремын 2019-08-27 арын
  2. ↑ 1 2 3 4 5 6 7 8 Валентин Иванович Широких (1921-1974) Уржумская центральная библиотека
  3. ↑ 1 2 3 4 5 Широких Валентин Иванович "Герои страны" вотэсбам
  4. ↑ 1 2 3 4 5 К столетию героя Вятская и Слободская епархия
  5. ↑ Валентин Иванович Широких [ӟуч] «Герои страны» сайт.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • ГСС, ГРФ, ПКОС — наши земляки. — Ижевск, 1995.
  • Кировчане — Герои Советского Союза. — 2-е изд. — Киров, 1962.
  • Кулёмин И. Г. Героев наших имена. — Ижевск, 1975.
«https://udm.ruwiki.ru/w/index.php?title=Широких,_Валентин_Иванович&oldid=482264»-ысь басьтэмын