Смирнов, Борис Александрович

Борис Александрович Смирнов
Борис Александрович Смирнов
Вордӥськем дырыз	3-тӥ тулыспалэ 1921
Вордӥськем интыез	Вотка, Сарапул утем, Пермь губерния[d], РСФСР[d];
Кулэм дырыз	17-тӥ гудырикошконэ 1949 (28 арес)
Кулэм интыез	Кохтла-Ярве[d], Эстония;
Кунмуртлыкез	СССР
Кыӵе войскоез	артиллерия
Служить карон аръёсыз	1943—1945
Званиез	старшой сержант
Ожмаськонъёс/ожъёс	Быдӟым Атыкай ож

Борис Александрович Смирнов (1921—1949) — Совето Союзысь Герой, 1-тӥ Белорус фронтысь 69-тӥ армиысь 306-тӥ нимаз истребительно-противотанковой дивизионысь 1-тӥ батареяысь орудилэн командирез, старшой сержант.

Улон сюресэз

Вордскиз 1921-тӥ арын 3-тӥ тулыспалэ Воткаын ӟуч семьяын. Фабрично-заводской школаын дышетскыса, Воткинскысь машина лэсьтон заводын токарь луыса но Воткаысь 2 номеро фабрично-заводской школаын мастер-инструктор луыса ужаз^[1].

1943-тӥ арын тулыспалэ Горд армие басьтэмын. Ожмаськиз Шундыпуксён но 1-тӥ Белорус фронтъёсын, куинь пол сӧсырмылӥз. Пыриськиз Смоленскез но Шундыпуксён Украинаез мозмытонэ, Десна но Шундыпуксён Буг вамен выжонэ. Та ожъёсын висъяськемез понна пусъемын Горд Кизили орденэн но «За отвагу» медален.

Польшаез мозмытонэ но Люблин-Брест наступление дыръя Висла вамен выжонэ пыриськиз. 1944-тӥ арын 29-тӥ пӧсьтолэзе штурмовой группа, Б. А. Смирнов старшой сержант отын пушкалэн командирез вал, Бжезьце гурт дортӥ (али Люблин воеводствоысь Стенжыца волостьысь гурт) Висла шур вамен выжиз но Вислалэн ярдураз интыяськиз. 247-тӥ стрелковой дивизилэсь шурез выжемзэ ватыса, Смирновлэн расчётэз тушмонлэсь атакаоссэ палэнтӥз пушкаысь тылэн, нош снарядъёссы бырем бере — гранатаосын но асьсэ ож тӥрлыкенызы^[1].

СССР-ысь Вылӥ Кенешлэн президиумезлэн 1945-тӥ арын 21-тӥ тулыспалэ поттэм косэтэзъя командованилэсь ожгар заданиоссэ адӟем карымон быдэстэмез но ассэ геройлыко возьматэмез понна Борис Александрович Смирнов старшой сержант Совето Союзысь Герой нимын, Ленин орденэн но медален (№ 5189) пусъемын^[2]^[1].

1945-тӥ арын 9-тӥ тулыспалэ немец Лебус кар понна ожмаськонын секыт сӧсырмиз^[1].

Госпитальын эмъяськемез бере демобилизовать каремын вал. Борис Смирнов берытскиз дораз, кӧня ке дыр ӵоже Воткинскын ужаз, собере Эстон ССР-ысь МВД-е службае интыяськиз но Кохтла-Ярве ёросысь Ахтме каргуртын улӥз. Улонысь кошкиз 1949-тӥ арын 17-тӥ гудырикошконэ. Ватэмын Йыхвиын^[3].

Данъетъёсыз

Совето Союзысь Геройлэн «Зарни Кизили» медалез (№ 5189);
Ленин орден (21.02.1945);
Горд Кизили орден (29.07.1944);
«За отвагу» медаль (11.03.1944);
«За победу над Германией» медаль (09.05.1945).

Буре ваён

Воткаысь огез урам Геройлэсь нимзэ нуллэ.
Воткаысь 5 номеро школа бордын солы сӥзем буре ваён пул шуккемын.

Валэктонъёс

↑ ¹ ² ³ ⁴ Смирнов Борис Александрович www.warheroes.ru.
↑ Борис Александрович Смирнов [ӟуч] «Герои страны» сайт.
↑ Евгений Капов Российские дипломаты почтили память Героя Советского Союза Бориса Смирнова delfi. Эскеремын 2020-05-09 арын

Чӧлсконъёс

Борис Александрович Смирнов [ӟуч] «Герои страны» сайт.

[:0-1] ¹ ² ³ ⁴ Смирнов Борис Александрович www.warheroes.ru.

[2] Борис Александрович Смирнов [ӟуч] «Герои страны» сайт.

[3] Евгений Капов Российские дипломаты почтили память Героя Советского Союза Бориса Смирнова delfi. Эскеремын 2020-05-09 арын

[1]

[2]

[3]