Юриха

Гурт
Юриха
56°37′12″ с. ш. 53°43′10″ в. д.
Кун	Россия Россия
Федерацилэн асмосэз	Удмурт Элькун
Муниципал ёрос	Сарапул
Шор интыезлэн ӝуждалаез	76 м
Улӥсез
Улӥсез	256 мурт (2025)
Цифровой идентификаторъёс
Почта индекс	427984
Код ОКАТО	94237830006
Код ОКТМО	94537000116
Юриха Москва

Юриха — Удмурт Элькунысь Сарапул ёросысь гурт. Пыре Нечкино гурт поселение.

Интыяськемез

Интыяськемын элькунлэн лымшор но шундыӝужан палаз, лысо но куаро писпуо интыосын, Сарапул вырйыл котырын, Юриха шурлэн бурпал ярдураз, 94К-11 бадӟым сюреслэсь шундыпуксён пала кожыса, Сигаево черкогуртлэсь 22 иськемлы палэнын. Тужгес ӝужыт интыез — 76 метр зарезь вадьсын.

Куазь

Куазь шоро-куспо континентальный, толалтэ трос лымыё, кезьыт луэ но кема кыстӥське. Гужем вакчи, шуныт. Ар ӵоже шорлыко температура — 2,3 °С. Пӧсьтолэзе, арлэн тужгес шуныт вакытаз, температура +18,3 ° котыр возиське; толшоре, тужгес кезьыт вакытэ — −13,8 ° котыр луэ. Будон-пушъён вакыт 160—170 нунал кыстӥське. Ар куспын шорлыдын 548 мм пала зор-кот усе.

Часовой пояс

Юриха гурт, быдэс Удмурт Элькун сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ.

Улӥсез

2002-тӥ арын Юрихаын улӥсез 291 мурт вылэм. 2010-тӥ арын — 262 мурт. 2020-тӥ арын — 210 мурт. 2025-тӥ арын Юриха гуртын 256 мурт улэ. Соос пӧлын, 7 аресозь нылпиос — 8 мурт, 8 аресысен 18 аресозь — 12 мурт, 19 аресысен 30 аресозь — 31 мурт, 31 аресысен 60 аресозь — 118 мурт, 60 ареслэсь мӧйгес — 74 мурт, 80 ареслэсь мӧйыгес — 14 мурт.

Йӧскалыкъёс

2002-тӥ арын ортчытэм переписья, улӥсьёс пӧлын 94 %-эз ӟучъёс вал, 3 %-эз удмуртъёс, 3 %-эз таджикъёс.

Ватка губернилэн статистикая материалъёсаз, 1884—1893-тӥ аръёсы ортчытэм подворной описьын тазьы пусъемын:

Юриха гурт Юриха шур дурын интыяськемын, уезд карлэсь 18 иськемын, матысь гуртъёслэсь 4 иськемын. Улӥсьёсыз — ӟучъёс, азьвыл удельной крестьянъёс, осконзыя — православнойёс но старообрядецъёс. Нырысетӥосыз улӥсьёс татчы Кузонысь вуэмын. Калыкын таӵе веран вӧлмемын: та гуртэ, пе, Кам йылысь Петухов разбойник нуназеяны дугдылэм. Соберегес ик сое кутӥллям но, калыкез жугса таласа воземез понна, Пислэг гурт дорысь гурезь йылын быдтӥллям. Гуртын улӥсьёс пӧлысь огезлэн песя-песяез дорын со вашкала сабля утиськыса кылем, шуо. Музъем ревизской лулъёсъя люкылэмын. Гуртын 4 тӧлӥськонзы вань.

Валэктонъёс