Шибанов, Виктор Леонидович

Виктор Леонидович Шибанов
Вордӥськем дырыз	7-тӥ южтолэзе 1962({{padleft:1962|4|0}}-{{padleft:3|2|0}}-{{padleft:7|2|0}}) (64 года)
Вордӥськем интыез	Котгурт[d], Россия
Тодос удысэз	филология
Дышетскемез	Удмурт кун университет (1984)
Учёной степенез	филологи наукаосъя кандидат
Данъетъёсыз	«Литературная Россия» газетлэн премиез (2002) Удмурт Элькун премия (2008)
Медиафайлъёс РувикиМедиа пушкын

Ви́ктор Леони́дович Шиба́нов (ворд. 7-тӥ южтолэзе 1962, Котгурт^[d])—росси но удмурт кылбурчи, литературной критик, тодосчи-литературовед. Филологи наукаосъя кандидат (1990). РФ гожъяськисьёслэн союззылэн ёзчиез (1993). Удмурт Элькунысь культура удысысь дано ужась (2004). «Литературная Россия» газетлэн премиезлэн лауреатэз (2002), Удмурт Элькун премилэн лауреатэз (2008).

Улон сюресэз

Вордӥськиз 1962-тӥ арын 7-тӥ южтолэзе Глаз ёросысь Котныр гуртын. Анай-атаез, Леонид Павлович но Людмила Григорьевна колхозын ужазы. Виктор сяна, семьяын эшшо 4 нылпи будэтӥзы.

Коӵышгуртысь шор ёзо школаез йылпумъямез бере Удмурт кун университетэ дышетскыны пыриз. 1984-тӥ арын отысь кылосбуръя фёзэтсэ отличиен йылпумъяз. Студент аръёсаз литературно-творческой кружоке ветлылӥз. Со аръёсы кружокен кивалтӥз тодмо удмурт кылбурчи Даниил Яшин, 5-тӥ курсысен ачиз литературной кружок нуыны кутскиз. Ӟеч дышетскемез но вань ужъёсы мыло-кыдо пыриськемез понна Ленинской премилэн стипендиатэз луиз.

Ленинградысь кун университетын аръем стажировкаез ортчемез бере, отысь очной аспирантурае дышетскыны пыриз. 1990-тӥ арын Екатеринбургын Урал кун университетын «Поэзия В. Соколова (проблематика и поэтика)» темая гожтэм кандидат диссертацизэ утиз.

Собере Совето Армиын службазэ ортчиз.

1990-тӥ арысен Удмурт кун университетысь кылосбуръя ёзэтын дышетӥз. 1995-тӥ арысен удмурт кылосбуръя ёзэтын дышетӥз, 1997-тӥ арысен доцент луиз. Ӟуч литературалэн историезъя, литературалэн теориезъя, литературоведения но мукет темаосъя лекциос лыдӟе. Валтӥсь научно-исследовательской ужез компаративистика удысын. Солы луыса улослэн туала лулчеберетаз выль ӧрез— итературной этнофутуризмез кылдытӥз.

1996—1997-тӥ но 1997—1998-тӥ аръёсы Хельсинкиын стажировказэ ортчиз.

1997-тӥ арысен 2001-тӥ арозь «Дунне кизилиос» радиопередачалэн авторез вал (ӟуч: Мировые звёзды), со дыр куспын сюлэсь ятыр передача дасяз.

2000-тӥ арын УдГУ-ысь удмурт филология факультетлэн деканэзлэн научной ужъя воштӥсез луиз. Огвакыт ик Дышетӥсьёслэсь тодон-валанзэс будэтонъя кун институтын тыршиз. Берло Россиысь наукаосъя академилэн Урал ёзысьтыз Историяя, кылъя но литературая Удмурт институтлэн старшой научной сотрудникез луиз. Удмурт Элькунлэн Кивалтэтэз улсын Терминологической комиссилэн ёзчиез.

170-лэсь трос тодос ужъёслэн, «Под тенью зэрпала» (1997, С. Ф. Васильевен ӵош) монографилэн, дышетон пособиослэн авторзы. Финн, немец но англи кылъёсты тодэ.

Творчествоез

Нырсетӥ ужез—суредэз 1973-тӥ арын «Дась лу!» газетын печатласькиз. Со дырысен нылпиослы потӥсь элькун изданилэн мыло-кыдо гожъяськись юнкорез луиз: нырысь суредъёссэ гинэ ысъялляз, собере—кылбуръёссэ. Берло солэсь ужъёссэ литературалы сӥзем «Молот» журналын печатланы кутскизы. Егит пияшлэн гонорарез велосипед басьтыны тырмиз. Берлогес В. Романовен, А. Клабуковен, Ф. Васильевен, А. Ермолаевен, О. Поскрёбышевен но мукет гожъяськисьёсын тодматскиз, соосын ӵош Ижкаре лыдӟиськисьёсын пумиськонъёсы ветлылӥз. Владимир Романов юрттэмен, Виктор Шибановлы «Орлёнок» пионер лагере вуылыны кылдӥз.

Университетын 4-тӥ курсын дышетскыкуз «Выль ужъёсы ӧтё» («От дела к делу») кылбуръёсын нырысетӥ бичетсэ поттӥз, 1988-тӥ арын—кыкетӥзэ—«Сюлэмам шунды» («В сердце моём солнце»).

2001-тӥ арын Финляндиысь М. А. Кастрен нимо дэменлыклэн юрттэмез улсын 8—11-тӥклассын дышетскисьёс понна Удмурт литературая антология поттӥз.

Виктор Шибанов ӟуч, пор, мордва, эстон, финн, немец, ингуш авторъёслэсь произведениоссэс удмурт кылэ берыктэ. Аслаз кылбуръёсыз эстон, финн, венгер, француз кылъёсы берыктэмын.

Ӵемысь критик чотын вераське. Мыло-кыдо пыриське гожъяськисьёслэн Эстониын, Венгриын, Удмуртиын ортчылӥсь финн-угор конгрессъёсазы. 1996-тӥ арын Финн-угор гожъяськисьёслэн калыккуспо ассоциацизылэн правленияз быръемын.

2001-тӥ арысен Удмуртиысь гожъяськисьёслэн союззылэн правлениезлэн ёзчиез луэ. 

Спорт

Пинал дырысеныз спортэз яратэ, шахматэн тунсыкъяське. 2009-тӥ арын спортъя мастере кандидат луиз.

Данъетъёсыз

• Владимир Романов нимо егитъёслэн литературной премизылэн лауреатэз (1993);
• Удмурт Элькунлэн Данъян грамотаез (2002);
• Удмурт Элькунысь культура удысысь дано ужась (2004);
• Удмурт Элькун Премилэн лауреатэз (2008)—авторской коллективен ӵош.

Библиография

• Виктор Шибанов. От дела к делу: Стихи. — Ижевск: Ижевск: Удмуртия, 1982. — 27 с.
• Виктор Шибанов. Поэзия Владимира Соколова: проблематика и поэтика. Диссертация. — Ленинград, 1990. — 194 с.
• Виктор Шибанов. Возвращаюсь в Уйшор: Стихи. — Ижевск: Удмуртия, 1991. — 70 с. — ISBN 5-7659-0213-X.
• Виктор Шибанов. Удивительный мир поэзии: Анализ лирич. текста. — Ижевск: Удмуртия, 1994. — 87 с. — ISBN 5-7659-0515-3.
• Виктор Шибанов. Словарь физических терминов на удмуртском языке для общеобразовательных школ = Огъядышетсконъя шоръёзо школаослы удмурт кылыл физикая удыскылъёсын кыллюкам. — Сыктывкар: Ассоц. финно-угорских ун-тов, 2011. — 46 с. — ISBN 978-963-9876-64-4.

Валэктонъёс

Литература

• Шибанов Виктор Леонидович. Шибанов, Виктор Леонидович.. — Удмуртия, 1991. — 70 с. — ISBN 5-7659-0213-X.
• Шибанов Виктор Леонидович // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 728. — 768 с. — 2200 экз. — ISBN 978-5-7659-0486-2.
• Шибанов Виктор Леонидович // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 505. — 540 с. — 300 экз. — ISBN 978-5-901304-62-4.
• Виктор Шибанов // Писатели Удмуртии: Библиографический справочник / Составитель А. Н. Уваров. — Ижевск : Удмуртия, 1989. — С. 419. — 464 с. — 5000 экз. — ISBN 5-7659-0131-X.