Заборье (Удмуртия)

Гурт
Заборье
56°14′19″ с. ш. 53°38′26″ в. д.
Кун	Россия Россия
Федерацилэн асмосэз	Удмурт Элькун
Муниципал ёрос	Сарапул
Шор интыезлэн ӝуждалаез	106 м
Улӥсез
Улӥсез	68 мурт (2025)
Цифровой идентификаторъёс
Почта индекс	427994
Код ОКАТО	94237825002
Код ОКТМО	94537000301
Заборье Москва

Заборье — Сарапул ёросысь гурт. Сарапул муниципал округысь Мостовое гурт поселенилэн пушпӧлаз пыртэмын.

Интыяськемез

Интыяськемын элькунлэн лымшорен шундыӝужанпал висказ, лысо но куаро нюлэсъёс пушкын, Сарапул вырйыл котырын, Кырыкмас шурлэн бурпал ярдураз, 94К-28 бадӟым сюреслэсь шундыпуксён пала кожыса, Сигаево черкогуртлэсь 20 иськемлы палэнын. Тужгес ӝужыт интыез — 106 метр зарезь вадьсын.

Куазь

Куазь шоро-куспо континентальной, толалтэ кема кыстӥське но трос лымыё луэ, гужем — вакчи но шуныт. Ар ӵоже шоро-куспо температура — 2,3 °С. Пӧсьтолэзе, арлэн тужгес шуныт толэзяз омырлэн температураез шорлыдын +18,3 °-озь ӝутӥське; Толшоре, тужгес кезьытаз толэзе  −13,8 °-озь лэзиське. Будон-пушъён вакыт 160—170 нунал кыстӥське. Ар куспын 548 мм пала зор-кот усе.

Часовой пояс

Заборье гурт, быдэс Удмурт Элькун сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ.

Историез

Ватка губернилэн статистикезъя матеръялъёсысь 1884—1893-тӥ аръёсы ортчытэм Подворной описьын гуртлэн нимыз «Починок Заборский (Заборы)» шуыса пусъемын. Улӥсъёсыз ӟучъёс, удельной крестьянъёс, осконзыя — православнойёс. Со документын ик, гуртэз ог 100 ар талэсь азьвыл Шадрин гуртысь потэмъёс инъязы шуыса пусъемын.

Заборье гуӵин

Элькунысь Лулчеберет кельтосъёсты утёнъя агентстволэн ивортэмезъя, археологъёс Кырыкмас шур дурысь одӥг гинэ гуӵинэз эскеризы. Вашкала кар но сое котыртӥсь оборонительной сооружение туж бадӟым вылэм. Археологи синпелет шурлэн одӥгаз мукожаз, суро нюлэс пушкын интыяськемын.

Вашкала карлэн интывылаз кӧня ке мур колодчаос кылемын. Дыр ортчемъя, соос куашкамын, согиськемын ке но, мурдалаез ог 3 метр котыр кылемын. Колодчаослэн кылдэмзы пумысен тодэтъёс ӧвӧл шедьтэмын на.

1865-тӥ арын «Вятские губернские ведомости» газетын П. В. Алабинлэн Заборьинской городище сярысь статьяез печатламын вал:

Татын нырысь ик вашкала поръёс но и чудь калык улэм — «чудакъёс»… Заборье починкаын, али сылӥсь часовня интыын чудьёслэн шайвылзы вылэм. Нош асьсэос ӝужыт гурезь вылын улӥллям, али «Чортово Городище» шуыса нимаське. Часовня котырын ӵемысь адями лысьӧмъёс шедьыло, нош Кырыкмас шур дуре васькон нюкын — валъёслэн кылем-мылем лыоссы, туалаеныз ӵошатыса, соос туж бадӟымесь вылӥллям. Озьы ке но, «Чортово Городищеын», туж мур колодчаос сяна, адями улэм бервылъёс уг шӧдӥсько. Ми кыксэ колодчаез эскерим, ӝыныез соос согиськемын ини, шуыны луоз; озьы ке но, соослэн пыдэсаз учкыны турттыса, йыр туж зол поромыны кутске. Малпан кылдэ, азьвыл татын чудьёслэн вӧсяськон-куриськон интызы вылэм, яке кыӵе ке йырвандӥсьёслэн ватӥськон интызы, нош дауркылъёслы осконо ке, колодчаосын дуно макеос ватэмын.

Заборье мугырк

Заборье мугырклэн кылдэмез сярысь татчыозь зэмос тодэтъёс шедьтэмын ӧвӧл на. Озьы ке но, вань малпанъёс: куке но татын медистой песчаник поттӥллям, яке со гырк вуэн кырыса кылдэмын. Азьвыл солэн ӝуждалаез адями тэрымон вылэм, но дыр ортчемъя, юн луисьтэм извыжы куашкамен, гырк согиське ини.

Улӥсез

Улӥсь калыклэн лыдыз

2002	2010	2012	2020
68	↘66	→66	↗145

25

50

75

100

125

150

2002

2010

2012

2020

2025-тӥ арын 1-тӥ коньывуонэ Заборье гуртын улӥсез 68 мурт вал, соос пӧлын 29 воргорон, 39 кышномурт, 5 кузя быдэ вуымтэос но 23 арлыдо муртъёс.

2002-тӥ арын ортчытэм лыдъян-чотанъя, 68 улӥсьёс пӧлысь 85 %-эз ӟучъёс вал.

Гуртын 3 ульчаез вань:

• Дачной;
• Лесной;
• Зелёной.

Валэктонъёс

Чӧлсконъёс

• Сборы на р. Кырыкмас: К вопросу о перспективах выявления нового ареала памятников археологии на территории Удмуртии и Татарстана