Субботин, Павел Захарович

Педпал суредъёс
Педпал суредъёс
	Памятник Субботину в Ижевске.

Павел Захарович Субботин
Павел Захарович Субботин
Вордӥськем дырыз	8-тӥ инвожое 1916
Вордӥськем интыез	Ожгихино[d], Сарапул утем, Ватка губерния, Росси империя[d];
Кулэм дырыз	13-тӥ шуркынмонэ 1955 (39 арес)
Кулэм интыез	Паркачево[d], Сарапул ёрос, Удмурт Автономной Советской Социалистической Республика, РСФСР, СССР;
Кунмуртлыкез	СССР
Кыӵе войскоез	пехота[d]
Служить карон аръёсыз	1937—1939; 1940—1948
Званиез
Частез	212-тӥ стрелковой полк
Командовать кариз	батальонэн
Ожмаськонъёс/ожъёс	Быдӟым Атыкай ож

Па́вел Заха́рович Суббо́тин (8.06.1916—13.11.1955) — Быдӟым Атыкай оже пыриськем мурт, 1-тӥ Белорус фронтысь 33-тӥ армиысь 212-тӥ стрелковой полкысь батальонлэн командирез, майор. Совето Союзысь Герой (1945).

Улон сюресэз

Вордскиз 1916-тӥ арын 8-тӥ инвожое (мукет ивортодэтъя — 16-тӥ инвожое) Ожгихино гуртын (али Удмуртиысь Сарапул ёросын) ӟуч крестьян семьяын^[1].

6 классэз йылпумъяз. Колхозын бригадир луыса ужаз, собере комсомоллэн Ижысь горкомаз ёзэтэн кивалтӥз^[1].

Горд армиын 1937-тӥ-1939-тӥ аръёсы но 1940-тӥ арысен. 1941-тӥ арын шуркынмонэ пехотая училищеысь вакчиятэм курсэз йылпумъяз^[1].

Быдӟым Атыкай ожын — 1941-тӥ арын шуркынмонысен. Стрелковой роталэн командирез, дивизилэн штабаз оперативной отделысь офицер, штурмовой стрелковой батальонлэн командирез вал. Ожмаськиз Шундыпуксён, 2-тӥ но 1-тӥ Белорус фронтъёсын. 2 пол секыт сӧсырмылӥз^[1].

Коммунистической партилэн ёзчиез 1945-тӥ арысен^[1].

Субботин Павел Захарович пыриськиз:

Москва дорын контрнаступлениын — 1941-тӥ-1942-тӥ аръёсы;
Калуга улосысь Киров карлэн шундыпуксён палысьтыз рубежез утёнын — 1942-тӥ-1943-тӥ аръёсы;
Смоленск операциын, Сож шур вамен выжыса, Белоруссие потонын — 1943-тӥ арын;
Белорус операциын — 1944-тӥ арын;
Висла-Одер операциын, Пулавы плацдармын тушмонлэсь обороназэ тӥянын, Фюрстенберг кар дортӥ Одер шур вамен выжонын но ярдураз плацдармез киултонын — 1945-тӥ арын;
Берлин операциын, Одер-Шпрее каналэз выжонын — 1945-тӥ арын^[1].

Стрелковой батальонлэн командирез Субботин висъяськиз 1945-тӥ арын 14-тӥ толшоре Бабин дорын (Польшаысь Пулавы карлэсь лымшор-шундыпуксён пала) тушмонлэсь обороназэ тӥянын но бӧрысь наступлениын. Куинь нунал ӵоже ожмаськыса, батальон 65 иськеме азьлань мынӥз, тушмонлы бадӟым ыштонъёс вайиз^[1].

Ож бере Павел Субботин Свердловск улосысь Ивдель карын ожгар комиссар луыса тыршиз. 1948-тӥ арын майор званиен запасэ потӥз^[1].

Ожгихино гуртын колхоз председательлэн воштӥсез луыса ужаз, собере Паркачево МТС-ын^[1].

Улонысь кошкиз 1955-тӥ арын 13-тӥ шуркынмонэ (мукет ивортодэтъя — 12-тӥ шуркынмонэ). Ватэмын Сарапул ёросысь Паркачево черкогуртын^[1].

Данъетъёсыз

СССР-ысь Вылӥ Кенешлэн президиумезлэн 1945-тӥ арын 27-тӥ тулыспалэ поттэм косэтэзъя ожгар заданиосты адӟем карымон быдэстэмез но ассэ геройлыко возьматэмез понна Павел Захарович Субботин майор Ленин орденэн (27.02.1945), «Зарни Кизили» медален (№ 5212) но Совето Союзысь Герой нимын пусъемын^[1].

Озьы ик пусъемын Отечественной ожлэн 1-тӥ (25.05.1945) но 2-тӥ (22.09.1944) степенё орденъёсыныз, Горд Кизили орденэн (07.10.1943), «За взятие Будапешта», «За освобождение Варшавы», «За взятие Берлина», «За Победу над Германией в Великой Отечественной войне 1941—1945 гг.» медальёсын^[1]^[2].

Буре ваён

Удмуртиысь Сарапул ёросысь Уральской черкогуртысь школа 2010-тӥ арысен СССР-ысь Геройлэсь нимзэ нуллэ^[3].
Ижысь Ленин ёрос администрация вӧзы 2011-тӥ арын куартолэзе П. З. Субботинлы синпелет пуктэмын вал^[2]^[1].
Ижысь Ленин ёросысь выль ульчалы 2012-тӥ арын шуркынмонэ П. З. Субботинлэсь нимзэ сётӥзы^[4].

Валэктонъёс

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ Субботин Павел Захарович Герои страны
↑ ¹ ² О Герое Советского Союза Павле Захаровиче Субботине Официальный сайт Администрации города Ижевска
↑ Имя героя СССР получила школа в Сарапульском районе Удмуртии Архивная копия от 11 толшоре 2014 на Wayback Machine.
↑ В Ижевске появились улицы Пограничная и Героя Советского Союза П. З. Субботина Аргументы и факты в Удмуртии. Эскеремын 2014-05-12 арын

Чӧлсконъёс

Павел Захарович Субботин [ӟуч] «Герои страны» сайт.

[:0-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ Субботин Павел Захарович Герои страны

[:1-2] ¹ ² О Герое Советского Союза Павле Захаровиче Субботине Официальный сайт Администрации города Ижевска

[3] Имя героя СССР получила школа в Сарапульском районе Удмуртии Архивная копия от 11 толшоре 2014 на Wayback Machine.

[4] В Ижевске появились улицы Пограничная и Героя Советского Союза П. З. Субботина Аргументы и факты в Удмуртии. Эскеремын 2014-05-12 арын

[1]

[2]

[3]

[4]