Шамшурин, Александр Яковлевич

Александр Яковлевич Шамшурин
Александр Яковлевич Шамшурин
	Файл:Шамшурин Александр Яковлевич.jpg
Вордӥськем дырыз	25-тӥ шуркынмонэ 1923
Вордӥськем интыез	Ижевск, Вотско АО, РСФСР, СССР
Кулэм дырыз	15-тӥ толшоре 1988 (64 арес)
Кулэм интыез	Глазов, Удмурт АССР, СССР
Кунмуртлыкез	СССР
Кыӵе войскоез	пехота
Служить карон аръёсыз	1943—1944
Званиез	Сержант
Командовать кариз	492-тӥ стрелковой полкысь отделениен
Ожмаськонъёс/ожъёс	Быдӟым Атыкай ож
Данъетъёсыз	;

Александр Яковлевич Шамшурин (1923-1988) — Быдӟым Атыкай оже пыриськем мурт, 2-тӥ Белорус фронтысь 492-тӥ стрелковой полкысь пулемётной ёзэтлэн командирез, сержант. Совето Союзысь Герой (1945).

Улон сюресэз

Вордӥськиз Ижын ӟуч семьяын. 7 классэз йылпумъямез бере Ижысь машина поттонъя заводын фрезеровщик луыса ужаз^[1]. Быдӟым Атыкай ож кутскем бере кӧня ке пол фронтэ куриськиз, но сое фронт мышкын ужаны кельтӥзы^[2]. 1943-тӥ арын коньывуонэ Ижысь Пастухов ёросысь военкомат пыр оже басьтэмын вал^[1].

Ож лудын 1943-тӥ арын 8-тӥ пӧсьтолэзьысен, ожмаськыны кутскиз Шундыпуксён фронтын связист луыса. Одӥгаз ожын, сӧсырмем куен, тӥяськем герӟетэз тупатон понна езъёслэсь гольык пумъёссэс пиньёсыныз герӟаз. Герӟет берыктэмын вал, часть со азе пуктэм ожгар заданиез быдэстӥз^[1]. Та подвигез понна Шамшурин Горд Кизили орденэн пусъемын вал^[3].

Госпитальын эмъяськемез бере сое 199-тӥ стрелковой дивизиысь покчи командиръёсты дасянъя ротае пулемётчикъёслэн курсъёсазы келязы. Ожмаськиз 2-тӥ Белорус фронтын. Бася шур дурын ожмаськон дыръя Александр Шамшурин гранатаен танкез пуштытӥз но ӝуатӥз сое, со понна III степенё Слава орденэн пусъемын вал^[2].

1944-тӥ арын 26-тӥ инвожое уйин Шамшурин, пулемётной ёзэтэн кивалтыса, Днепрлэн бур ярдураз потӥз но Поликовичи гурт дорын (Могилёвлэн уйпалаз) ожмаськон инты бырйиз^[1]. Ёзэтысь ожгарчиос тушмонлэсь кык контратаказэ, пулемётэн ыбылыса, палэнтӥзы, со вакытэ валтӥсь войскоос мукет интые выжыны быгатӥзы^[3].

Мукет ожын Шамшуринлэн частезлы приказ сётизы тушмон колонналэсь сюрессэ ворсаны, со колонна асьсэ частьёслы юрттыны мынэ вал. Бадӟым ыштонъёс адӟыса, совето ожгарчиос приказэз быдэстӥзы. Минскез мозмытыку, Александр Шамшурин батальонлэсь вием командирзэ воштӥз^[1]. Ожмаськонын автоматэныз 50-лэсь уно тушмон солдатъёсты быдтӥз^[2]. Юн сямыз но героизмез понна Совето Союзлэн Героез нимын пусъемын.

1944-тӥ арын пӧсьтолэзе Александр Шамшурин секыт сӧсырмиз. Госпитальын йӧнатскемез бере 1945-тӥ арын сое демобилизовать каризы. Берытскиз Иже, ужаз машина лэсьтонъя но механикая заводъёсын. 1955-тӥ арын Глазове улыны выжиз но Чепецк механикая заводын токарь, слесарь-ремонтник луыса но мукет должностьёсын тыршиз.

1977-тӥ арын пенсие потӥз. Улонысь кошкиз 1988-тӥ арын 15-тӥ толшоре. Ватэмын Глазовын^[1].

Данъетъёсыз

«Зарни Кизили» медаль (1945-тӥ арын 24-тӥ южтолэзе 7463 номеро косэтъя);
Ленин орден;
Отечественной ожлэн I степенё орденэз;
Горд Кизили орден;
III степенё Слава орден;
медальёс.

Буре ваён

Александр Шамшуринлэн бюстэз Глазысь Данъян аллеяын сылэ.

Валэктонъёс

↑ ¹ ² ³ ⁴ ⁵ ⁶ Александр Яковлевич Шамшурин(ӟуч) «Герои страны» сайт.
↑ ¹ ² ³ Звезда Героя Исследовательский проект учащихся 10-Б класса Муниципального образовательного учреждения «Средняя общеобразовательная школа № 12», посвященный 65-летию Великой Победы (г. Глазов). Эскеремын 2012-12-22 аре
↑ ¹ ² Кулёмин И. Г. Героев наши имена. — Ижевск: Удмуртия, 1975. — С. 68—70. — 212 с.

[warheroes-1] ¹ ² ³ ⁴ ⁵ ⁶ Александр Яковлевич Шамшурин(ӟуч) «Герои страны» сайт.

[ЧМЗ-2] ¹ ² ³ Звезда Героя Исследовательский проект учащихся 10-Б класса Муниципального образовательного учреждения «Средняя общеобразовательная школа № 12», посвященный 65-летию Великой Победы (г. Глазов). Эскеремын 2012-12-22 аре

[Кулёмин_1975-3] ¹ ² Кулёмин И. Г. Героев наши имена. — Ижевск: Удмуртия, 1975. — С. 68—70. — 212 с.

[1]

[2]

[3]