Ограбление по-удмуртски, яке Кин кызьы узырме
| Ограбление по-удмуртски, яке Кин кызьы узырме | |
|---|---|
 | |
| Жанрез | боевик, крезьгуро комедия |
| Режиссёрез | Дмитрий Могучев |
| Продюсерез | Артём Медведев |
| Сценарийлэн авторъёсыз |
Максим Колганов, Дмитрий Могучев, Алексей Котков |
| Валтӥсь рольёсын | Роман Болтачев, Алексей Котков, Максим Григорьев, Вадим Дмитриев, Иван Плотников, Даниил Вахрушев, Надежда Никитина, Анастасия Шубина, Алексей Мулюкин |
| Операторез | Павел Смирнов |
| Художник-постановщикъёсыз | Николай Петров, Елена Корепанова |
| Кыстӥськемез | 1 ч 50 мин |
| кунъёс | Россия, Удмуртия |
| Кылыз | удмурт кыл |
| Потон арез | 2023 |
| Кинопоиск | ID 5279261 |
Ограбле́ние по-удму́ртски, и́ли Кин кы́зьы узырме́ — егитъёслы сӥзем романтической комедия но нырысетӥез удмурт боевик. Режиссёрез — Дмитрий Могучев, операторез — Павел Смирнов. Валтӥсь рольёсты шудӥзы Удмурт йӧскалык театрысь артистъёс.
Премьераез ортчиз Ижкарын 2024-тӥ арын 15-тӥ тулыспалэ[1].
Синопсис
Пудо возьмась, комбайнёр но ужтэк кылем мурт туж уксёлы кулэясько. Вань вариантъёсты эскерыса, соос банкысь уксё лушканы малпало. Ваньзэ рос-прос дасяса, "уже" пото. Банке вуыса, геройёс ӧжыт гинэ кредит уг басьто. Со дыре отын зэмос ограбление ортче.
Кылдон историез
Та выллем кино пуктон малпан кемалась кылдэмын ни вал. Василий Шукшинлэн произведениосызъя пӧртэм спектакльёсын Удмуртиысь пӧртэм гуртъёсы но каръёсы вуылӥзы. Дыр ортчемен, труппаысь ваньмыз сямен нылкышноос нылпи вайылӥзы, декретной отпуске кошкизы. Соку коллективысь воргоронъёслэн чылкак ворогорон рольёсын спектакль пуктон сярысь малпанзы кылдӥз[2].
Егит артистъёс асьсэосмалпазы сюжет, куспазы рольёсты люкылӥзы но репетициос вискын шутэтскон дыръёсы сценарий гожтӥзы. «Ограбление по-удмуртски, или Кин кызьы узырме» шуыса нимазы[2][3].
2019-тӥ арын артистъёс репетициос борды басьтӥськизы, декорациос шедьтӥзы, но уж йылаз-пумаз вуттытэк кылиз. Нош 2020-тӥ арын кутскем пандемиен валче, ужзы быдэсак дугдытэмын вал[2].
В 2019 году я поступил в Академию кинематографического и театрального искусства Н.С. Михалкова, а жил в общежитии ГИТИС-а. В комнате нас было трое: продюсер, актёр и режиссёр. Как-то я обмолвился, что мы с коллегами пытаемся поставить спектакль, сценарий готов. И тогда мой сосед, режиссёр из Карелии Дмитрий Могучев, предложил снять фильм.
— Максим Григорьев, исполнитель роли Джимми[2]
тизерез снять карон бордысен ужзэс кутскизы. Солы уксё октон краудфандинговой платформаын ялэмын вал. Озьы ке но, бичам уксё быдэсак фильмез пуктыны ӧз тырмы, соин кинематографистъёс кыкетсэ краудфандинговой сбор ялӥзы но тырмыт уксё люказы[3][4].
Нырысетӥ удмурт боевик пуктэмын вал 14 нунал куспын 2022-тӥ арын пӧсьтолэзе. Тросэз сценаос пуктэмын Пичи Пурга ёросысь Вуж Монья гуртын но Ижкарын, озьы ик Пичи Пургалан но Лудорвайын пуктэм эпизодъёс вань. Удмурт йӧскалык театрысь артистъёс сяна съёмкаосы пыриськизы «Брангуртысь песяйёс» но элькунысь мукет улӥсьёс[5].
Поскольку во время съёмок нам самим приходилось решать различные вопросы, связанные с подбором массовки и актёров на второстепенные роли, питанием, финансированием, иногда даже не успевали репетировать. К тому же, мы, артисты театра, привыкли играть сцены последовательно, а сцены фильма снимались в разное время в разных локациях, так что в голове возникала путаница.
— Вадим Дмитриев, исполнитель роли Чугаева[2]
Съёмкаос бере монтаж лэсьтон но куара гожтон понна выльысь уксё бичан радъямын вал. Озьы ке но, бичам уксё тырмыт луымтэен, театрлэн кивалтэтэз, фильмез быдэстон понна, концерт радъяны дэмлаз. Соберегес ик тодмотэм муртлэсь 200 сюрс тыр уксё вуиз. Съёмочной группа али ке но меценатлэсь нимзэ ӧз тоды на[2].
Фильмез йылаз-пумаз вуттэм бере, сое лэсьтӥсьёс мукет шуг-секытэн пумиськизы — прокатной удостоверенитэк фильмез кинотеатръёсын возьматыны уг луы. Та учырын нош ик юрттӥз спонсор[2].
Премьера
Витетӥ полнометражной удмурт фильмлэн премьераез (ӟуч субтитръёсын) ортчиз Ижкарысь «Россия» киноцентрын 15-тӥ тулыспалэ 2024-тӥ арын. Вань билетъёс азьпал ик басьтэмын вал[2].
Фильмын огаз сценаын узырмон амал утчась герой фильм пуктыны дэмла, бускелез солы пумит тазьы вазе: «Ма кин лыктоз ӟуч субтитръёсын удмурт киноез учкыны?» Премьера дыръя залын пукисьёс ваньзы сямен: «Ми!» шуыса черектӥзы[2].
Фильм возьматэмын вал Удмурт Элькунысь тросаз каръёсын но ёрос центръёсын[6][7].
2023-тӥ арын сӥзьыл Ижкарын, Москваын но Петрозаводскын азьпал возьматонъёс ортчизы[5][6].
Актёръёс
| Актёр | Персонаж |
|---|---|
| Вадим Дмитриев | Чугаев, ужтэк кылем мурт, кушемнимыз Чугаретти |
| Даниил Вахрушев | пудо возьмась |
| Роман Болтачев | комбайнёр |
| Алексей Котков | Шальтрамов, полицейский |
| Максим Григорьев | Джимми, лушкаськись |
| Иван Плотников | Джонни, лушкаськись |
| Надежда Никитина | Лида, банкын ужась, Чугаевлэн азьвыл кузпалыз |
| Анастасия Шубина | Тамара, вузкарись |
| Алексей Мулюкин | тордос |
Удмурт йӧскалык театрысь артистъёс сяна, второстепенной но эпизодической рольёсты шудӥзы «Брангуртысь песяйёс» но Удмуртиысь мукет улӥсьёс[1][5].
Азьланьтонэз
«Ограбление по-удмуртски, или Кин кызьы узырме» фильмлэн командаез Ижысь азьпал возьматонын сиквел кылдытон бордын ужанзы сярысь ялӥз. Но фильмлэн кылемез потыны быгатоз, нырысетӥ люкетэз прокатын тырмыт уксё люказ ке гинэ[8].
Озьы ик учке
Валэктонъёс
- ↑ 1,0 1,1 София Хохрякова Премьера удмуртского фильма «Ограбление по-удмуртски» состоялась в Ижевске ИА "Удмуртия".
- ↑ 2,0 2,1 2,2 2,3 2,4 2,5 2,6 2,7 2,8 2,9 Мария Векшина. Сизьым öсэ йыгаськыса(удм.) // Удмурт дунне : газета. — 2024. — 29 тулыспалэ (№ 8). — С. 20.
- ↑ 3,0 3,1 «Кин кызьы узырме, или Ограбление по-удмуртски» фильмлэн вакчи тизереныз тодматскон ортче (видео)(удм.) YouTube.
- ↑ Бекстейдж трейлер фильма "Ограбление по-удмуртски" (2023) YouTube.
- ↑ 5,0 5,1 5,2 Анжела Поздеева «Ограбление по-удмуртски»: полнометражный фильм сняли в Удмуртии Удмуртская правда.
- ↑ 6,0 6,1 В Глазове покажут почти двухчасовую комедию-драму «Ограбление по-удмуртски» (16+) Город Глазов.
- ↑ Ограбление по-удмуртски, или Кин кызьы узырме Кинотеатр "Новый мир" / Алнаши.
- ↑ Марина Орехова «Ограбление по-удмуртски»: состоялся первый предпоказ фильма izh.kp.ru.