Непряха

Гурт
Непряха
56°22′13″ с. ш. 53°53′41″ в. д.
Кун	Россия Россия
Федерацилэн асмосэз	Удмурт Элькун
Муниципал ёрос	Сарапул
Шор интыезлэн ӝуждалаез	86 м
Улӥсез
Улӥсез	168 мурт (2022)
Цифровой идентификаторъёс
Почта индекс	427971
Код ОКАТО	94237847002
Код ОКТМО	94537000351
Непряха Москва

Непряха — Сарапул ёросысь гурт. Усть-Сарапул гурт поселенилэн пушпӧлаз пыре.

Интыяськемез

Интыяськемын элькунлэн лымшорен шундыӝужан висказ, лысо но куаро писпуо зонаын, Сарапул вырйыл котырын, Кам шурлэн бурпал ярдураз, Сигаеволэсь 9 иськемлы палэнын (шонер сюрес кузя). Тужгес ӝужыт интыез — 86 метр зарезь вадьсын.

Куазь

Куазь шоро-куспо континентальной, толалтэ кема кыстӥське, трос лымыё но кезьыт луэ, гужем — вакчи, шуныт. Ар ӵоже шорлыко температура — 2,3 °С. Пӧсьтолэзе, арлэн тужгес шуныт толэзяз, омырлэн температураез +18,3 °-озь ӝутӥське; толшоре −13,8 °-озь лэзиське. Будон-пушъён вакыт 160—170 нунал кыстӥське. Ар куспын 548 мм пала зор-кот усе.

Часовой пояс

Непряха гурт, быдэс Удмурт Элькун сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ.

Улӥсез

2002-тӥ арын огъя союзной переписья, 151 улӥсь мурт пӧлысь 82%-эз ӟучъёс вал.

Улӥсь калыклэн лыдыз

2002	2010	2012	2020
151	↗166	↗170	↗241

50

100

150

200

250

300

2002

2010

2012

2020

2022-тӥ арын гуртын улӥсез 168 мурт вал, соос пӧлысь 7 аресозь нылпиос — 5 мурт, 8 аресысен 18 аресозь — 8 мурт, 19 аресысен 30 аресозь — 20 мурт, 31 аресысен 60 аресозь — 77 мурт, 60 ареслэсь мӧйыгес — 48 мурт, 80 арлэсь кема улӥсьёс — 9 мурт.

Историез

Гуртлэн нимыз отын улӥсьёслэн ужан удысэнызы герӟаськемын: вашкала дырысен татын дэра ӧз куылэ, горд сюйлэсь арбериос лэсьтылӥзы, гончарной ужен вырылӥзы. Этнографической экспедициосын татысь горд сюйлэсь лэсьтэм сосудъёс но фигуркаос шедьтэмын вал. Ортчытэм эскеронъёсъя, Непряхинской городище, кудӥз али археологи объект луэ, III даурысен сюйлэсь тусьты-пуньы лэсьтылон инты вылэм. Та палъёсын горд сюй туж ӟечлыко, солы луыса, XVIII даурысен гончарной уж зол азинскыны кутскемын. XX дауре кирпич но черепица поттон радъямын вал.

1710-тӥ арын Ватка шаерын ортчытэм переписьын улон интылэн нимыз «Деревня Непряхино» шуыса пусъемын. Ватка губернилэн статистикая материалъёсаз 1884—1893-тӥ аръёсысь Подворной описьын тазьы гожтэмын:

Непряха гурт Кам вылын интыяськемын; гурт пыртӥ озьы ик Барышиха шур бызе, отын ик Малая Барышиха ошмес потэ. Уезд карлэсь, волостной правленилэсь, матысь училищелэсь но приходской черклэсь 15 иськемлы палэнын. Улӥсез — православной ӟучъёс, удельной крестьянъёс. Гурт ог 200 ар талэсь азьвыл кылдытэмын, нырысь улӥсьёсыз Пермь губерниысь Осинской уездысь Ершовской волосте пырись Ершовка черкогуртысь лыктэмъёс вал. Гуртлэсь 1 ½ искемлы палэнын, Кам шур выллапалан вотякъёс улӥллям. Башкиръёслэсь басьтэм музъемзэс крепостной шуыса лыдъяло. Гуртлэсь 1 иськемлы палэнын Барышиха шур дурын мамонтлэн гырпиньыз но йырыз шедьтэмын, соос Сарапулэ келямын вал. 26 ар талэсь азьвыл гурт ӝуаса быриз, соин валче вань кылем пукыӵ ньӧлъёс но копьёос ӝуазы. Надельной музъемзы сяна, вал на 42,7 десятина крепостноез (31,3 десяина нюлэс но 11,4 десятина гурезь улын), 1887-тӥ арын уделысь 750 манетэн басьтэмын. Гуртын 9 тӧлӥськон машиназы вань.

1996-тӥ арысен гуртын клуб ужа. Со кирпич поттон заводлэн контораезлэн азьвыл юртаз интыяськемын. Кирпич завод 1996-тӥ арын пытсамын вал. 2015-тӥ арын «Забавушка» ансамбль но декоративно-прикладной но изобразительной искусствоосъя «Пчёлка» коллектив кылдытэмын. Отын исследовательской ужъёсын, гончарной ужез выльдонэн выро. 2019-тӥ арын 1-тӥ шуркынмонысен Грантъёсъя президент фондлэн юрттэмез улсын «Непряхинская керамика» проект быдэстӥське.

Валэктонъёс