Перевощикова, Александра Ивановна
| Александра Ивановна Перевощикова | |
|---|---|
| Вордӥськем нуналыз | 11-тӥ шуркынмонэ 1905 |
| Вордӥськем интыез | Трубашур, Глаз утем, Ватка губерния |
| Кулон нуналыз | 6-тӥ толсуре 1995 (90 арес) |
| Ужудысэз | врач-педиатр |
| Данъетъёсыз |
Ленин нимо орден, «Знак Почёта» орден |
Александра Ивановна Перевощикова (29 октябрь (11 ноябрь) 1905-тӥ ар — 6 декабрь 1995-тӥ ар) — врач-педиатр, РСФСР-ысь дано эмъясь, нырысетӥ удмурт нылкышно-профессор.
Улон сюресэз
Александра Ивановна Перевощикова вордӥськиз 1905-тӥ арын 29 октябре (11 ноябре) Вятской губерниысь Глаз уездысь Трубашур гуртын.
1929-тӥ арын Пермь университетысь медициная факультетэз йылпумъяз.
Ужан сюрессэ кутске кутске Глазысь нылпиослэсь тазалыксэ утёнъя пунктын.
1931-тӥ арысен Ижын участковой педиатр луыса ужа, нылпи консультациен кивалтэ, нылпи садысь но Нылпи юртысь эмъясь луыса тырше. Со вакытэ ик эмучилищеын студентъсты дышетэ.
1937-тӥ арысен — ассистент, берло Ижысь медициная институтысь нылпи висёнъёсъя кафедраен кивалтыны кутске.
Вань улытозяз Александра Ивановна Удмуртиысь нылпиослэн тазалыкенызы тунсыкъяськиз. Кылдытӥз аслэсьтыз педиатр школазэ, кытын солэн кивалтэмез улсын нылпиослэн шокан ёзъёслэсь висёнъёссэ, рахит висёнэз эмъян но профилактика юанъёс эскерисько.
Александра Ивановна Ижысь медициная институтысь педиатрияя факультетез усьтонлы трос кужымзэ сётиз. Озьы ик солэн сюлмаськеменыз нылпиосты эмъянъя «Селычка» санаторий усьтэмын вал.
А. И. Перевощикова профессор кивалтэм улсын 20 кандидатской но 3 докторской ужъёс гожтэмын. Со 70 тодос статьялэн авторез луэ.
1958-1965-тӥ аръёсы СССР-ысь Вылӥ Кенешлэн но УАССР-ысь Вылӥ Кенешлэн депутатэз луыса тыршиз.
Ленин нимо орденэн, «Знак Почёта» орденэн но медальёсын пусъемын. А. И. Перевощикова — РСФСР-ысь дано врач, Удмурт Элькунысьысь наука удысысь дано ужась, Ижысь дано гражданин.
Книгаосыз
- Как воспитать здорового ребенка. Ижевск, 1952; Острые заразные болезни у детей и борьба с ними. Ижевск, 1955; Сборник работ по физическому развитию. Ижевск, 1957; Моя судьба — дети. Ижевск, 1985.