Смирнов

Смирно́в — одӥгез тужгес вӧлмем ӟуч фамилия. Кылдэ церковной луисьтэм Смирнóй нимлэсь, сое крестьянъёс шыпыт, кесяськисьтэм нылпилы поно вылэм.

Озьы ик Смирнов фамилиез нуллӥзы кунысьтымы кӧня ке дворян выжыос.

Вӧлмемез

«География русских фамилий» книгалэн авторез В. А. Никонов пусъемъя, Смирнов фамилия ӵемгес пумиськылӥз Уйпал Поволжьеын: Ярославль, Кострома, Иваново, Нижний Новгород улосъёсын, озьы ик Вологда улослэн лымшор люкетаз, Тверь улослэн шундыӝужан люкетаз, Муско улослэн куд-ог ёросъёсаз. Бӧрысь фамилия вӧлмиз Волга сьӧрын, Ватка но Пермь губерниосын, но Урал сьӧры, Ока пала, Шор Поволжьеын, Орёл но Курск улосъёсын. Россилэн мукет люкетъёсаз та фамилия азьвыл шер пумиськылӥз.

2014-тӥ арлы ивортодэтъя, Смирнов фамилия дуннеын вӧлмемезъя 1243-тӥ интыын вылэм: сое нуллӥз 432 777 мурт.
Фамилилэн вӧлмемез кунъёсъя:

Кун	Кӧня мурт	Кыӵе ӵем пумиськемез	Вӧлмемез
Россия Россия	373 960	1:386	9
Украина Украина	17 180	1:2650	205
Узбекистан Узбекистан	10 779	1:2871	361
Белоруссия Белоруссия	10 119	1:939	26
Казахстан Казахстан	9625	1:1797	190
Туркменистан Туркменистан	2774	1:1983	309
Таджикистан Таджикистан	1449	1:5784	893
Эстония	1093	1:1209	41
США США	875	1:414 298	35 901
Израиль Израиль	847	1:10 103	1548

Тодмо муртъёс

Воргоронъёс

• Смирнов, Борис Александрович — Удмуртиысь Совето Союзлэн Героез, 1-тӥ Белорус фронтысь 69-тӥ армиысь 306-тӥ нимаз истребительно-противотанковой дивизионысь 1-тӥ батареяысь орудилэн командирез.
• Смирнов, Борис Александрович (лётчик) — совето лётчик-ас, Испаниысь Граждан оже, Халхин-Гол шур дурысь ожмаськонэ но Быдӟым Атыкай оже пыриськем мурт. Совето Союзысь Герой.

Нылкышноос

• Смирнова, Надежда Львовна — Россиысь актриса, сценарист.
• Смирнова, Светлана Константиновна — политология наукаосъя доктор.

Валэктонъёс